საბა ფურცელაძემ ფინალში რუსი დაამარცხა

საბა ფურცელაძემ შარმ ელ შეიხის ტურნირი მოიგო | Setanta Sports

საბა ფურცელაძემ შარმ ელ შეიხის ტურნირი მოიგო. ქართველმა ჩოგბურთელმა M25 Sharm ElSheikh-ის ტურნირის ფინალში რუს ჩოგბურთელს ორ სეტში სძლია.

კარიერაში პირველად, საბა ფურცელაძემ 25000-იანი ტურნირი მოიგო. ჰარდის საფარის მქონე კორტზე ფურცელაძემ ზედიზედ ხუთი მატჩი მოიგო.

21 წლის ქართველმა სპორტსმენმა ეგვიპტელი, ბრიტანელი, ფრანგი, უზბეკი და რუსი ჩოგბურთელები დაამარცხა. 1/16 და 1/8-ფინალში საბამ თითო სეტი დათმო, თუმცა მომდევნო ეტაპიდან მიჯრით 6 სეტი მოიგო.

გათამაშებაში ჩელენჯერის ჩოგბურთელებიც მონაწილეობდნენ. მათგან ერთ-ერთს, ალიბეკ კაჩმაზოვს ფინალში ფურცელაძემ 6-4 7-5 მოუგო.

2019 წელს PRO ტურში ჩართული ქართველი ჩოგბურთელი ამჟამად ATP-ის რეიტინგში 527-ე ადგილზეა. უშუალოდ, 2023-ში დაფიქსირებული შედეგებით კი პლანეტის საუკეთესო 300 ჩოგბურთელს შორისაა.

საგულისხმოა, რომ საბა ფურცელაძეს წლის მეორე ნახევრიდან, რეიტინგის გაუმჯობესების გამო, ჩელენჯერებზე თამაში აქტიურად შეეძლება. მომდევნო გაჩერება კი უკვე ATP-ი იქნება.

5 მარტს საბამ იმავე შარმ ელ შეიხში M15-ის ტურნირი მოიგო.

ავტორის შესახებ
Picture of ირაკლი იმედაძე
ირაკლი იმედაძე
მე სპორტული ჟურნალისტი, სცენარისტი და ფეხბურთის კომენტატორი ვარ. ხუთი წელია, Setanta Sports-ისა და ჩემი გზები დაკავშირებულია. შეხედულება, უფრო მეტიც, აქსიომა, რომ სპორტი უფრო მეტია, ვიდრე უბრალოდ ფიზიკური აქტივობა ან მსგავსი რამ, თავიდან ბოლომდე მრთავს ამ ინდუსტრიაში და ჩემი ცხოვრების განუყოფელი ნაწილი ხდება. ვარ საერთაშორისო ურთიერთობების სპეციალისტი, ახლო აღმოსავლეთის კონცენტრაციით. ვფიქრობ, ორიენტალისტიკა სპორტის ლაბირინთებში ორიენტირებაში ძალიან მეხმარება.

სარჩევი

ჩაყვინთვის სპორტში
ტოპ ლიგები
პრემიერ ლიგა
ბუნდესლიგა
ლა ლიგა
ბუნდესლიგა
ლიგა 1
მიჰყევით SETANTA-ს