ვინ არის ლუკა პარკაძე – ბავარიული გამოცემა ქართველზე

ლუკა პარკაძე | Setanta Sports

ლუკა პარკაძე – როგორც ჩანს, ახალი ხვიჩა კვარაცხელია. ასე წერს გერმანული პრესა 17 წლის ქართველზე შექმნილ ჩანახატში.

Bavarianfootballworks.com ლუკა პარკაძეზე ვრცელ ჩანახატს აქვეყნებს, რომელიც ასე იწყება: “ნაპოლიში ხვიჩა კვარაცხელიას ბოლოდროინდელი წარმატების შედეგად ქართველი ფეხბურთელები დაკვირვების ქვეშ არიან”.

“ბუნდესლიგაში, ქართველების თვალსაზრისით, პიონერი ფრაიბურგი იყო. 2000-იან წლებში ლევან კობიაშვილი, ალექსანდრე იაშვილი, ლევან ცქიტიშვილი და გიორგი კიკნაძე ამ გუნდში ხშირად ერთად თამაშობდნენ. კიკნაძემ კარიერა 2014 წელს დაასრულა. მას შემდეგ ლიგაში საქართველოს აღარავინ წარმოადგენდა. მაგრამ ბაიერნის ახალი შენაძენით, მგონი, მოლოდინი დასრულებულია”.

ბავარიულ მედია საშუალება აღნიშნავს, რომ პარკაძე 2005 წელსაა დაბადებული. დინამო თბილისის აკადემიის აღზრდილი რეკორდმაისტერის ასაკობრივ გუნდს ზამთარში შეუერთდება.

ლუკას დებიუტი დინამო თბილისის შემადგენლობაში 2022 წლის აგვისტოში გორის დილას წინააღმდეგ, გიორგი ჭიაბრიშვილის ხელმძღვანელობით შედგა.

საქართველოს 19-წლამდელთა ნაკრების გარემარბზე ბაიერნის კამპუსის მმართველი იოჰან ზაუერიც საუბრობს.

“ჩვენი სკაუტების მეშვეობით ლუკას კარგა ხანია ვაკვირდებით. წინასასეზონო შეკრებაზე, მან ბაიერნის კამპუსში წარუშლელი შთაბეჭდილება დატოვა. სწორედ ამიტომ, მოხარულნი ვართ, რომ ჩვენი გზები გადაიკვეთება.

გვსურს მადლობა გადავუხადოთ დინამო თბილისსა და ფეხბურთელის მრჩეველს[მენეჯერს] გურამ კაჭახიძეს სანდო მოლაპარაკებებისთვის”.

იოჰან ზაუერი – ბაიერნის კამპუსის მმართველი

სტატიას თან დართული აქვს ქართველი transfermarket.com-ისეული აღწერა. სადაც ქართველი ფეხბურთელის უპირატესობების ფლანგებზე გამოყენების შესაძლებლობაა ახსნილი. იმავე გერმანული ტრანსფერმარკეტის აღწერაში პარკაძე ხვიჩა კვარაცხელიას არის შედარებული.

დაკავშირებული სტატიები
ავტორის შესახებ
ირაკლი იმედაძე
ირაკლი იმედაძე
მე სპორტული ჟურნალისტი, სცენარისტი და ფეხბურთის კომენტატორი ვარ. ხუთი წელია, Setanta Sports-ისა და ჩემი გზები დაკავშირებულია. შეხედულება, უფრო მეტიც, აქსიომა, რომ სპორტი უფრო მეტია, ვიდრე უბრალოდ ფიზიკური აქტივობა ან მსგავსი რამ, თავიდან ბოლომდე მრთავს ამ ინდუსტრიაში და ჩემი ცხოვრების განუყოფელი ნაწილი ხდება. ვარ საერთაშორისო ურთიერთობების სპეციალისტი, ახლო აღმოსავლეთის კონცენტრაციით. ვფიქრობ, ორიენტალისტიკა სპორტის ლაბირინთებში ორიენტირებაში ძალიან მეხმარება.

სარჩევი

ჩაყვინთვის სპორტში
ტოპ ლიგები
პრემიერ ლიგა
ბუნდესლიგა
ლა ლიგა
ბუნდესლიგა
ლიგა 1
მიჰყევით SETANTA-ს

მიიღე წვდომა ჩვენს პლატფორმაზე