Red Bull Soapbox Race-ის მონაწილე გუნდების სია ცნობილია. სამასამდე განაცხადიდან, არამოტორიზებული ავტომობილების რბოლაში მონაწილეობისთვის, ოცდაათი ეკიპაჟი შეირჩა.
ოცნების ავტომობილის ასაწყობად და ჟიურისთვის, კრეატიული სანახაობით თავის მოსაწონებლად, გუნდებს დრო 15 ოქტომბრამდე აქვთ.
ეკიპაჟების შეკრება
29 აგვისტოს, Red Bull Soapbox Race-ში მონაწილე ეკიპაჟები LoveBar-ში, შეჯიბრების მოსამზადებელ შეხვედრაზე შეიკრიბნენ. მონაწილე გუნდებს ორგანიზატორებმა გააცნეს შეჯიბრების ძირითადი წესები. ავტომრბოლელმა მევლუდ მელაძემ კი, შეკრებულ მონაწილეებს, ავტომობილის აგებისთვის საჭირო რჩევები მისცა.
შეჯიბრებაში მონაწილე ეკიპაჟების ჩამონათვალი
| Popeye | ნინო გოგუაძე |
| ZOHAN & Aunt Margarita | ნიკა ყოჩიაშვილი |
| არა ფსიქოლოგებს | გუგა ნატროშვილი |
| A downhill venture | ლუკა ლეკვეიშვილი |
| ბარბაცა | გიორგი გოგინაშვილი |
| შეშლილი 90-იანები | დავით ჭუბაბრია |
| Insert Team Name Here | დავით ქავთარაძე |
| Masivi Night Shift | ლაშა სადაგიშვილი |
| Stunt tribe | თინათინ გოგუაძე |
| Sofa Haze | ლაშა თეთრაძე |
| Flying Hippos | ალექსანდრე კოჭლაშვილი |
| Benduka | ლიზა შენგელაია |
| არგონავტები | დავით არჯევანიძე |
| SGP | გიორგი მიგრიაული |
| Turbo Team | ვახტანგ ჩხიკვაძე |
| Voyager 3 | მიშო ბერიანიძე |
| Tech Crush | ავთანდილ მღებრიშვილი |
| Grigo Boyz | ირაკლი დანელია |
| Stalker | ბაქარ გოგოლაძე |
| იაბა დაბა დუუ | მიშა აბესაძე |
| Kinky Kylie | დაჩი ლეფსვერიძე |
| Superconductors | ნიკოლოზ ბოქოლიშვილი |
| Socialsharks | ნიკო ლობჟანიძე |
| GD Squad | გიორგი დანელია |
| Blosgo Gubci | გაბო ღაჭავა |
| შერეკილები | მამნე კორშია |
| გ ი ო რ გ ი | ნოე კოპალიანი |
| შერეკილები | მარადი ედიშერაშვილი |
| ღვინის ქურდები | მიხეილ ბაირამაშვილი |
| Scroll | დემეტრე დათიაშვილი |
Red Bull Soapbox Race-ის შესახებ
ღონისძიება არამოტორიზებული ავტომობილების რბოლას გულისხმობს.
მასში მონაწილე გუნდები საკუთარი ფანტაზიით და წინასწარ გაწერილი ზომების მიხედვით, აწყობენ ავტომობილს.
შეჯიბრის ტრასა სავსეა წინაღობებით და მონაწილისთვის მთავარი გამოწვევაც ეს არის – გადალახოს დაბრკოლებები და ფინიშის ხაზთან მცირე დროში მივიდეს. თუმცა, ღონისძიების გამარჯვებული ყველაზე სწრაფი გუნდი არ არის.
ჟიური ეკიპაჟების კრეატივს და მათ მიერ სტარტამდე დადგმულ წარმოდგენას აფასებს. გუნდებს წარმოდგენის გასათამაშებლად და ჟიურის მოსახიბლად, მხოლოდ 30 წამი აქვთ. გამარჯვებული ეკიპაჟი დაჯილდოვდება საოცნებო მოგზაურობით, მისი წევრების მიერ შერჩეულ რომელიმე შეჯიბრებაზე (Formula 1, Moto GP, Hahnenkamm Race).
სახალისო და ექსტრემალური ღონისძიება პირველად 2000 წელს ბელგიაში ჩატარდა. მას შემდეგ, მსოფლიოს 50-ზე მეტ ქვეყანაში 150-მდე ღონისძიება გაიმართა.
Red Bull Soapbox Race – თარიღი და დრო
წელს, Red Bull Soapbox Race საქართველოში პირველად ჩატარდება.
ღონისძიება 22 ოქტომბერს, მთაწმინდის პარკში, 12:00 საათიდან დაიწყება. მსურველებისთვის მასზე დასწრება თავისუფალი იქნება.
setantasports.com ოქტომბრის თვის შეთავაზება და პრომოკოდი
setantasports.com-ზე ოქტომბერში თვიურ გამოწერაზე, სოლიდური ფასდაკლებაა. მის მისაღებად ახალმა ან უკვე არსებულმა მომხმარებელმა პრომოკოდი IMAGINE1 უნდა გამოიყენოს.
ასეთ შემთხვევაში, თვიურ გამოწერაზე ამოქმედდება 40%-იანი ფასდაკლება.
