ახალი სეზონიდან, Saudi Pro League-ის მაყურებელი setantasports.com-ზე ნახავს. კრიშტიანუ რონალდუ, ქარიმ ბენზემა, რობერტო ფირმინო, ნ’გოლო კანტე, სერგეი მილინკოვიჩ-სავიჩი და მსოფლიო ფეხბურთის სხვა ვარსკვლავები აგვისტოდან მაისამდე Saudi Pro League-ის პირველობისთვის იბრძოლებენ.
18 გუნდი, 34 ტური და მხოლოდ 1 ჩემპიონი. 2023/24 წლების სეზონის საუდური ლიგის ყველა მთავარი ფავორიტისა და მათი გამორჩეული ფეხბურთელების ჩამონათვალი ასეთია.
რა თქმა უნდა ქართველი გულშემატკივრისთვის საინტერესოა საბა კვერკველიას თამაშიც, რომელიც ერთადერთი ქართველია Saudi Pro League-ში. ეროვნული ნაკრების 31 წლის მცველმა ალ-უხდუუდთან კონტრაქტი ივლისში გააფორმა.
საუდის არაბეთში საფეხბურთო და სატრანსფერი ბუმი კრიშტიანუ რონალდუს ალ ნასრში გადასვლის შემდეგ დაიწყო. სპორტის სამინისტრომ ქვეყნის საფეხბურთო კლუბებს ტრანსფერებისთვის 20 მილიარდამდე დოლარი დაუმტკიცა, პროექტი კი 2030 წლამდეა გათვლილი, რაც ავტომატურად ამ ჩემპიონატის პოპულარობის ზრდას და სატრანსფერო ბაზრის კიდევ უფრო გაფართოებას ნიშნავს.
სპორტის სამინისტროს გადაწყვეტილების შემდეგ, ზრდად პოპულარობას ზრდადი ფინანსებით უპასუხეს კლუბების მესვეურებმაც. შესაბამისად, მსოფლიოში, ერთ-ერთი კონკურენტუნარიანი და ვარსკვლავებით დახუნძლული ლიგა მივიღეთ.
ყველაზე ტიტულოვანი კლუბი ალ ჰილალია 18 ჩემპიონობით. 9-9-ჯერ ქვეყნის ჩემპიონები ალ ნასრი და ალ იტტიჰადი გამხდარან, ხოლო 6-ჯერ – ალ შაბაბი.
როგორ და სად ვუყურო საუდის არაბეთის ლიგას
ტურში მაყურებელი 9 მატჩიდან სამს პირდაპირ ეთერში იხილავს. მათგან ერთი კი უპირობოდ, კრიშტიანუ რონალდუს ალ ნასრის მატჩი იქნება.
Saudi Pro League-ის ჩემპიონატი 11 აგვისტოს, ალ აჰლისა და ალ ჰაზიმის დაპირისპირებით დაიწყება. მატჩის ყურება setantasports.com-ის OTT პლატფორმაზე, 22:00 საათიდან იქნება შესაძლებელი.
