გაზპრომი საფეხბურთო ბაზარზე ბრუნდება

სტამბულის ბეშიქთაში და გაზპრომი სულ მალე სასპონსორო ხელშეკრულებას შეათანხმებენ. მიუხედავად იმისა, რომ რუსეთი სანქცირებულია, როგორც ევროპული კომისიების, ისე ფიფასა და უეფასაგან, თურქეთი მაინც ტოვებს სივრცეს რუსული ინვესტიციისთვის.

იწერება, რომ შეთანხმებას ხელს არც თურქეთის პრეზიდენტი ერდოღანი შეუშლის. ერდოღანი სტამბულის ფენერბაჰჩეს გულშემატკივარია. პრეზიდენტი ნახევრად პროფესიონალურ დონეზე ფეხბურთსაც თამაშობდა, თუ დავუჯერებთ მხოლოდ ერთხელ მიიღო წითელი ბარათი, მხოლოდ იმისა გამო, რომ მსაჯის გადაწყვეტილებას არ დაეთანხმა.

სამართლიანი თამაშის წესები ჩემთვის უმნიშვნელოვანესიაო – თქვა ერდოღანმა, თუმცა, რამდენად შეიძლება, რომ რუსული კომპანიის თურქეთში შეშვება სამართლიანად ჩაითვალოს, ეს ცალკე საკითხია.

თურქული მხარე პრაგმატულად მოქედებს. ცდილობს ომში გამარჯვებული დარჩეს. გაზპრომი სხვა რუსულ კომპანიებთან ერთად სანქცირებულია, შესაბამისად, ძალიან დიდი თანხის გადასახდელად არის მზად, ყველა იმ ბაზრისათვის, სადაც კარს გაუღებენ.

საუბარია სამწლიან კონტრაქტზე და 62 მილიონ ევროზე. ამჟამად ბეშიქთაშის სპონსორი ბრიტანული ვოდაფონია, თუმცა, მათთან კონტრაქტი სეზონის ბოლოს იწურება.

ეს გადაწყვეტილება, შესაძლოა, პოლიტიკური განხილვის საგანიც გახდეს.

ავტორის შესახებ
Picture of არმაზ ახვლედიანი
არმაზ ახვლედიანი
მე ვარ Setanta Sports-ის ჟურნალისტი არმაზ ახვლედიანი. ამჟამად ვწერ ანალიტიკურ სტატიებს ფეხბურთზე, სოციო-ეკონომიკური და პოლიტიკური გავლენების შესახებ. გარდა ამისა, ვწერ ბლოგებსა და მიმოხილვებს. აქამდე პოლიტიკის, ლიტერატურისა და მოგზაურობის შესახებ ვწერდი ჟურნალ ლიბერალში, რადიო თავისუფლებაზე და National Geographic-ზე. ვარ ლიტერატურული ჟურნალის, "დარაჯის" ერთ-ერთი დამფუძნებელი და მთავარი რედაქტორი. ვარ ფსიქოლოგიისა და ტურიზმის ბაკალავრი და შედარებითი ლიტერატურათმცოდნეობის მაგისტრი. ხშირად ვიყენებ ლიტერატურულ თეორიებს ბლოგების სტრუქტურის ასაგებად, ასევე, გამომიყენებია შედარებითი ანალიზი, ფეხბურთელებსა და ლიტერატურულ პერსონაჟებს შორის.

სარჩევი

ჩაყვინთვის სპორტში
ტოპ ლიგები
პრემიერ ლიგა
ბუნდესლიგა
ლა ლიგა
ბუნდესლიგა
ლიგა 1
მიჰყევით SETANTA-ს

მიიღე წვდომა ჩვენს პლატფორმაზე