სტეფ კარის 37 ქულა – უორიორზმა ფილადელფია დაამარცხა

ძალიან მნიშვნელოვანი მატჩის მოგება შეძლო გოლდენ სტეიტ უორიორზმა, რა თქმა უნდა, სტეფ კარის დიდი დამსახურებით. სტეფს გამორჩეული თამაში ჰქონდა, იმავეს ველოდით ჯოელ ემბიდისგანაც, მაგრამ რაღაც ვერ აეწყო, სროლები არ წაუვიდა.

აღსანიშნია ისიც რომ ფილადელფიას აკლდა ტაირის მაქსი, თუმცა, ქომაგი სიქსერსისგან გაცილებით მეტს ელოდა. თამაშის მიწურულს იყო ძალიან უსიამოვნო მომენტი, ბურთზე ბრძოლისას დაზიანება მიიღო ემბიდმა და პარკეტი კოჭლობით დატოვა, როგორც ამბობენ სერიოზული არაფერია და სწრაფად დაბრუნდება.

პირველი მეოთხედი ფილადელფიამ მოიგო, მეორე გოლდენ სტეიტმა, თანაბარი სხვაობით, ასე რომ, პირველი ნახევრის მერე ანგარიში 51:51 იყო.

აი შემდეგ კი სტეფის ხარჯზე უპირატესობა გაიზარდა, უორიორზმა მესამე მეოთხედიც მოიგო და ბოლოც სასურველად დაასრულა, – 119:107.

  • ლეიკერსთან 46 ქულიანი მატჩის მერე სტეფმა 37 ქულა ჩააგდო, 8 მოხსნა, 7 ასისტი და 1 ბლოკიც მიამატა. 13-დან 8 სამქულიანი გამოიყენა, FG – 12/17.
  • ემბიდის ანგარიშზე 14 ქულა, 7 მოხსნა, 2 ასისტი და 2 ჩაჭრაა. 6-დან 2 სამქულიანი ჩააგდო. FG – 5/18.

ფილადელფია (29/17) აღმოსავლეთ კონფერენციაში მეხუთე ადგილზე დაქვეითდა, წინ ნიუ-იორკ ნიქსი და კლივლენდი გაუშვა. სიქსერსი მომდევნო შეხვედრას იუტასთან გამართავს.

გოლდენ სტეიტი (20/24) დასავლეთ კონფერენციაში მე-12 ადგილზეა და სავარაუდოდ ფლეი ინისთვის მოუწევს ბრძოლა.

რეგულარული სეზონი

  • ატლანტა vs ლეიკერსი – 138:122
    ტრეი იანგის ანგარიშზე 26 ქულა და 13 ასისტია;
  • ბოსტონი vs ინდიანა – 129:124
    ჯეისონ ტეიტუმმა 30 ქულა, 7 მოხსნა და 7 ასისტი მიითვალა;
  • ნიუ-იორკ ნიქსი vs იუტა – 118:103
    დივიჩენცომ 33 ქულა ჩააგდო;
  • ჩიკაგო vs ტორონტო – 107:118
    დეროზანის ანგარიშზე 25 ქულაა;

ავტორის შესახებ
არმაზ ახვლედიანი
არმაზ ახვლედიანი
მე ვარ Setanta Sports-ის ჟურნალისტი არმაზ ახვლედიანი. ამჟამად ვწერ ანალიტიკურ სტატიებს ფეხბურთზე, სოციო-ეკონომიკური და პოლიტიკური გავლენების შესახებ. გარდა ამისა, ვწერ ბლოგებსა და მიმოხილვებს. აქამდე პოლიტიკის, ლიტერატურისა და მოგზაურობის შესახებ ვწერდი ჟურნალ ლიბერალში, რადიო თავისუფლებაზე და National Geographic-ზე. ვარ ლიტერატურული ჟურნალის, "დარაჯის" ერთ-ერთი დამფუძნებელი და მთავარი რედაქტორი. ვარ ფსიქოლოგიისა და ტურიზმის ბაკალავრი და შედარებითი ლიტერატურათმცოდნეობის მაგისტრი. ხშირად ვიყენებ ლიტერატურულ თეორიებს ბლოგების სტრუქტურის ასაგებად, ასევე, გამომიყენებია შედარებითი ანალიზი, ფეხბურთელებსა და ლიტერატურულ პერსონაჟებს შორის.

მიიღე წვდომა ჩვენს პლატფორმაზე