ლაიფციგი vs სიტი – ყველაფერი მანჩესტერში გადაწყდება

ლაიფციგისა და მანჩესტერ სიტის შეხვედრა ყაიმით დასრულდა. გვარდიოლას გუნდმა პირველ შეხვედრაში გამარჯვება ვერ შეძლო. ერლინგ ჰოლანდმა კი უგოლოდ დატოვა მოედანი.

რას ელოდით, ხუთით ნულს მოვიგებდით? კარგით რა.. ლაიფციგი ძლიერი გუნდია, ჩვენ ათ დღეში სამი თამაშის ჩატარება გვიწევს, არ არის ადვილი ასეთ რეჟიმში ითამაშო და პირველივე მატჩში მოამთავრო ყველაფერი”, – თქვა მატჩის შემდეგ გვარდიოლამ.

მათ მაღალი პრესინგი ითამაშეს და პრობლემები შეგვიქმნეს. ბურთის ამოტანა გაგვიჭირდა. ბერნარდუს თამაშით კმაყოფილი ვარ, ცენტრში ბურთი კარგად ეჭირა. ცვლილებები არ გავაკეთე იმიტომ, რომ ჩემი გუნდით კმაყოფილი ვარ. ვიფიქრე ფილის შემოყვანაზე, მაგრამ ამის აუცილებლობა ვერ დავინახე“.

ანგარიში 27-ე წუთზე რიად მაჰრეზმა ახსნა. ის იშვიათი შემთხვევა იყო, როცა ლაიფციგი საკუთარ ნახევარზე შეცდა, ბურთი გრილიშმა მოიგდო ფეხებში, უმოკლეს მონაკვეთში გიუნდოგანი და მაჰრეზი სწრაფად გამოერკვნენ და დარტყმაც უზუსტესი გამოვიდა, დაბალ კუთხეში.

სიტის ანგარიშის გაზრდა შეეძლო, მაგრამ დამაგვირგვინებელ ფაზაში ვერ ივარგეს. ლაიფციგს კი გათანაბრება უფრო ადრეც შეეძლო, როცა სიტის დაცვა ჩავარდა, მაგრამ ბენიამინის დარტყმა აღმოჩნდა არაზუსტი.

შემდეგ იყო ანდრე სილვას კარგი გარღვევა, ედერსონის ორი კარგი სეივი და გვარდიოლის გოლი. მსოფლიო ჩემპიონატის გამორჩეულმა მცველმა ანგარიში თავური დარტყმით გაათანაბრა.

სიტის მაინც შეეძლო მოგება, გიუნდოგანმა კარგი მომენტი ვერ გამოიყენა. მეკარემ აჯობა. ასე რომ, ყველაფერი მანჩესტერში გადაწყდება.

ავტორის შესახებ
არმაზ ახვლედიანი
არმაზ ახვლედიანი
მე ვარ Setanta Sports-ის ჟურნალისტი არმაზ ახვლედიანი. ამჟამად ვწერ ანალიტიკურ სტატიებს ფეხბურთზე, სოციო-ეკონომიკური და პოლიტიკური გავლენების შესახებ. გარდა ამისა, ვწერ ბლოგებსა და მიმოხილვებს. აქამდე პოლიტიკის, ლიტერატურისა და მოგზაურობის შესახებ ვწერდი ჟურნალ ლიბერალში, რადიო თავისუფლებაზე და National Geographic-ზე. ვარ ლიტერატურული ჟურნალის, "დარაჯის" ერთ-ერთი დამფუძნებელი და მთავარი რედაქტორი. ვარ ფსიქოლოგიისა და ტურიზმის ბაკალავრი და შედარებითი ლიტერატურათმცოდნეობის მაგისტრი. ხშირად ვიყენებ ლიტერატურულ თეორიებს ბლოგების სტრუქტურის ასაგებად, ასევე, გამომიყენებია შედარებითი ანალიზი, ფეხბურთელებსა და ლიტერატურულ პერსონაჟებს შორის.

მიიღე წვდომა ჩვენს პლატფორმაზე