ბეტა ვერსია

მემფისმა მილუოკი გაანადგურა

NBA-ში რეგულარული სეზონის ოთხი შეხვედრა გაიმართა. ჰიუსტონმა მაიამის უმასპინძლა და 108:111 დამარცხდა. მატჩის საუკეთესო იყო მაიამელი ტაილერ ჰერო, – 40 წუთში 41 ქულა, 6 მოხსნა და 2 შედეგიანი გადაცემა მიითვალა. ჯიმი ბატლერს 20 ქულა, 10 მოხსნა და 7 პასი ჰქონდა.

ჰიუსტონიდან ყველაზე მეტი, 22 ქულა დააგროვა ჯეილენ გრინმა, პლუს 5 მოხსნა და ერთი შედეგიანი გადაცემა.

მემფისმა მოულოდნელად 142:101 გაანადგურა მილუოკი. მხოლოდ 26 წუთი ითამაშა ჯა მორანტმა, თუმცა, ამ დროის მანძილზე 25 ქულა, 10 მოხსნა და 10 შედეგიანი გადაცემა მიითვალა. მილუოკიდან 19-19 ქულას მოუყარეს თავი იანისმა და ბობი პორტისმა.

მემფისის ბალანსი 19-9 არის, მილუოკის 20-8.

იუტამ ისევ დაამარცხა ნიუ ორლეან პელიკენსი, ამჯერად 132:129, ძირითადი დრო 123:123 დასრულდა, ოვერტაიმში კი იუტამ იმარჯვა. ისევ იფრინა ჯორდან კლარკსონმა, – 39 წუთში 39 ქულა, 8 მოხსნა და 2 შედეგიანი გადაცემა ჰქონდა. 31 ქულას მოუყარა თავი ლორი მაკკარენს, პლუს 5 მოხსნა და 3 პასი.

პელიკენსიდან საუკეთესო იყო ზაიონ უილიამსონი, 31 ქულით, 8 მოხსნითა და 8 შედეგიანი გადაცემით. 28 ქულა ჰქონდა სიჯეი მოკკოლუმს, ბრენდონ ინგრამს კი ისევ არ უთამაშია.

ლოს ანჯელეს კლიპერსმა ფინიქს სანს უმასპინძლა და 95:111 დამარცხდა. კლიპერსიდან ყველაზე მეტი ქულა მოაგროვა ტერენს მანმა, – 22 ქულა, 11 მოხსნა და 4 პასი.

ფინიქსის შემადგენლობაში კი მიკან ბრიჯისი გამოირჩა 27 ქულით, რომელსაც 6 მოხსნაც შემატა.

კლიპერსის ბალანსი 17-14 ია, ფინიქსის – 17-12.

დაკავშირებული სტატიები

ავტორის შესახებ

არმაზ ახვლედიანი

არმაზ ახვლედიანი

მე ვარ Setanta Sports-ის ჟურნალისტი არმაზ ახვლედიანი. ამჟამად ვწერ ანალიტიკურ სტატიებს ფეხბურთზე, სოციო-ეკონომიკური და პოლიტიკური გავლენების შესახებ. გარდა ამისა, ვწერ ბლოგებსა და მიმოხილვებს. აქამდე პოლიტიკის, ლიტერატურისა და მოგზაურობის შესახებ ვწერდი ჟურნალ ლიბერალში, რადიო თავისუფლებაზე და National Geographic-ზე. ვარ ლიტერატურული ჟურნალის, "დარაჯის" ერთ-ერთი დამფუძნებელი და მთავარი რედაქტორი. ვარ ფსიქოლოგიისა და ტურიზმის ბაკალავრი და შედარებითი ლიტერატურათმცოდნეობის მაგისტრი. ხშირად ვიყენებ ლიტერატურულ თეორიებს ბლოგების სტრუქტურის ასაგებად, ასევე, გამომიყენებია შედარებითი ანალიზი, ფეხბურთელებსა და ლიტერატურულ პერსონაჟებს შორის.

Access our streaming platform

მიიღე წვდომა ჩვენს პლატფორმაზე