Rkena Hosting PFL-ის მედია აკრედიტაციების მიღება დაიწყო. 14 ოქტომბრის ჩათვლით, აკრედიტაციების განაცხადის შევსება, როგორც ქართული, ასევე საერთაშორისო მედიის წარმომადგენლებს, მითითებულ ბმულზე შეეძლებათ.
აკრედიტაციის პროცესის მნიშვნელოვანი დეტალები:
- მედია ზონაში ადგილები მკაცრად შეზღუდულია.
- შესაბამისად, მედიის წარმომადგენლებს ვურჩევთ, განაცხადი მაქსიმალურად დროულად შეავსონ.
- მედია ზონაში დაშვება მოხდება მხოლოდ წინასწარ აკრედიტებული ჟურნალისტებისთვის.
- ვიდეო და ფოტო გადაღება დაშვებულია მხოლოდ სპეციალურად განსაზღვრულ ზონებში.
- სპორტსმენებთან ან ოფიციალურ პირებთან ინტერვიუების ჩაწერას კოორდინირებას გაუწევს RKENA-ს მედია გუნდი.
- ღონისძიების შემდგომ პრესკონფერენციაზე დასწრება მედიის წარმომადგენლებისთვის სავალდებულოა.
შეგახსენებთ, რომ RKENA შერეული საბრძოლო ხელოვნების ორგანიზაციაა, რომელიც 2025 წელს დაფუძნდა. მისი მთავარი მხარდამჭერი Setanta Sports-ია.
2026 წლის 17 ოქტომბერს თბილისის სპორტის სასახლეში RKENA-სა და PFL-ის ერთობლივი ღონისძიება გაიმართება.
მსგავსი სახის თანამშრომლობა უპრეცედენტოა და რეგიონული MMA-სა და ზოგადად სპორტის განვითარებისთვის მნიშვნელოვან ნაბიჯს წარმოადგენს.
ღონისძიების ფარგლებში PFL-ის საერთაშორისო მებრძოლები საქართველოში ჩამოვლენ და RKENA-ს ათლეტებს 6 VS 6 ფორმატში დაუპირისპირდებიან.
17 ოქტომბერს თბილისის სპორტის სასახლეში 15 ბრძოლა გაიმართება.
მედია საკითხებთან დაკავშირებულ ნებისმიერ კითხვაზე, შეგიძლიათ მიმართოთ მედია გუნდს შემდეგ ელექტრონულ მისამართზე: [email protected]
