ფერნანდუ სანტუში პორტუგალიას აღარ გაწვრთნის. 68 წლის სპეციალისტმა გუნდი 8 წლიანი მუშაობის შემდეგ დატოვა.
“ვფიქრობთ, სწორედ ახლაა შესაბამისი დრო – დავიწყოთ ახალი ციკლი”, – ვკითხულობთ პორტუგალიის ფეხბურთის ფედერაციის განცხადებაში.
ფერნანდუ სანტუშს კონტრაქტი 2024 წლის ზაფხულამდე აკავშირებდა, თუმცა მაროკოსთან მარცხის გამო ის ვადაზე ადრე დასრულდა.
???????? por tudo, Mister Fernando Santos. ? #VesteABandeira pic.twitter.com/L20QjwfQve
— Portugal (@selecaoportugal) December 15, 2022
ელექტროობასა და სატელეკომუნიკაციო ინჟინერიაში ხარისხის მფლობელ მწვრთნელს პორტუგალიაში მაინც ნაყოფიერი პერიოდი გამოუვიდა. 2016 წელს სანტუშთან ერთად პორტუგალია ევროპის ჩემპიონი გახდა, 2019 წელს კი ერთა ლიგის სადებიუტო გათამაშების A ლიგა მოიგო.
პოსტზე სანტუშის შეცვლის მთავარ კანდიდატად ჟოზე მოურინოს მიიჩნევენ. პორტუგალიური მედიის ცნობით, რომას ამჟამინდელი მწვრთნელი ნაკრებში მუშაობაზე თანახმაა.
