ჰამილტონმა ბრაზილიის მოქალაქეობა მიიღო

ჰამილტონმა ბრაზილიის მოქალაქეობა მიიღო | Setanta Sports

ლუის ჰამილტონი ოფიციალურად გახდა ბრაზილიის საპატიო მოქალაქე, სან პაოლოს გრანპრისთვის მზადების შემდეგ, ცერემონიაზე დამსწრეებს უთხრა, – „ახლა ნამდვილად ვგრძნობ, რომ ერთ-ერთი თქვენგანი ვარ“.

ჰამილტონს მოქალაქეობა დეპუტატთა პალატაში მიიღო, სადაც სამადლობელ სიტყვასთან ერთად, მისი კერპის, აირტონ სენას გავლენაზე ისაუბრა, – მინდა ყველას მადლობა გადავუხადო იმისთვის, რაც ჩემთვის გააკეთეს და ეს შესაძლებელი გახადეს, ჩემთვის დიდი პატივია აქ ყოფნა და მოქალაქეობის მიღება, ახლა ვგრძნობ, რომ ერთ-ერთი თქვენგანი ვარ“, – ჰამილტონის სიტყვას აპლოდისმენტებით შეხვდნენ. ინიციატივა საპატიო მოქალაქეობის შესახებ, მას შემდეგ გამოითქვა, რაც ჰამილტონმა ჩემპიონობა ბრაზილიის დროშით აღნიშნა.

„მინდა დღევანდელი დღე აირტონ სენას ხსოვნას, მის ოჯახს, მეგობრებსა და თაყვანისმცემლებს მივუძღვნა, პირველად, როცა მისი რბოლა ვნახე ხუთი წლის ვიყავი და მაშინ მივხვდი, რომ ამის კეთება მეც მინდოდა, მის მსგავსად მსოფლიო ჩემპიონობა მსურდა“.

„მაშინ პირველად გავიგე ბრაზილიის შესახებ, ამის მერე FIFA-ში ყოველთვის ბრაზილიით ვთამაშობდი, მერე გავიგე რამდენად ღრმმა ბრაზილიელთა სიყვარული და ვნება საკუთარი ქვეყნის მიმართ, ეს შესანიშნავია. ძალიან ბედნიერი ვარ, რომ აქ მცირე ხანს კიდევ დავყოფ“.

ამ მოვლენას მერსედესის გუნდის ხელმძღვანელიც გამოეხმაურა, – „იმ ქვეყნის მხრიდან აღიარება, რომელსაც აიტორ სენა ჰყავდა, განსაკუთრებული მიღწევაა, გუნდის თითოეული წევრის სახელით მინდა გითხრა, ლუის, ჩვენ ვამაყობთ შენით, მადლობა იმისათვის რასაც ერთად მივაღწიეთ, წინ კი ახალი გამოწვევებია“.

ავტორის შესახებ
Picture of არმაზ ახვლედიანი
არმაზ ახვლედიანი
მე ვარ Setanta Sports-ის ჟურნალისტი არმაზ ახვლედიანი. ამჟამად ვწერ ანალიტიკურ სტატიებს ფეხბურთზე, სოციო-ეკონომიკური და პოლიტიკური გავლენების შესახებ. გარდა ამისა, ვწერ ბლოგებსა და მიმოხილვებს. აქამდე პოლიტიკის, ლიტერატურისა და მოგზაურობის შესახებ ვწერდი ჟურნალ ლიბერალში, რადიო თავისუფლებაზე და National Geographic-ზე. ვარ ლიტერატურული ჟურნალის, "დარაჯის" ერთ-ერთი დამფუძნებელი და მთავარი რედაქტორი. ვარ ფსიქოლოგიისა და ტურიზმის ბაკალავრი და შედარებითი ლიტერატურათმცოდნეობის მაგისტრი. ხშირად ვიყენებ ლიტერატურულ თეორიებს ბლოგების სტრუქტურის ასაგებად, ასევე, გამომიყენებია შედარებითი ანალიზი, ფეხბურთელებსა და ლიტერატურულ პერსონაჟებს შორის.

სარჩევი

ჩაყვინთვის სპორტში
ტოპ ლიგები
პრემიერ ლიგა
ბუნდესლიგა
ლა ლიგა
ბუნდესლიგა
ლიგა 1
მიჰყევით SETANTA-ს