ბეტა ვერსია

Ნიდერლანდები პირველი მეოთხედფინალისტია

დენზელ დუმფრიზი აშშ-ის წინააღმდეგ | Setanta Sports

კატარში პირველი მეოთხედფინალისტის ვინაობა გაირკვა. ნიდერლანდებმა ფავორიტის სტატუსი გაამართლა და ფლეიოფი წარმატებულად დაიწყო, ხოლო აშშ ტურნირს დაემშვიდობა.

ლუი ვან გაალის გუნდმა ტაიმი 2-0 მოიგო. დენზელ დუმფრიზმა ჯერ მემფის დეპაის გაატანინა, ხოლო შემდეგ – დელი ბლინდს. პირველი გოლის კომბინაციაში მონაწილეობა მოედანზე მყოფმა უკლებლივ ყველა ნიდერლანდელმა ფეხბურთელმა მიიღო, რამაც გოლი განსაკუთრებით გაალამაზა.

ორი უპასუხო გოლის გაშვების მიუხედავად აშშ-ის ნაკრები ურიგოდ არ გამოიყურებოდა და ანდრიეს ნოპერტს ორი დარტყმის მოგერიებაც მოუხდა.

მეორე ტაიმში გრეგ ბერჰალტერის გუნდმა კიდევ უფრო მოუმატა, რაც 76-ე წუთზე ჰაჯი რაითის გოლში აისახა. ანთალიასპორის შემტევი საგოლე გადაცემით კრისტიან პულისიჩმა მოამარგა.

ხალიფას საერთაშორისო სტადიონზე ინტრიგამ და დაძაბულობამ 5 წუთს გასტანა. 81-ე წუთზე ნარინჯისფერებმა აშშ-ის დაცვის უყურადღებობით ისარგებლეს და საბოლოო ანგარიშიც 3-1 დააფიქსირეს. გოლი პირად აქტივში უკვე თავად დენზელ დუმფრიზმა ჩაიწერა.

  • ეს ნიდერლანდებისთვის მე-19 წაუგებელი მატჩი იყო, მას შემდეგ რაც ლუი ვან გაალი ნაკრებში მესამედ დაბრუნდა.
  • ნიდერლანდები მსოფლიო ჩემპიონატის 8 საუკეთესო გუნდს შორის ბოლო 8 წელიწადში პირველად ითამაშებს.
  • მემფის დეპაიმ მიმდინარე მუნდიალზე პირველი გოლი გაიტანა. 43 გოლით ის ნაკრებში ყველა დროის ბომბარდირთა შორის მე-2 ადგილზე გადავიდა და სიაში კლას იან ჰუნტელაარი ჩამოიშორა. წინ 50 გოლით რობინ ვან პერსია.

ნიდერლანდები მეოთხედფინალში არგენტინა-ავსტრალიას შორის გამარჯვებულს დაუპირისპირდება.

დაკავშირებული სტატიები

ავტორის შესახებ

ირაკლი იმედაძე

ირაკლი იმედაძე

მე სპორტული ჟურნალისტი, სცენარისტი და ფეხბურთის კომენტატორი ვარ. ხუთი წელია, Setanta Sports-ისა და ჩემი გზები დაკავშირებულია. შეხედულება, უფრო მეტიც, აქსიომა, რომ სპორტი უფრო მეტია, ვიდრე უბრალოდ ფიზიკური აქტივობა ან მსგავსი რამ, თავიდან ბოლომდე მრთავს ამ ინდუსტრიაში და ჩემი ცხოვრების განუყოფელი ნაწილი ხდება. ვარ საერთაშორისო ურთიერთობების სპეციალისტი, ახლო აღმოსავლეთის კონცენტრაციით. ვფიქრობ, ორიენტალისტიკა სპორტის ლაბირინთებში ორიენტირებაში ძალიან მეხმარება.

Access our streaming platform

მიიღე წვდომა ჩვენს პლატფორმაზე