Кўп йиллик келишув ўз ичига барча PFL Global, PFL PPV Super Fights, PFL Europe, PFL MENA ва Bellator Champions Series ни ўз ичига олади
Профессионал Жангчилар Лигасини УЕФА Чемпионлар Лигаси, Англия премьер-лигаси, МБА ва Ф1 билан биргаликда Setanta Sportsда томоша қилинг
Нью Йорк (27 июнь, 2024) – Профессионал Жангчилар Лигаси (PFL), энг тез ўсиб бораётган ва инновацион спорт лигаси бугун Setanta Sports билан ПФЛ ва Беллаторнинг барча дастурларини Евроосиё ва Филиппинда намойиш этиш бўйича келишув имзолади.
Ҳамкорлик доирасида ПФЛнинг барча дастурлари – жонли ва архивдаги PFL Global, PFL PPV Super Fights, PFL Europe, PFL MENA ва Bellator Champions Seriesни Эстония, Латвия, Литва, Украина, Молдова, Грузия, Арманистон, Озарбойжон, Турманистон, Ўзбекистон, Тожикистон, Қирғизистон, Қозоғистон ва Филиппинда Setanta Sports орқали томоша қилиш мумкин бўлади. Профессионал Жангчилар Лигаси контенти АПЛ, УЕФА Чемпионлар Лигаси, МБА ва Ф1 билан бирга эфирга узатилади ва ПФЛнинг ноёб ММА контентини энг тез ривожланаётган медиа бозорлардан бирига олиб чиқади.
“Биз Setanta Sports билан ҳамкорлик қилиб, Евроосиё ва Филиппиндаги мухлисларга йил давомида премиум ПФЛ ва Беллатор ММА контентини кўрсатиш имкониятини тақдим этишдан хурсандмиз”, деди ПФЛ бошқарувчи директори Жеймс Фревин. “ПФЛнинг Setanta Sports билан ҳамкорлиги ташкилотимизнинг глобал кенгайишидаги яна бир муҳим босқич бўлиб, ММАга жаҳонда энг тез ривожланаётган медиа бозорлардан бирига энг яхши таклифни таклиф этади”.
«Setanta Sports ўз мухлисларига юқори даражадаги жанговар спорт турларини тақдим этиш бўйича узоқ йиллик анъанага эга. ПФЛ ва Беллатор ҳуқуқларини қўлга киритиш орқали биз ушбу эҳтиросли аудиторияга бўлган садоқатимизни янада мустаҳкамлаймиз. Бу жаҳондаги энг ҳаяжонли ММА жангчиларини кузатиш имконини кафолатлайди. ПФЛ va Беллатор бизнинг мавжуд энг яхши халқаро спорт контентимиз портфелини мукаммал равишда тўлдиради ва Setanta Sportsни Евроосиё ва Филиппиндаги премиум спортнинг шубҳасиз уйига айлантиради”, – дея қўшимча қилди Setanta Sports бош директори Гиорги Приудзе.
ПФЛ MMA бўйича спорт мавсум форматига эга ягона ташкилот бўлиб, унда инвидидуал жангчилар ҳар йили мунтазам мавсум, плей-офф ва чемпионатда қатнашадилар. ПФЛ ва Беллаторнинг умумий рўйхатида ўз вазн тоифасидаги энг яхши 25 нафар жангчининг 30 фоизи мустақил равишда жаҳон рейтингидан ўрин олган. ПФЛ бу спорт турига нисбатан кенг глобал қарашларга эга ва ПФЛ Европа, ПФЛ МЕНА ва бошқа ривожланаётган халқаро лигалар билан “ММА Чемпионлар Лигаси”ни қурмоқда. ПФЛ технология ва инновациялар бўйича етакчилик қилади, у ўзининг хусусий PFL SmartCage, жанговар таҳлил, реал вақт режимида пул тикиш, сунъий интеллектни баҳолаш ва янги авлод томоша қилиш тажрибасига эга. ПФЛ АҚШда ESPN/ESPN+, Канада ва Европада DAZN каналларида мавжуд ва 20та премимум медиа ҳамкорлари билан 160та мамлакатда трансляция қилинади.
Профессионал Жангчилар Лигаси ҳақида
Профессионал Жангчилар Лигаси (PFL) – MMA бўйича дунё бўйлаб энг тез ривожланаётган спорт лигаси. ПФЛда йил давомида таклиф этилувчи беш хил контент мавжуд: ПФЛ лигаси мавсуми, PFL PPV Super Fights, PFL Challenger Series, PFL International Leagues va Беллатор. 2018 йилда асос солинган ПФЛ SRJ, Ares, Knighthead, Luxor Capital, Waverley Capital, Elysian Park Ventures каби йирик сармоядорлар ҳамда МБА, МХЛ, МЛС ва МЛБ жамоалари эгалари томонидан қўллаб-қувватланади. MMA – бу ўн йилликнинг энг тез ўсиб бораётган спорт бизнеси, бутун жаҳон бўйлаб 650 миллион мухлис, энг ёш аудитория ва ҳақиқий глобал даромад оқимига эга.
PFLmma.com; Instagram (@PFLmma); Twitter (@PFLMMA); Facebook (/PFLmma)
SETANTA SPORTS ҳақида
Setanta Sports халқаро спорт телекомпанияси бўлиб, 20 йилдан ортиқ вақт давомида премиум спорт телеканали ва ОТТ хизматларини бошқариб келади. Setanta Sports ўтмишда Жанубий Америкадан ташқари барча қитъаларда каналларга эгалик қилган ва спорт контентини муваффақиятли эфирга узатган. Ҳозирда Setanta Sports компанияси Евроосиё ва Филиппинда фаолият юритмоқда. Евроосиёда Setanta Sports 14та мамлакатда мавжуд бўлган телеканаллари ва ОТТ платформалари билан биринчи рақамли спорт телекомпанияси ҳисобланади. Филиппинда www.setantasports.com OTT платформасини ишга туширгандан бери Setanta Sports футбол, баскетбол, дартс, снукер, бильярд ва жанг санъати каби спорт турлари бўйича кучли ҳуқуқлар портфелини яратди.
