ბეტა ვერსია

ოფიციალურად – რონალდუ ალ ნასრის ფეხბურთელია

რონალდუ ალ ნასრის ფეხბურთელია | Setanta Sports

კრიშტიანუ რონალდუ კარიერას საუდის არაბეთში გააგრძელებს. ოქროს ბურთის 5-გზის გამარჯვებული წელიწადში 200 მილიონ ევროს მიიღებს.

კრიშტიანუ რონალდუს კიდევ ერთი სატრანსფერო საგა დასრულებულია. ფეხბურთის პორტუგალიელმა ვარსკვლავმა ალ ნასრისთან კონტრაქტი 2025 წლამდე გააფორმა.

საუდის არაბეთში რონალდუმ 2.5 წელი უნდა გაატაროს. კრიშტიანუ წელიწადში თითქმის 200(199.16) მილიონ ევროს მიიღებს. ამ კონტრაქტის ნაწილი კომერციული რეკლამის მხარესაც მოიცავს. სპორტის ისტორიაში ეს სარეკორდო ხელშეკრულებაა.

საუდის არაბეთის პრო ლიგაში გადაბარგების შემდეგ რონალდუმ პირველი კომენტარიც გააკეთა. მომხდარით აღფრთოვანება არ დამალა და ალ ნასრის გეგმებს შთამაგონებელი უწოდა.

საუდის არაბეთის 9-გზის ჩემპიონ ალ ნასრში ტრანსფერს ისტორიულს უწოდებენ.

37 წლის ფეხბურთელმა ზაფხულში კიდევ ერთი საუდური გუნდის, ალ ჰილალის 305-მილიონ-ევროიანი შეთავაზება უარჰყო.

რონალდუ რომელმაც მანჩესტერის მაისურით 346 მატჩი 145 გოლი გაიტანა ინგლისი 7 თვით ადრე დატოვა, ვიდრე ამას კონტრაქტის ვადა ითვალისწინებდა. ფეხბურთელსა და კლუბს შორის ხელშეკრეულება მას შემდეგ შეწყდა, რაც რონალდუმ კლუბი საჯაროდ TalkTV-ისთან ინტერვიუში გააკრიტიკა.

დაკავშირებული სტატიები

ავტორის შესახებ

ირაკლი იმედაძე

ირაკლი იმედაძე

მე სპორტული ჟურნალისტი, სცენარისტი და ფეხბურთის კომენტატორი ვარ. ხუთი წელია, Setanta Sports-ისა და ჩემი გზები დაკავშირებულია. შეხედულება, უფრო მეტიც, აქსიომა, რომ სპორტი უფრო მეტია, ვიდრე უბრალოდ ფიზიკური აქტივობა ან მსგავსი რამ, თავიდან ბოლომდე მრთავს ამ ინდუსტრიაში და ჩემი ცხოვრების განუყოფელი ნაწილი ხდება. ვარ საერთაშორისო ურთიერთობების სპეციალისტი, ახლო აღმოსავლეთის კონცენტრაციით. ვფიქრობ, ორიენტალისტიკა სპორტის ლაბირინთებში ორიენტირებაში ძალიან მეხმარება.

Access our streaming platform

მიიღე წვდომა ჩვენს პლატფორმაზე