Premyer-liganing yangi mavsumi avgust oyi o‘rtasida start oladi. 38 turdan keskin bellashuvlar hafta yakuni, ba’zida hafta o‘rtasi va doimgidek “Boksing dey”da bizni kutib turibdi.
12 shahar va 20 stadionni qamrab olgan chempionatda 20 jamoa o‘z maqsadlari sari yurishini boshlaydi. Jahonning eng yaxshi futbol ligalaridan biri sanalgan APL navbatdagi unutilmas mavsumni taqdim etishga tayyor.
Har doim bo‘lganidek, APLdan umidlar yuqori. Qaysi jamoalar eng foydali transferlarni amalga oshirdi? Qaysi klublar rahbariyatida o‘zgarishlar bo‘ladi? Mavsum boshida jamoalar qanday start oladi? Premer-liganing yangi 2024-25-yilgi mavsumiga hozirlik ko‘rish jarayonida bizga qo‘shiling.
2023-24-yilgi mavsumga nazar
Yangi mavsum boshlanishidan avval o‘tgan mavsumdagi holatlarni eslab o‘tamiz. “Manchester Siti” ketma-ket to‘rtinchi marta Pep Gvardiola qo‘l ostida chempionlikni nishonladi. Gvardiola klub va APL tarixida katta iz qoldirgan mutaxassislardan biri aylanib ulgurdi.
Pep Gvardiola yakunda mavsum murabbiyi degan nomni qo‘lga kiritgan bo‘lsa, Fil Foden mavsumning eng yaxshi futbolchisiga atalgan sovrinni qabul qilib oldi. Erling Xoland 27 to‘p kiritgan holda mavsum to‘purariga aylandi. Futbol yozuvchilari uyushmasi ham Fil Fodenni eng yaxshi futbolchi sifatida e’tirof etdi.
“Manchester Yunayted” futbolchisi Alexandro Garnacho mavsumdagi eng chiroyli gol muallifi bo‘ldi. “Luton” darvozaboni Tomas Kaminski eng yaxshi seyv sohibi sifatida e’tirof qilindi.
“Manchester Siti”, “Arsenal”, “Liverpul” va “Aston Villa” Chempionlar Ligasiga yo‘llanma oldi. “Tottenxem” va “Manchester Yunayted” Yevropa Ligasida ishtirok etadi. “Chelsi” esa Konferensiyalar Ligasida o‘z omadini sinab ko‘radi.
2024-25-yilgi mavsum ishtirokchilari
| Jamoa | O‘tgan mavsumdagi o‘rni | Stadioni |
| Manchester Siti | 1 | Etihad |
| Arsenal | 2 | Emireyts |
| Liverpul | 3 | Enfild |
| Aston Villa | 4 | Villa Park |
| Tottenxem | 5 | Tottenxem Xotspur |
| Chelsi | 6 | Stemford Brij |
| Nyukasl Yunayted | 7 | Sent Jeyms Park |
| Manchester Yunayted | 8 | Old Trafford |
| Vest Xem | 9 | London stedium |
| Kristal Pelas | 10 | Selxyorst Park |
| Brayton | 11 | Ameks |
| Bornmut | 12 | Vitaliti |
| Fulxem | 13 | Kreven Kottej |
| Vulvz | 14 | Molinyu |
| Everton | 15 | Gudison Park |
| Brentford | 16 | Gtex Kommyuniti |
| Nottingem Forest | 17 | Siti Graund |
| Lester Siti | 1 (chempionship) | King Pauer |
| Ipsvich Taun | 2 (chempionship) | Portman Road |
| Sautgempton | Pley-off g‘olibi (chempionship) | Sent Mari |
2024-25-yilgi mavsum taqvimi
APLda mavsum 16-avgust, juma kuni boshlanadi. “Old Trafford”da “Manchester Yunayted” va “Fulxem” jamoalari dastlabki o‘yinda maydonga tushadi. Yevropa chempionati o‘tkazilgani sababli mavsum odatdagidan bir hafta kechroq boshlanadi. 2025-yil 20-may kuni oxirgi tur bahslari o‘tkaziladi.
Mavsum kech boshlanayotgani tufayli qishki tanaffus bo‘lmaydi. Buning o‘rniga qishda 10 jamoa yanvarning birinchi haftasida, qolgan 10 jamoa esa o‘sha tur o‘yinida navbatdagi haftada o‘ynashi rejalashtirilgan.
