ილია თოფურია საქართველოშია. UFC-ის ქართველ ჩემპიონს გულშემატკივარმა, აეროპორტშივე ზღაპრული დახვედრა მოუწყო.
საქართველოს ეროვნული ნაკრების შეკრება საგურამოს ბაზაზე კი დღეს დაიწყო.
ილია თოფურია თბილისშია – დახვედრა აეროპორტში
შოთა რუსთაველის სახელობის თბილისის საერთაშორისო აეროპორტში ილია თოფურიას ასობით გულშემატკივარი დახვდა. მიმდებარე ტერიტორიაზე, მცირე ხნით, მოძრაობა სრულად პარალიზებული იყო.
თოფურიას პირველი კომენტარი Setanta Sports-თან
– უდიდესი მადლობა Setanta Sports-ის ყველა მაყურებელს მხარდაჭერისთვი – ილია
– ილიაა, მადლობა, ძალიან გვიყვარხარ! – ქომაგები
– დიდ ეკრანზე ვუყურეთ, რამდენიმე ათასმა ადამიანმა, თქვენს ბრძოლას, ნახეთ? – მურთაზ ჩიქოვანი
– კი, ვნახე. რას ლაპარაკობ, როგორ არ ვნახე?! მინდა, ყველა იმ ადამიანს, რომელიც დილის 7 საათზე ადგა, ქუჩაში გამოვიდა, მხარი რომ დაეჭირა ჩემთვის! გულის სიღრმიდან ყველას დიდ მადლობას ვუხდი – ილია
– 2 წლის წინ, ინტერვიუში შემპირდი – ქამარს ჩამოიტანდი – მურთაზ ჩიქოვანი
– აი, აქ არის სადღაც. მოიცა, დაგანახო… აი, შეპირებული ჩამოვიტანე! – ილია
ილია თოფურიას შეხვედრა ოჯახთან
ილია თოფურიამ UFC-ის საჩემპიონო ქამარი UFC 298-ზე, ალექსანდრ ვოლკანოვსკის დამარცხების შემდეგ მოიპოვა.
