Jahonda ko‘plab ishqibozlarga ega bo‘lgan ikki ajoyib klub – “Real” va “Barselona” ishtirok etadigan chempionat – La Liganing yangi mavsumi startiga ham ko‘p vaqt qolmadi. Boshqa kuchli ligalar singari Ispaniya primerosi avgust oyi o‘rtasida boshlanadi.
Ushbu ligaga Kilian Mbappening ko‘chib o‘tgani unga bo‘lgan qiziqishni yanada oshirib yuborishi tabiiy. Terma jamoaning Yevrodagi muvaffaqiyati ispan klublarida mahalliy yosh iqtidorlar yetishib chiqayotganini namoyish etdi. Bu esa joriy mavsum La Ligaga bo‘lgan e’tiborning ortishiga olib keladi.
Avvalgi mavsumda chempionlik uchun kurashdan erta chiqib ketgan “Atletiko” ham yaxshi transferlar orqali yana ushbu poygaga qaytishga urinib ko‘radi. “El Klasiko”ni dunyoga taqdim etadigan “Real” va “Barselona” esa doimgidek kim o‘zarga haqiqiy raqobatni taqdim etishadi. Har tarafdan yaxshi vaziyatdagi “Real” chempionlikni o‘zida saqlab qoladimi yoki unga munosib raqobatga guvoh bo‘lamizmi? Bunga 15-avgustdan start oladigan La Ligada Setanta Sports orqali javob topamiz.
2023-24-yilgi mavsumga nigoh
Oldingi mavsumda juda ishonchli o‘yin namoyish qilgan “Real” chempionat boshidanoq peshqadamlar qatorida bo‘lib, keyinchalik katta farq bilan ta’qibchilaridan o‘tib ketishga erishdi. Dastlab “Atletiko”, so‘ng “Jirona” va yakunda “Barselona” Madrid klubiga keskin qarshilik ko‘rsatishni uddalay olmadi. Tarkibdagi muammolarga qaramay, Karlo Anchelotti jamoani katta ishonch bilan chempionlik sari yetakladi.
“Barsa” esa turli muammolarini hal qilolmadi. Mavsum kashfiyotiga aylangan “Jirona”ga 2-davrada barqarorlik yetishmadi. Bu jamoaning Chempionlar Ligasiga yo‘llanmani qo‘lga kiritganining o‘zi katta muvaffaqiyatga aylandi.
Ukrainalik hujumchi Artyom Dovbik 24 gol bilan La Liga to‘purariga aylandi. Biroq endi u Italiya chempionatiga ko‘chib o‘tdi. “Real”, “Barselona”, “Jirona” va “Atletiko” Chempionlar Ligasida, “Atletik” va “Real Sosedad” Yevropa Ligasida, “Betis” esa Konferensiyalar Ligasida qatnashadi.
2024-25-yilgi mavsum ishtirokchilari
| Jamoa | O‘tgan mavsumdagi o‘rni | Stadioni |
| Real | 1 | Santiago Bernabeu |
| Barselona | 2 | Olimpik, Kamp Nou |
| Jirona | 3 | Montilivi |
| Atletiko | 4 | Metropolitano |
| Atletik | 5 | San Mames |
| Real Sosyedad | 6 | Anoeta |
| Betis | 7 | Benito Vilyamarin |
| Vilyarreal | 8 | La Keramika |
| Valensiya | 9 | Mestalya |
| Alaves | 10 | Mendisorrotsa |
| Osasuna | 11 | El Sadar |
| Xetafe | 12 | Kolizeum |
| Selta | 13 | Balaidos |
| Sevilya | 14 | Ramon Sanches Pisxuan |
| Malyorka | 15 | Son Mua |
| Las Palmas | 16 | Gran Kanarya |
| Rayo Valyekano | 17 | Valyekas |
| Leganes | 1 (segunda) | Butarke |
| Valyadolid | 2 (segunda) | Xose Zorrilya |
| Espanyol | Pley-off g‘olibi (segunda) | Steyj Front |
2024-25-yilgi mavsum taqvimi
La Ligada mavsum 15-avgust kuni Bilbaoda “Atletik” va “Xetafe” jamoalari o‘yini bilan boshlanadi. Ilk turda “Real” “Malyorka” maydoniga safar qilsa, “Barselona” “Valensiya”ga qarshi “Mestalya”da to‘qnash keladi.
