ალ აჰლი vs რეალი – Preview

ალ აჰლი vs რეალ მადრიდი | Setanta Sports

მადრიდის რეალი მსოფლიო საკლუბო ჩემპიონატში ნახევარფინალიდან ჩაერთვება. რეალი მეხუთედ შეეცდება ტურნირის მოგებას.

მადრიდელებმა ფიფას ტურნირი 2014, 2016, 2017 და 2018 წლებში მოიგეს.

ნახევარფინალში რეალის მეტოქე ეგვიპტური ალ აჰლი იქნება.

დრო და ლოკაცია

  • შეხვედრა თბილისის დროით 23:00 საათზე დაწყება.
  • პრინც მოულაი აბდელას სახელობის არენა;

ალ აჰლი

ეგვიპტური გუნდი პირველივე რაუნდიდან ჩაერთო ტურნირში და ორი ეტაპი უკვე გაიარა. ჯერ ოკლენდ სიტი დაამარცხეს 3:0, შემდეგ კი სიეტლი – 1:0.

მარსელ კოლერის გუნდი ზედიზედ მესამედ თამაშობს ამ ტურნირზე და ეგვიპტის ჩემპიონატშიც ძალიან კარგი მაჩვენებელი აქვს.

ალ აჰლის არასდროს მოუგია ფიფას საკლუბო ჩემპიონატი, თუმცა, ეს არის გუნდი, რომელსაც ყველაზე მეტი, ოცი შეხვედრა აქვს ამ ტურნირზე ჩატარებული.

მადრიდის რეალი

გუნდი ცოტა ცუდ ხასიათზეა, ლა ლიგაში საქმე გაირთულა, ბარსელონა წინ 8 ქულით გაუშვა. ლა ლიგის ეგიდით კლასიკო მარტშია ჩანიშნული, თუმცა, მანამდე კოპა დელ რეიზე მოუწევთ ბარსასთან ნახევარფინალის თამაში.

არ უნდა დაგვავიწყდეს ჩემპიონთა ლიგა და ლივერპული. მოკლედ, რეალს მძიმე კალენდარი აქვს.

“მსოფლიოს საკლუბო ჩემპიონატზე თამაში ნიშნავს იმას, რომ აქამდე ყველაფერი კარგად გავაკეთეთ”, – თქვა კარლო ანჩელოტიმ.

მოსალოდნელია, რომ რეალი ბენზემას, მენდის, აზარისა და ვასკესის გარეშე ითამაშებს.

ავტორის შესახებ
არმაზ ახვლედიანი
არმაზ ახვლედიანი
მე ვარ Setanta Sports-ის ჟურნალისტი არმაზ ახვლედიანი. ამჟამად ვწერ ანალიტიკურ სტატიებს ფეხბურთზე, სოციო-ეკონომიკური და პოლიტიკური გავლენების შესახებ. გარდა ამისა, ვწერ ბლოგებსა და მიმოხილვებს. აქამდე პოლიტიკის, ლიტერატურისა და მოგზაურობის შესახებ ვწერდი ჟურნალ ლიბერალში, რადიო თავისუფლებაზე და National Geographic-ზე. ვარ ლიტერატურული ჟურნალის, "დარაჯის" ერთ-ერთი დამფუძნებელი და მთავარი რედაქტორი. ვარ ფსიქოლოგიისა და ტურიზმის ბაკალავრი და შედარებითი ლიტერატურათმცოდნეობის მაგისტრი. ხშირად ვიყენებ ლიტერატურულ თეორიებს ბლოგების სტრუქტურის ასაგებად, ასევე, გამომიყენებია შედარებითი ანალიზი, ფეხბურთელებსა და ლიტერატურულ პერსონაჟებს შორის.

მიიღე წვდომა ჩვენს პლატფორმაზე