ბეტა ვერსია

საზეიმო წარდგენა არ შედგება – პსჟ უარზეა

პსჟ ლიონელ მესისთვის, საზეიმო დახვედრას ორგანიზებას არ გაუკეთებს. პარიზში ჩათვალეს, რომ კლუბის ბაზაზე გულთბილი მიღება საკმარისი იყო.

თავდაპირველად, გავრცელდა ცნობა, რომ თავად ლიონელ მესი ითხოვდა სტადიონზე მსოფლიო თასის წარდგენას, რაც ცოტა უცნაურად, და ამავე დროს პროვოკაციულადაც კი ჟღერდა.

სენ ჟერმენის ფანებს შეუძლიათ მესის მიულოცონ მსოფლიო ჩემპიონობა, მაგრამ მასთან ერთად ვერ იზეიმებენ. მათი ქვეყანა დამარცხდა. ემილიანო მარტინესის საქციელმა კი ყველაფერი კიდევ უფრო გაართულა.

არათუ თასის საზეიმო წარდგენაზე, არამედ მესისა და მბაპეს სამომავლო ურთიერთობაზეც ჩამოვარდა სიტყვა. რა თქმა უნდა, მარტინესის გამოხტომები გავლენას იქონიებს მათ ურთიერთობაზე. საკითხავია მოედანზე რამდენად აისახება ეს ყველაფერი.

ვერ შევადარებთ ამ მოვლენას 1990 წლის ამბავს, როცა დიეგო მარადონამ ნეაპოლელებს მოუწოდა არგენტინისთვის დაეჭირათ მხარი, სულ სხვა ამბავია, სულ სხვა ქალაქი და სულ სხვა ხალხი, მაგრამ მაინც პროვოკაციულად ჟღერს წაგებულ ქვეყანას ცხვირწინ თასი უტრიალო.

არადა, მესის კონტრაქტი ჯერ კიდევ ჰაერშია. მხოლოდ სიტყვიერი შეთანხმება არსებობს. რამე თუ არ მოეწონა ზაფხულშივე შეუძლია წავიდეს. კამპ ნოუზე ხომ ისე იზეიმებდნენ მის ჩემპიონობას, როგორც არგენტინაში?!

დაკავშირებული სტატიები

ავტორის შესახებ

არმაზ ახვლედიანი

არმაზ ახვლედიანი

მე ვარ Setanta Sports-ის ჟურნალისტი არმაზ ახვლედიანი. ამჟამად ვწერ ანალიტიკურ სტატიებს ფეხბურთზე, სოციო-ეკონომიკური და პოლიტიკური გავლენების შესახებ. გარდა ამისა, ვწერ ბლოგებსა და მიმოხილვებს. აქამდე პოლიტიკის, ლიტერატურისა და მოგზაურობის შესახებ ვწერდი ჟურნალ ლიბერალში, რადიო თავისუფლებაზე და National Geographic-ზე. ვარ ლიტერატურული ჟურნალის, "დარაჯის" ერთ-ერთი დამფუძნებელი და მთავარი რედაქტორი. ვარ ფსიქოლოგიისა და ტურიზმის ბაკალავრი და შედარებითი ლიტერატურათმცოდნეობის მაგისტრი. ხშირად ვიყენებ ლიტერატურულ თეორიებს ბლოგების სტრუქტურის ასაგებად, ასევე, გამომიყენებია შედარებითი ანალიზი, ფეხბურთელებსა და ლიტერატურულ პერსონაჟებს შორის.

Access our streaming platform

მიიღე წვდომა ჩვენს პლატფორმაზე