NBA – მილუოკი ისევ პირველია

გოგა ბითაძის ორლანდო მილუოკთან 117:139 დამარცხდა. გოგას ხუთი წუთი დაუთმეს, ამ დროის მანძილზე 3 ქულა და 2 მოხსნა დააგროვა. არაზუსტად ისროლა ერთი სამიანი.

მილუოკიმ მარტივად მოიგო და პირველ ადგილს ინარჩუნებს. იანისმა 28 წუთში 31 ქულა, 7 მოხსნა, 6 ასისტი და 1 ბლოკი დააგროვა. 4-დან 3 სამქულიანი ჩააგდო. კრის მიდლტონს არ უთამაშია, ჯრუ ჰოლიდეიმ კი 23 ქულა, 4 მოხსნა და 9 ასისტი დააგროვა.

ორლანდოს შემადგენლობაში ორმაგი დუბლით გამოირჩა ვენდელ კარტერ ჯუნიორი. 19 ქულითა და 10 მოხსნთ.

ორლანდოს ბალანსი 26-37 ზეა და აღმოსავლეთ კონფერენციაში მე-13 პოზიციაზე იმყოფება.

ბოსტონი vs კლივლენდი

ბოსტონი უძლიერესი შემადგენლობით გავიდა პარკეტზე და ასეთ დროს მათ წინააღმდეგ ძალიან ცოტა გუნდს თუ ექნება შანსი.

ბოსტონის სასტარტო ხუთეულიდან სამმა ორმაგი დუბლი შეასრულა:

პირველ რიგში, ჯეისონ ტეიტუმი აღვნიშნოთ. ბევრჯერ დაგვიწერია, რომ ძალიან მაღალ დონეზე ატარებს მიმდინარე სეზონს და პლეიოფებშიც ძალიან ბევრს ველით მისგან.

36 წუთში 41 ქულა, 11 მოხსნა და 8 ასისტი. ტეიტუმმა 6-დან 4 სამქულიანი ჩააგდო და რამდენიმე ეფექტური მომენტიც გვაჩუქა.

ალ ჰორფორდმა 23 ქულა, 11 მოხსნა, 3 ასისტი და 1 ბლოკი მიითვალა. 8-დან 6 სამქულიანი ჩააგდო.

რობერტ უილიამსმა კი 11 ქულა, 11 მოხსნა, 3 ასისტი, 1 ჩაჭრა და 2 ბლოკი მიითვალა.

პარკეტს დაუბრუნდა ჯეილენ ბრაუნი. სპეციალური ნიღბით ითამაშა, 16 ქულა, 3 მოხსნა და 4 ასისტი მიითვალა.

ბოსტონმა 117:113 მოიგო.

მატჩში ყველაზე მეტი ქულა დონოვან მიჩელმა ჩააგდო. 44 წუთში 44 ქულა, 4 მოხსნა და 5 ასისტი მიითვალა. მიჩელმა 12-დან 4 სამქულიანი ისროლა ზუსტად.

მაიამი vs ფილადელფია

გვსურდა ჯიმი ბატლერისა და ჯოელ ემბიდის დუელის ხილვა, მაგრამ არ გამოვიდა. ჯოელს არ უთამაშია. მიუხედავად ამისა, ფილადელფიამ მაინც მოიგო – 119:96.

ჯეიმს ჰარდენს ტაირის მაქსიმ აუბა მხარი და მაიამის დასამარცხებლად მათი დუეტი საკმარისი გამოდგა.

ჰარდენის ანგარიშზე 23 ქულა, 7 მოხსნა, 5 ასისტი და 1 ბლოკია. წვერამ 9-დან 4 სამქულიანი ჩააგდო

27 ქულა, 4 მოხსნა, 7 ასისტი და 1 ჩაჭრა – ასეთია ტაირის მაქსის მონაგარი.

მაიამის შემადგენლობაში ბამ ადებაიომ 20 ქულა, 8 მოხსნა, 2 ასისტი და 1 ჩაჭრა მიითვალა.

აღმოსავლეთ კონფერენციაში ფილადელფია მესამე ადგილზეა, მაიამის კი მეშვიდე პოზიცია უჭირავს.

სხვა შეხვედრები ასე დასრულდა:

  • შარლოტი – ფინიქსი 91:105
  • დეტროიტი – ჩიკაგო 115:117
  • ნიუ იორკ ნიქსი – ბრუკლინი 142:118
  • ჰიუსტონი – მემფისი 99:113
  • ოკლაჰომა – ლეიკერსი 117:123
  • პორტლენდი – პელიკანსი 110:121
ავტორის შესახებ
არმაზ ახვლედიანი
არმაზ ახვლედიანი
მე ვარ Setanta Sports-ის ჟურნალისტი არმაზ ახვლედიანი. ამჟამად ვწერ ანალიტიკურ სტატიებს ფეხბურთზე, სოციო-ეკონომიკური და პოლიტიკური გავლენების შესახებ. გარდა ამისა, ვწერ ბლოგებსა და მიმოხილვებს. აქამდე პოლიტიკის, ლიტერატურისა და მოგზაურობის შესახებ ვწერდი ჟურნალ ლიბერალში, რადიო თავისუფლებაზე და National Geographic-ზე. ვარ ლიტერატურული ჟურნალის, "დარაჯის" ერთ-ერთი დამფუძნებელი და მთავარი რედაქტორი. ვარ ფსიქოლოგიისა და ტურიზმის ბაკალავრი და შედარებითი ლიტერატურათმცოდნეობის მაგისტრი. ხშირად ვიყენებ ლიტერატურულ თეორიებს ბლოგების სტრუქტურის ასაგებად, ასევე, გამომიყენებია შედარებითი ანალიზი, ფეხბურთელებსა და ლიტერატურულ პერსონაჟებს შორის.

მიიღე წვდომა ჩვენს პლატფორმაზე