Yevropada futbol mavsumining eng kutilmagan natijalaridan biri o‘tgan yili Germaniyada qayd etildi va shunday voqeadan keyin bundesliganing yangi mavsumi boshlanish arafasida turibdi. Avgustning oxirgi o‘n kunligida start oladigan chempionatda ko‘plab savollarga javob topiladi.
“Bayer” avvalgi mavsumdagi ajoyib yurishini davom ettira oladimi? Ushbu jamoa tarkibdagi yetakchilarini saqlab qola oldi. “Shtutgart” ham sensatsion natijalarini saqlab qolishga imkoniyati yetarli darajani saqlab qolgan-qolmagani qiziq. “Bavariya” esa aslida kim gegemonligini isbotlab qo‘yish maqsadida katta ishtiyoq bilan mavsumga kirishsa ajab emas. “Leypsig” va “Borussiya” Dortmund ham bemalol yuqori natijalar uchun kurasha oladigan salohiyatga ega. Bundesliga bizni yana kutilmagan natijalar bilan hayratga solishi mumkin.
2023-24-yilgi mavsumga nigoh
Oldingi mavsum “Bavariya”ning 11 yil davom etgan gegemonligiga barham berilgani bilan yodda qoldi. “Bayer” chempionatni ajoyib o‘tkazib, biror marta mag‘lubiyatga uchramagan holda oltin medallarni qo‘lga kiritdi. “Bavariya” esa 2-o‘rindan ham quruq qoldi. “Shtutgart” chiroyli futbol namoyish etgan holda kumush medallarga ega chiqdi.
“Bayer”, “Shtutgart”, “Bavariya”, “Leypsig” va “Borussiya” Dortmund Chempionlar Ligasida qatnashadi. “Ayntraxt” va “Xoffenxaym” Yevropa Ligasida ishtirok etadi. “Xaydenxaym” esa Konferensiyalar Ligasida o‘z kuchini sinab ko‘radi.
Xarri Keyn o‘tgan mavsumda 36 gol bilan to‘purarlikni qo‘lga kiritdi. “Bayer”dan Florian Virtz eng yaxshi futbolchi deb topildi. “Borussiya” Dortmund darvozaboni Gregor Kobel mavsumning eng yaxshi posboni sifatida e’tirof etildi.
2024-25-yilgi mavsum ishtirokchilari
| Jamoa | O‘tgan mavsumdagi o‘rni | Stadioni |
| Bayer | 1 | Bayarena |
| Shtutgart | 2 | MXP Arena |
| Bavariya | 3 | Alyants Arena |
| Leypsig | 4 | Red Bull Arena |
| Borussiya Dortmund | 5 | Signal Iduna Park |
| Anytraxt | 6 | Doyche bank Park |
| Xoffenxaym | 7 | Virzol Reyn Nekkar Arena |
| Xaydenxaym | 8 | Foyt Arena |
| Verder | 9 | Vezershtadion |
| Frayburg | 10 | Yevropa Park |
| Augsburg | 11 | VVK Arena |
| Volfsburg | 12 | Folksvagen Arena |
| Maynts | 13 | Meva Arena |
| Borussiya Myunxengladbax | 14 | Borussiya Park |
| Union Berlin | 15 | An der Alten Fyorsteray |
| Sankt Pauli | 1 (Bundesliga 2) | Millerntor |
| Xolshtayn | 2 (Bundesliga 2) | Xolshtayn |
| Boxum | Pley-off g‘olibi (Bundesliga) | Vonoviya Rurshtadion |
2024-25-yilgi mavsum taqvimi
Bundesligada mavsum 23-avgust kuni Myunxengladbaxda “Borussiya” va chempion “Bayer” o‘rtasidagi bahs bilan boshlanadi. “Bavariya” dastlabki turda “Volfsburg” mehmoni bo‘lsa, “Borussiya” Dortmundda “Ayntraxt”ni qabul qiladi. Mavsum 17-may kuni yakunlanishi rejalashtirilgan.
1-tur o‘yinlari
23-avgust, juma
• 23:30 Borussiya M – Bayer
24-avgust, shanba
• 18:30 Maynts – Union
• 18:30 Augsburg – Verder
• 18:30 Frayburg – Shtutgart
• 18:30 Xoffenxaym – Xolshtayn
• 18:30 Leypsig – Boxum
• 21:30 Borussiya D – Ayntraxt
25-avgust, yakshanba
• 18:30 Volfsburg – Bavariya
• 20:30 Sankt Pauli – Xaydenxaym
Bundesliga bahslarining biror lahzasini o‘tkazib yubormang. Barcha bellashuvlarni yurtimizda Setanta Sports orqali jonli tomosha qiling!
2024-25-yilgi mavsum murabbiylari
Yozda bundesliganing 6 jamoasida murabbiylar almashinuvi sodir bo‘ldi. Ulardan e’tiborlisi “Bavariya” va “Borussiya” Dortmundda kuzatildi. Myunxen klubida Vensan Kompani, dortmundliklarda esa Nuri Shaxin ish boshladi. Har ikki mutaxassisning faoliyatini kuzatish qiziqarli bo‘ladi. Shaxin bundan avval “Borussiya”da ishlagan bo‘lsa, Kompani uchun Angliyaning kuchli bo‘lmagan klubidan Germaniya gegemoniga o‘tish katta chaqiriq deb aytish mumkin. Kompani va “Bavariya” bir-biriga qanchalik mos kelishini mavsum davomida bilib olamiz.
| Jamoa | Murabbiy |
| Ayntraxt | Dino Topmyoller |
| Augsburg | Yess Torup |
| Bavariya | Vensan Kompani |
| Bayer | Xabi Alonso |
| Borussiya D | Nuri Shaxin |
| Borussiya M | Xerardo Seoane |
| Boxum | Peter Saydler |
| Verder | Ole Verner |
| Volfsburg | Ralf Xazenxyuttl |
| Maynts | Bo Xenriksen |
| Leypsig | Marko Roze |
| Sankt Pauli | Aleksander Blessin |
| Union | Bo Svensson |
| Frayburg | Yulian Shuster |
| Xaydenxaym | Frank Shmidt |
| Xolshtayn | Marsell Rapp |
| Xoffenxaym | Pellegrino Mataratso |
| Shtuttgart | Sebastyan Xyoness |
Bundesliga 2024-25-yilgi mavsum transferlari
1-iyul kuni yozgi transfer oynasi rasman ochilgan. 30-avgustga qadar Germaniya bundesligasi klublari yangi futbolchilarni ro‘yxatdan o‘tkazishlari mumkin. Budesliga rasmiy sayti va havolasida klublarda ro‘y bergan barcha o‘tishlarni ko‘rishingiz mumkin.
Bundesliga 2024-25–yilgi mavsumini qayerda tomosha qilish mumkin?
Bundesliganing ehtiroslar and ajoyib kurashlarga boy bahslarini Setanta Sports va setantasports.com orqali tomosha qilish mumkin. OTT platformamizda bir paytning o‘zida 4ta uchrashuvni onlayn ko‘rib borish imkoniyati mavjud.
Sizdan faqat tayyorlanish, qulay joylashish va eng yaxshi futbol bahslaridan zavq olish kerak bo‘ladi. Bundesliga bahslari O‘zbekistonda faqat Setanta Sportsda!
Bundesliga turnir jadvali va bellashuvlar taqvimi bilan tanishing.