1-tur o‘yinlari
16-avgust, juma
• 00:00 Man Yunayted – Fulxem
17-avgust, shanba
• 16:30 Ipsvich Taun – Liverpul
• Arsenal – Vulvz
• Everton – Brayton
• Nyukasl Yunayted – Sautgempton
• Nottingem Forest – Bornmut
• 21:30 Vest Xem – Aston Villa
18-avgust, yakshanba
• 18:00 Brentford – Kristal Pelas
• 20:30 Chelsi – Man Siti
19-avgust, dushanba
• 00:00 Lester Siti – Tottenxem
O‘yinlarning biror lahzasini o‘tkazib yubormang. Barcha bellashuvlarni Setanta Sports orqali jonli tomosha qiling!
2024-25-yilgi mavsum murabbiylari
So‘nggi mavsumda faqat uch jamoada mavsum mobaynida murabbiy almashdi. Oldingi yillarga solishtirganda bu ancha yaxshi ko‘rsatkich. 2022-23-yil mavsumida 14 klubda murabbiylar almashtirilgandi. O‘shanda aksariyat o‘zgarishlar sababi kelajak haqida o‘ylashdan ko‘ra natija uchun qayg‘urish bo‘lgandi.
2024-yilning yozida murabbiyni o‘zgartirgan klublar soni beshtadan oshmadi. Uzoq yillik faoliyatidan keyin “Liverpul”dan Yurgen Klopp ketdi va bu murabbiy almashishiga sabab bo‘ldi. Joriy mavsum Arno Slot APLda debyut qiladigan besh murabbiydan biriga aylanadi. Enso Mareska “Chelsi”da, Fabian Xyurseler “Brayton”da, Stiv Kuper “Lester”da va Xulen Lopetegi “Vest Xem”da faoliyatini boshladi.
| Jamoa | Murabbiy | Tayinlangan |
| Arsenal | Mikel Arteta | 2019, 22-dekabr |
| Aston Villa | Unai Emeri | 2022, 1-noyabr |
| Bornmut | Andoni Iraola | 2023, 19-iyun |
| Brentford | Tomas Frank | 2018, 16-oktyabr |
| Brayton | Fabian Xyurtseler | 2024, 2-iyul |
| Chelsi | Enso Mareska | 2024, 1-iyul |
| Kristal Pelas | Oliver Glasner | 2024, 19-fevral |
| Everton | Shon Daych | 2023, 30-yanvar |
| Fulxem | Marko Silva | 2021, 1-iyul |
| Ipsvich | Kiran Makkenna | 2021, 16-dekabr |
| Lester | Stiv Kuper | 2024, 20-iyun |
| Liverpul | Arne Slot | 2024, 1-iyul |
| Manchester Siti | Pep Gvardiola | 2016, 1-iyul |
| Manchester Yunayted | Erik ten Xag | 2022, 1-iyul |
| Nyukasl | Eddi Xau | 2021, 8-noyabr |
| Nottingem Forest | Nunu Eshpiritu Santu | 2023, 20-dekabr |
| Sautgempton | Rassell Martin | 2023, 21-iyun |
| Tottenxem | Anxe Postekoglu | 2023, 6-iyun |
| Vest Xem | Xulen Lopetegi | 2024, 1-iyul |
| Vulvz | Gari O`Nil | 2023, 9-avgust |
APL 2024-25-yilgi mavsum transferlari
14-iyun kuni yozgi transfer oynasi rasman ochilgan. 30-avgustga qadar APL klublari yangi futbolchilarni ro‘yxatdan o‘tkazishlari mumkin. Premyer-liga rasmiy sayti va havolasida klublarda ro‘y bergan barcha o‘tishlarni ko‘rishingiz mumkin.
APL 2024-25-yilgi mavsumini qayerda tomosha qilish mumkin?
Premyer-liganing ajoyib o‘yinlarini Setanta Sports va setantasports.com orqali tomosha qilish mumkin. OTT platformamizda bir paytning o‘zida 4ta uchrashuvni onlayn ko‘rib borish imkoniyati mavjud.
Sizdan faqat tayyorlanish, qulay joylashish va eng yaxshi futbol bahslaridan zavq olish kerak bo‘ladi. APL bahslari faqat Setanta Sportsda!
APL turnir jadvali va bellashuvlar taqvimi bilan tanishing!
