უკვე ოფიციალურად – ხვიჩა კვარაცხელია პსჟ-ის ფეხბურთელია! კვარას თავგადასავალი საფრანგეთის დედაქალაქში დაიწყო.
ნაპოლისა და ნეაპოლელებთან ემოციური გამომშვიდობების შემდეგ ხვიჩა პარიზში ოჯახთან ერთად გაემგზავარა.
გამომშვიდობების ვიდეო მართლაც ემოციური იყო, მათ შორის გამოხმაურებების მხრივაც. თბილი სიტყვები კვარას მიმართ არც ჯოვანი დი ლორენცოს, ნაპოლის კაპიტანს დაუშურებია.
ხვიჩა კვარაცხელია პსჟ-ში
ქართველმა შემტევმა ახალ კლუბში სამედიცინო შემოწმება გაიარა. პსჟ ხვიჩას ვიდეოს მეშვეობით მოგვიანებით წარადგენს.
კვარას კონტრაქტი პსჟ-თან 4.5-წლიანი იქნება და მხარეების გზებს 2029 წლის ივნისამდე დააკავშირებს. ბონუსების ჩათვლით, ტრანსფერის ღირებულება 70 მილიონ ევროზე მეტი იქნება. ეს კი შეთანხმებას ყველაზე ძვირადღირებულ ქართულ ტრანსფერად აქცევს.
თავად ხვიჩას ზრდადი ხელფასი, ფრანგული მედიის ინფორმაციით, 8 მილიონი ევროდან დაიწყება და 11 მილიონ ევროს მიაღწევს.
კვარა პსჟ-ში 7 ნომრიანი მაისურით ითამაშებს. ეს ციფრი კი კლუბიდან კილიან მბაპეს წასვლის შემდეგ თავისუფალია.
სხვადასხვა დროს ის მბაპეს, ჟიულის, მოურას, მენეზს, ლეონარდოს, კომბუარეს და სხვებს მოურგიათ.
ხვიჩა ლიგა 1-ში მე-8 ქართველი ფეხბურთელი იქნება. აქამდე საფრანგეთის ჩემპიონატის უმაღლეს დივიზიონში შემდეგ ფეხბურთელებს უთამაშიათ.
| სახელი | პოზიცია | კლუბი | დებიუტის თარიღი | თამაშების რაოდენობა |
|---|---|---|---|---|
| გია გურული | თავდამსხმელი | ლე ავრი | 1992 წლის 8 აგვისტო | 48 |
| ჟორჟ მიქაუტაძე | თავდამსხმელი | მეცი/ლიონი | 2019 წლის 7 დეკემბერი | 39 |
| ჯაბა კანკავა | ნახევარმცველი | რეიმსი | 2015 წლის 22 აგვისტო | 27 |
| ზურიკო დავითაშვილი | გარემარბი | სტ ეტიენი | 2024 წლის 17 აგვისტო | 16 |
| გიორგი მაკარიძე | მეკარე | ლე მანი | 2009 წლის 29 ნოემბერი | 2 |
| ოთარ დონდუა | ნახევარმცველი | რედ სტარი | 1946 წლის 25 აგვისტო | 2 |
| ამირან სანაია | მცველი | ლე მანი | – | 0 |
| ლუკა კიკაბიძე | გარემარბი | ბასტია | – | 0 |
პსჟ-ის მატჩების კალენდარი
და რადგან ოფიციალურად კვარაცხელია პსჟ-ის ფეხბურთელია, პარიზელთა უახლოესი მატჩების განრიგს გადავხედოთ.
| თარიღი | ტურნირი | მეტოქე | სტადიონი |
|---|---|---|---|
| შაბათი, 18 იანვარი | ლიგა 1 – მე-18 ტური | ლანსი | სტად ბოლერ-დელელისი |
| ოთხშაბათი, 22 იანვარი | ჩემპიონთა ლიგა – მე-7 ტური | მანჩესტერ სიტი | პარკ დე პრენსი |
| შაბათი, 26 იანვარი | ლიგა 1 – მე-19 ტური | რეიმსი | პარკ დე პრენსი |
| ოთხშაბათი, 29 იანვარი | ჩემპიონთა ლიგა – მე-8 ტური | შტუტგარტი | ემ-ჰაშ-პე-ა არენა |
ჩემპიონთა ლიგაზე, ლიგის ფაზის დასრულებამდე პსჟ კვარას ვერ დაარეგისტრირებს. შესაბამისად, ქართველს ახალი გუნდის დახმარება მხოლოდ პლეი ოფიდან შეეძლება.
პსჟ-ში ხვიჩა კვარაცხელიას დებიუტი სავარაუდოდ, 26 იანვარს ლიგა 1-ში რეიმსის წინააღმდეგ უნდა შედგეს.
მატჩების ხილვას კი პირდაპირ ეთერში setantasports.com-ზე შეძლებთ.
setantasports.com-ზე ფასდაკლების მისაღებად შეგიძლიათ პრომო კოდები გამოიყენოთ.
NEWS25 – ერთთვიან გამოწერაზე – 30%
YEAR25 – ერთწლიან გამოწერაზე – 30%
ამასთან, ძველი პრომო კოდები – NEWS24 და YEAR24 კვლავ აქტიურია.