Mavsum 15-avgustda boshlanib, 25-may kuni nihoyasiga yetadi. “Real” va “Barsa” o‘rtasidagi uchrashuvlar davralar o‘rtasiga to‘g‘ri keladi.
1-tur o‘yinlari
15-avgust, payshanba
• 22:00 Atletik – Xetafe
16-avgust, juma
• 00:30 Betis – Jirona
• 22:00 Selta – Alaves
17-avgust, shanba
• 00:30 Las Palmas – Sevilya
• 22:00 Osasuna – Leganes
18-avgust, yakshanba
• 00:30 Valensiya – Barselona
• 22:00 Real Sosyedad – Rayo Valyekano
19-avgust, dushanba
• 00:30 Malyorka – Real
• 22:00 Valyadolid – Espanyol
20-avgust, seshanba
• 00:30 Vilyarreal – Atletiko
La Liga bahslarining biror lahzasini o‘tkazib yubormang. Barcha bellashuvlarni yurtimizda Setanta Sports orqali jonli tomosha qiling!
2024-25-yilgi mavsum murabbiylari
Yangi mavsum boshlanishidan avval besh klubda murabbiy almashdi. Buni ancha barqaror holat deb baholash mumkin. “Barselona” Xavi o‘rniga nemis mutaxassisi Xansi Flikni olib kelishni ma’qul topdi. Uzoq yillar ispan va golland murabbiylari bilan ishlagan Kataloniya jamoasi endi boshqacha yo‘ldan borishga qaror qildi. Flikning qarashlari La Ligani yanada boyitishiga shubha yo‘q. Shuningdek, “Sevilya” ham omadsiz mavsumdan keyin Garsiya Pimyentani olib keldi. Luis Karrion “Las Palmas”, Visento Moreno “Osasuna” va Yagoba Arrasate “Malyorka” jamoalarida ish boshlashdi.
Murabbiylar orasida eng uzoq vaqtdan beri ishlab kelayotgan mutaxassis “Atletiko” bosh murabbiyi Diyego Simeone hisoblanadi. U 12 yildan beri jamoani boshqarib kelmoqda. “Real Sosyedad” ustozi Imanol Alguachil esa 5 yildan oshiq vaqtdan beri ishlamoqda.
| Jamoa | Murabbiy |
| Alaves | Luis Garsiya |
| Atletik | Ernesto Valverde |
| Atletiko | Diego Simeone |
| Barselona | Hansi Flik |
| Betis | Manuel Pellegrini |
| Selta | Klaudio Jiraldez |
| Espanyol | Manolo Gonsales |
| Xetafe | Joze Bordalas |
| Jirona | Michel |
| Las Palmas | Luis Karrion |
| Leganes | Borxa Ximenez |
| Malyorka | Yagoba Arrasate |
| Osasuna | Visente Moreno |
| Rayo Valyekano | Inigo Peres |
| Real | Karlo Anchelotti |
| Real Sosyedad | Imanol Alguachil |
| Sevilya | Garsiya Pimyenta |
| Valensiya | Ruben Baraxa |
| Valyadolid | Paulo Petsolano |
| Vilyarreal | Marselino |
La Liga 2024-25-yilgi mavsum transferlari
1-iyul kuni yozgi transfer oynasi rasman ochilgan. 30-avgustga qadar La Liga klublari yangi futbolchilarni ro‘yxatdan o‘tkazishlari mumkin. La Liga rasmiy sayti va havolasida klublarda ro‘y bergan barcha o‘tishlarni ko‘rishingiz mumkin.
La Liga 2024-25–yilgi mavsumini qayerda tomosha qilish mumkin?
La Liganing ajoyib o‘yinlarini Setanta Sports va setantasports.com orqali tomosha qilish mumkin. OTT platformamizda bir paytning o‘zida 4ta uchrashuvni onlayn ko‘rib borish imkoniyati mavjud.
Sizdan faqat tayyorlanish, qulay joylashish va eng yaxshi futbol bahslaridan zavq olish kerak bo‘ladi. La Liga bahslari O‘zbekistonda faqat Setanta Sportsda!
La Liga turnir jadvali and bellashuvlar taqvimi bilan bu yerda tanishing!
