ბასილაშვილი მონპელიეს ტურნირს იწყებს

ბასილაშვილი მონპელიეს ტურნირს იწყებს | Setanta Sports

ნიკოლოზ ბასილაშვილი მონპელიეს ტურნირზე გამოსვლას იწყებს. ქართველი ჩოგბურთელის პირველი მეტოქე კონსტან ლესტიენია. ბასილაშვილი-ლესტიენის მატჩს Setanta Sports-ისა და setantasports.com-ის მაყურებელი პირდაპირ ეთერში ნახავს.

ბასილაშვილი vs ლესტიენი ურთიერთშეხვედრები

წყვილი ისტორიაში მესამედ შეხვდება.

2015 წელს მერსინში, თურქეთში ლესტიენმა დამაჯერებლად 2:0 გაიმარჯვა. თიხის საფარზე ფრანგმა ერთ საათში, 6-3, 6-3 მოიგო.

2016 წელს წყვილის მატჩი მეცის ტურნირზე იყო დაგეგმილი, თუმცა მატჩი არ შედგა. ბასილაშვილმა მაშინ უბრძოლველად მოიგო.

ბასილაშვილი vs ლესტიენი – რეიტინგი და ფორმა

ბასილაშვილი მატჩს 87-ე ნომრად ხვდება. ეს ბუნებრივიცაა, ქართველს ბოლო 18 მატჩში 4 მოგება და 14 მარცხი აქვს. ნიკა შეხვედრას მიჯრით წაგებული 4 თამაშით ხვდება.

ATP რეიტინგში 48-ეა ლესტიენი. 30 წლის ფრანგს ამჟამად კარიერული მაჩვენებელი აქვს. ლესტიენს ბოლო 6 შეხვედრიდან 4 მოგებული აქვს.

სად და როგორ ვუყუროთ ბასილაშვილი vs ლესტიენის შეხვედრას

მატჩის პირდაპირი რეპორტაჟი Setanta Sports 2-სა და setantasports.com-ზე იქნება. მატჩის წინასწარი დრო, თბილისის დროით 23:30 წუთია. თუმცა სხვა მატჩების გამო შესაძლოა დაწყების დრო მცირედით შეიცვალოს.

ქართულენოვან რეპორტაჟს მაყურებელი სანდრო ქავთარაძის კომენტირებით ნახავს.

ავტორის შესახებ
ირაკლი იმედაძე
ირაკლი იმედაძე
მე სპორტული ჟურნალისტი, სცენარისტი და ფეხბურთის კომენტატორი ვარ. ხუთი წელია, Setanta Sports-ისა და ჩემი გზები დაკავშირებულია. შეხედულება, უფრო მეტიც, აქსიომა, რომ სპორტი უფრო მეტია, ვიდრე უბრალოდ ფიზიკური აქტივობა ან მსგავსი რამ, თავიდან ბოლომდე მრთავს ამ ინდუსტრიაში და ჩემი ცხოვრების განუყოფელი ნაწილი ხდება. ვარ საერთაშორისო ურთიერთობების სპეციალისტი, ახლო აღმოსავლეთის კონცენტრაციით. ვფიქრობ, ორიენტალისტიკა სპორტის ლაბირინთებში ორიენტირებაში ძალიან მეხმარება.

მიიღე წვდომა ჩვენს პლატფორმაზე