ვერდერი vs ჰაიდენჰაიმი – ბუდუ ზივზივაძე ბუნდესლიგის მე-17 ტურს ვეზერშტადიონზე ითამაშებს. მატჩის პირდაპირი რეპორტაჟის ხილვა 23:25 წუთიდან setantasports.com-ზე შეგეძლებათ.
ბუდუ ბუნდესლიგაში იმ ერთადერთ სტადიონს ესტუმრება, რომელზე მისვლაც სახმელეთოს გარდა, საწყლოსნო გზითაც შეიძლება.
ვერდერი vs ჰაიდენჰაიმი თანაც გასვლაზე, ბრემენში, ეს პირველი მეტ-ნაკლებად სერიოზული გამოცდა იქნება.
კი, არც უნიონ ბერლინია ცუდი გუნდი, თუმცა ბერლინელებს მწვრთნელი ახლახანს შეეცვალათ, თან იმ მატჩში როთე გააძევეს და ჰაიდენჰაიმის სათამაშო უპირატესობას ამან უფრო განაპირობა.
ვერდერი vs ჰაიდენჰაიმი
დღეს კი სულ სხვა სცენარს ველით. წინა ტურში დამარცხებული, მაგრამ კარგ ფორმაში მყოფი ვერდერი, შინ რეაბილიტაციას ეცდება.
ოლე ვერნერის გუნდს ფელიქს აგუ და კეკე ტოპი ტრავმების გამო ვერ დაეხმარებიან. მთავარი დანაკლისი კი კაპიტანი მარკო ფრიდლია. კაპიტანი სამ მცველს შორის დგას ხოლმე და ბუდუსთვის მთავარი მეურვე უნდა ყოფილიყო. მის არყოფნაში ძირითადში, წესით, მილოშ ველიკოვიჩი დადგება.
ოლე ვერნერის გუნდმა დეკემბერში ოთხივე მატჩი მოიგო – 3 ბუნდესლიგაში, 1 კი – თასზე. წინა ტურში ლაიფციგთან 4-2 განცდილი მარცხი კარგა ხნის შემდეგ ვერდერისთვის პირველი იყო.
ბრემენელები ცხრილის ზედა ნაწილში იმყოფებიან და სეზონური მაჩვენებლები თომას შააფის საუცხოო გუნდის მსგავსი აქვთ. 2000-იანი წლების შუა მონაკვეთის შემდეგ ვერდერს ასეთი მაჩვენებლები არ ჰქონია.
რაც შეეხება ჰაიდენჰაიმს – ბუდუს გუნდმა უნიონ ბერლინთან 10-მატჩიანი მოუგებელი სერია შეწყვიტა. ბოლოს ფრანკ შმიდტის გუნდს 10 სექტემბერს მოეგო.
ახლა ბადენ ვიუტემბერგელების მიზანი ერთმანეთზე ორი წაუგებელი მატჩის მობმაა. თანაც ეს იმ ფონზე, რომ მე-17 ტურის სასტრატო შეხვედრაში უახლოესმა მდევარმა ჰოლშტაინ კილმა დორტმუნდს სენსაციურად 4-2 მოუგო.
ჰაიდენჰაიმს ბუნდესლიგაში ვერდერისგან გოლი არასდროს გაუშვია. მეტიც, ბუნდესლიგა 2-იც უკეთესი სტატისტიკა ბუდუს გუნდს აქვს.
შესაბამისად, ვერდერი დღეს კიდევ უფრო მოტივირებული იქნება.
ვერდერი vs ჰაიდენჰაიმი მატჩის პირდაპირი რეპორტაჟის ხილვა setantasports.com-ზე 23:25 წუთიდან შეგეძლებათ. მატჩის კომენტატორები გიორგი ფულარიანი და მე ვიქნებით.
setantasports.com-ზე ფასდაკლების მისაღებად შეგიძლიათ პრომო კოდები გამოიყენოთ.
NEWS25 – ერთთვიან გამოწერაზე – 30%
YEAR25 – ერთწლიან გამოწერაზე – 30%
ასევე, კვლავ აქტიურია ძველი პრომო კოდებიც – NEWS24 და YEAR24, იდენტური 30%-იანი ფასდაკლების შეთავაზებით.
ბუნდესლიგის სატურნირო ცხრილი
| ადგილი | გუნდი | თამაში | მოგება | ფრე | წაგება | ბალანსი | სხვაობა | ქულა |
|---|---|---|---|---|---|---|---|---|
| 1 | ბაიერნი | 16 | 12 | 3 | 1 | 48:13 | +35 | 39 |
| 2 | ლევერკუზენი | 17 | 11 | 5 | 1 | 41:23 | +18 | 38 |
| 3 | აინტრახტი | 17 | 10 | 3 | 4 | 40:24 | +16 | 33 |
| 4 | ლაიფციგი | 16 | 9 | 3 | 4 | 28:22 | +6 | 30 |
| 5 | მაინცი | 17 | 8 | 4 | 5 | 30:21 | +9 | 28 |
| 6 | ვოლფსბურგი | 17 | 8 | 3 | 6 | 38:29 | +9 | 27 |
| 7 | ფრაიბურგი | 17 | 8 | 3 | 6 | 25:30 | -5 | 27 |
| 8 | შტუტგარტი | 16 | 7 | 5 | 4 | 30:25 | +5 | 26 |
| 9 | დორტმუნდი | 17 | 7 | 4 | 6 | 32:29 | +3 | 25 |
| 10 | ვერდერი | 16 | 7 | 4 | 5 | 28:29 | -1 | 25 |
| 11 | ბორუსია მიონხენგლადბახი | 17 | 7 | 3 | 7 | 26:26 | 0 | 24 |
| 12 | უნიონ ბერლინი | 16 | 4 | 5 | 7 | 14:21 | -7 | 17 |
| 13 | აუგსბურგი | 16 | 4 | 4 | 8 | 17:33 | -16 | 16 |
| 14 | ზანქტ პაული | 16 | 4 | 2 | 10 | 12:20 | -8 | 14 |
| 15 | ჰოფენჰაიმი | 16 | 3 | 5 | 8 | 20:29 | -9 | 14 |
| 16 | ჰაიდენჰაიმი | 16 | 4 | 1 | 11 | 20:33 | -13 | 13 |
| 17 | ჰოლშტაინ კილი | 17 | 3 | 2 | 12 | 25:43 | -18 | 11 |
| 18 | ბოხუმი* | 16 | 2 | 3 | 12 | 13:37 | -24 | 8 |
*ამ ცხრილში ბოხუმს უნიონ ბერლინთან მინიჭებული ტექნიკური მოგება კვლავ ეთვლება, თუმცა უნიონი ვერდიქტს ასაჩივრებს. მანამდე მატჩის ანგარიში 1-1 იყო.
