ბეტა ვერსია

NBA – ბოსტონმა მილუოკი დაამარცხა

NBA-ში ორი მატჩი გაიმართა, ბოსტონმა მილუოკს უმასპინძლა, გოლდენ სტეიტმა მემფისს, ხოლო დენვერმა ფინიქსს.

ბოლო წლებში ბოსტონი და მილუოკი მთავარ მეტოქეებად იქცნენ, ორივე საჩემპიონო გუნდია, თანაც ზრდის პერსპექტივით. ბოსტონმა დამაჯერებლად მოიგო – 139:118.

ჯეისონ ტატუმმა 36 წუთში 41 ქულა, 7 მოხსნა და 5 შედეგიანი გადაცემა დააგროვა. ჯეილენ ბრაუნის ანგარიშზე 29 ქულა, 5 მოხსნა და 4 პასია. მილუოკის მხრიდან საუკეთესო იყო იანის ანტეტოკუნმპო, 27 ქულით, 9 მოხსნითა და 3 პასით.

4 წუთი დაუთმეს სანდრო მამუკელაშვილს. კვლავინდებურად არ უთამაშია კრის მიდლტონს.

გოლდენ სტეიტმა 123:109 დაამარცხა მემფისი. ჯორდან პული პარკეტს დაუბრუნდა და ყველაზე მეტი ქულაც დააგროვა. 32 ქულასთან ერთად 3 მოხსნა და 2 შედეგიანი გადაცემა მიითვალა.

24 ქულა, 9 მოხსნა და 4 პასი ჰქონდა კლეი ტომპსონს. დრეიმონდ გრინის ანგარიშზე კი 13 მოხსნა, 13 შედეგიანი გადაცემა და 3 ქულაა.

მოსაგებად ვერ აღმოჩნდა საკმარისი ჯა მორანტის 36 ქულა 41 წუთში. ჯამ ქულებს 7 მოხსნა და 8 შედეგიანი გადაცემაც დაუმატა.

დენვერმა ოვერტაიმში დაამარცხა ფინიქსი, – 128:125. კიდევ ერთი ბრწყინვალე შეხვედრა ჩაატარა ნიკოლა იკოჩმა.

სერბმა 44 წუთში 41 ქულა, 15 მოხსნა და 15 შედეგიანი გადაცემა მიითვალა.

დენვერის ბალანსი 21:11 ზეა.

ნაადრევი მატჩი შედგა დალასსა და ლეიკერსს შორის. მასპინძლებმა 124:115 მოიგეს. დონჩიჩმა 32 ქულას, 9 მოხსნასა და 9 პასს მოუყარა თავი.

ჯეიმსის ანგარიშზე 38 ქულა, 6 მოხსნა და 5 პასია.

დაკავშირებული სტატიები

ავტორის შესახებ

არმაზ ახვლედიანი

არმაზ ახვლედიანი

მე ვარ Setanta Sports-ის ჟურნალისტი არმაზ ახვლედიანი. ამჟამად ვწერ ანალიტიკურ სტატიებს ფეხბურთზე, სოციო-ეკონომიკური და პოლიტიკური გავლენების შესახებ. გარდა ამისა, ვწერ ბლოგებსა და მიმოხილვებს. აქამდე პოლიტიკის, ლიტერატურისა და მოგზაურობის შესახებ ვწერდი ჟურნალ ლიბერალში, რადიო თავისუფლებაზე და National Geographic-ზე. ვარ ლიტერატურული ჟურნალის, "დარაჯის" ერთ-ერთი დამფუძნებელი და მთავარი რედაქტორი. ვარ ფსიქოლოგიისა და ტურიზმის ბაკალავრი და შედარებითი ლიტერატურათმცოდნეობის მაგისტრი. ხშირად ვიყენებ ლიტერატურულ თეორიებს ბლოგების სტრუქტურის ასაგებად, ასევე, გამომიყენებია შედარებითი ანალიზი, ფეხბურთელებსა და ლიტერატურულ პერსონაჟებს შორის.

Access our streaming platform

მიიღე წვდომა ჩვენს პლატფორმაზე