ლევან სეთურიძე ვალენსიაშია. გიორგი მამარდაშვილის აგენტი კლუბის ხელმძღვანელობასთან მოლაპარაკებას გამართავს.
მამარდაშვილის მენეჯერის ვალენსიაში ჩასვლის ამსახველ კადრებს Tribuna Deportiva ავრცელებს.
🛬 Aterriza en Manises el agente georgiano de Giorgi Mamardashvili
— Tribuna Deportiva (@TribunaVCF) August 13, 2024
🔜 En los próximos días reunión entre VCF y Levan Seturidze para negociar la posible venta del portero pic.twitter.com/QXlPMLssnE
როგორც ესპანური მედიის ჟურნალისტი, სალვა გომისი წერს, სეთურიძის ვიზიტის მიზანი, მამარდაშვილის მიერ კლუბის დატოვების თემის განხილვაა.
როგორც გომისი წერს, ამ მომენტში ყველაზე სავარაუდო ლივერპულის მიერ მამარდას სატრანსფერო უფლებების შეძენა და მისი ვალენსიაში 1-წლიანი იჯარით დატოვებაა. ასევე არსებობს, წინასწარი შეთანხმების გაფორმების შესაძლებლობა.
მეორე შემთხვევაში შეთანხმება მომავალი წლის ზაფხულში ამოქმედდება. მაშინ, როდესაც ალისონ ბეკერი ლივერპულს დატოვებს.
გიორგი მამარდაშვილის ტრანსფერით ლივერპული სერიოზულადაა დაინტერესებული. თუმცა არსებობს სატრანსფერო თანხის საკითხიც.
ვალენსიას მამარდაშვილის გაშვება 40 მილიონ ევროზე ნაკლებად არ სურს, ლივერპულის შეთავაზება კი 30 მილიონი ევროს ფარგლებშია. ცხადია, არსებობს ბონუსების ვარიანტიც, თუმცა კლუბებმა თავიანთი ინტერესების თანხვედრის წერტილი უნდა იპოვონ.
