Top ligalar orasida oxirgi uch mavsumdan buyon chempionlari o‘zgarib kelayotgan Italiya A seriyasining navbatdagi qiziqarli o‘tishi kutilayotgan mavsumi 17-avgustdan boshlanadi. “Yuventus”ning uzoq vaqtlik gegemonligidan keyin so‘nggi uch yilda chempionlar nomi almashmoqda.
Yevrokuboklarda italyan klublari yana yaxshi ishtirok etishni boshlashgani A seriya avvalgi qudratini tiklab borayotganini ko‘rsatadi. Oxirgi ikki mavsumdagi 6 finaldan 5tasida Italiya jamoalari o‘ynashdi. Bu esa jamoalar saviyasi yana yuqori darajaga qaytib borayotganini isbotlaydi.
Joriy chempionatda “Inter”, “Milan”, “Yuventus”, “Napoli”, “Atalanta”, “Roma” va “Latsio”ning o‘zaro raqobatga kirishib, skudetto yo‘lida keskin o‘yinlar taqdim etishi turgan gap.
2023-24-yilgi mavsumga nigoh
Mavsumni juda barqaror o‘tkazgan “Inter” Milan derbisida “Milan” ustidan qozongan g‘alabasi bilan avvalgi mavsumda chempionlikni nishonladi. Endi bu klub hisobida 20ta chempionlik mavjud va ular ikki yulduzli liboslarda maydonga tushishadi. “Inter”ustozi Simone Indzagi eng yaxshi murabbiy, hujumchi Lautaro Martinez esa eng yaxshi futbolchi sifatida e’tirof etildi. Eng chiroyli gol “Monsa” vakili Dani Motaga nasib qildi. Lautaro Martinez 24 gol bilan to‘purarlikni ham qo‘lga kiritdi.
“Inter”, “Milan”, “Yuventus”, “Atalanta” va “Bolonya” jamoalari Chempionlar Ligasiga yo‘llanma olishdi. Yuqori reyting ballari sababli Italiyadan 5 klub ushbu turnirda qatnashadi. “Roma” va “Latsio” Yevropa Ligasida, “Fiorentina” esa Konferensiyalar Ligasida Italiya nomini himoya qilishadi.
2024-25-yilgi mavsum ishtirokchilari
| Jamoa | O‘tgan mavsumdagi o‘rni | Stadioni |
| Inter | 1 | San Siro |
| Milan | 2 | San Siro |
| Yuventus | 3 | Yuventus |
| Atalanta | 4 | Jeviss |
| Bolonya | 5 | Renato Dall Ara |
| Roma | 6 | Olimpiko |
| Latsio | 7 | Olimpiko |
| Fiorentina | 8 | Artemio Franki |
| Torino | 9 | Olimpiko |
| Napoli | 10 | Diego Armando Maradona |
| Jenoa | 11 | Luiju Ferraris |
| Montsa | 12 | Brianteo |
| Verona | 13 | Markantonio Bentegodi |
| Lechche | 14 | Via del Mare |
| Udineze | 15 | Friuli |
| Kalyari | 16 | Unipol Domus |
| Empoli | 17 | Karlo Kastellani |
| Parma | 1 (B seriya) | Ennio Tardini |
| Komo | 2 (B seriya) | Juzeppe Sinigalya |
| Venetsiya | Pley-off g‘olibi (B seriya) | Perluiji Pentso |
2024-25-yilgi mavsum taqvimi
A seriya 17-avgust kuni Genuyada “Jenoa” va amaldagi chempion “Inter” uchrashuvi bilan start oladi. 25-may kuni so‘nggi tur bellashuvlari o‘tishi belgilangan.
Ilk turda “Milan” o‘z uyida “Torino”ni, “Yuventus” esa debyutant “Komo”ni qabul qiladi. “Napoli” “Verona” maydoniga safar uyushtiradi.
1-tur o‘yinlari
17-avgust, shanba
• 21:30 Jenoa – Inter
• 21:30 Parma – Fiorentina
• 23:45 Milan – Torino
• 23:45 Empoli – Montsa
18-avgust, yakshanba
• 21:30 Verona – Napoli
• 21:30 Bolonya – Udineze
• 23:45 Latsio – Venetsiya
• 23:45 Kalyari – Roma
19-avgust, dushanba
• 21:30 Lechche – Atalanta
• 23:45 Yuventus – Komo
A seriya bahslarining biror lahzasini o‘tkazib yubormang. Barcha bellashuvlarni yurtimizda Setanta Sports orqali jonli tomosha qiling!
2024-25-yilgi mavsum murabbiylari
A seriyada murabbiylar almashinuvi bo‘yicha “qizg‘in” davr kuzatildi. Naqd 14 jamoa yangi mavsum arafasida yangi mutaxassislarni taklif etdi. Ko‘zga ko‘rinarli o‘tishlardan Tiago Mottaning “Bolonya”dan “Yuventus”ga yo‘l olganini ko‘rsatish mumkin. O‘z navbatida “Bolonya” Vinsencho Italyanoga ishonch bildirdi. Antonio Konte “Napoli”, Alessandro Nesta “Monsa” va Sesk Fabregas “Komo”da ish boshlashdi. “Milan” esa Pioli o‘rniga Paulo Fonsekani tayinladi. A seriyada 20 jamoa murabbiyidan faqat uchtasida xorijliklar ishlaydi – “Milan”, “Komo” va “Udineze”da.
Ko‘plab murabbiylarning almashgani jamoalarda ijobiy o‘zgarishlarga olib kelgan taqdirda Italiyada bizni yana bir yodda qolarli mavsum va ajoyib bellashuvlar kutib turganini bildiradi.
| Jamoa | Murabbiy |
| Atalanta | Jan Piero Gasperini |
| Bolonya | Vinchentso Italyano |
| Kalyari | Davide Nikola |
| Komo | Sesk Fabregas |
| Empoli | Roberto D`Aversa |
| Fiorentina | Raffaelo Palladino |
| Jenoa | Alberto Jilardino |
| Verona | Paolo Zanetti |
| Inter | Simone Indzagi |
| Yuventus | Tiago Motta |
| Latsio | Marko Baroni |
| Lechche | Luka Gotti |
| Milan | Paulo Fonseka |
| Montsa | Alessandro Nesta |
| Napoli | Antonio Konte |
| Parma | Fabio Pekkya |
| Roma | Daniele De Rossi |
| Torino | Paolo Vanoli |
| Udineze | Kosta Runyaich |
| Venetsiya | Eusebio di Franchesko |
A seriya 2024-25-yilgi mavsum transferlari
1-iyul kuni yozgi transfer oynasi rasman ochilgan. 30-avgustga qadar A seriya klublari yangi futbolchilarni ro‘yxatdan o‘tkazishlari mumkin. A seriya rasmiy sayti va havolasida klublarda ro‘y bergan barcha o‘tishlarni ko‘rishingiz mumkin.
A seriya 2024-25–yilgi mavsumini qayerda tomosha qilish mumkin?
A seriyaning ehtiroslarga boy ajoyib o‘yinlarini Setanta Sports va setantasports.com orqali tomosha qilish mumkin. OTT platformamizda bir paytning o‘zida 4ta uchrashuvni onlayn ko‘rib borish imkoniyati mavjud.
Sizdan faqat tayyorlanish, qulay joylashish va eng yaxshi futbol bahslaridan zavq olish kerak bo‘ladi. A seriya bahslari O‘zbekistonda faqat Setanta Sportsda!
A seriya turnir jadvali va bellashuvlar taqvimi bilan tanishing!
