U21 საქართველო vs ხორვატია – აუცილებლად მოსაგები თამაში მიხეილ მესხზე. გამარჯვება რამაზ სვანაძის გუნდს ორმატჩიან დუელში დააწინაურებს და ევროპის ახალგაზრდულ ჩემპიონატს ერთი ნაბიჯით მიაახლოვებს.
U21 საქართველო vs ხორვატია – როგორ მოვედით პლეიოფებამდე
საქართველოს ახალგაზრდული ნაკრები ევროპის ჩემპიონატის საკვალიფიკაციო ეტაპის C ჯგუფში იყო. აღნიშნულ ჯგუფში ახალგაზრდა ჯვაროსნებთან ერთად ნიდერლანდები, შვედეთი, ჩრდილოეთ მაკედონია, მოლდოვა და გიბრალტარი იყვნენ.
ბოლო ტურში ნიდერლანდების გამარჯვებამ შვედეთის წინააღმდეგ, საქმე ჩვენს სასიკეთოდ წარმართა. მოცემული შანსით საქართველოს ახალგაზრდულმა ნაკრებმა ისარგებლა და, თავის მხრივ, ჩრდილოეთ მაკედონიელი თანატოლები ქუთაისში, რამაზ შენგელიას სახელობის სტადიონზე ქამბექით, ანგარიშით 2-1 დაამარცხა.
შესაბამისად, რამაზ სვანაძის გუნდი გახდა საქართველოს ისტორიაში პირველი U21 გუნდი, რომელმაც ჯგუფური ეტაპი დაძლია.
სლოვაკეთში 2025 წელს გასამართ U21 ევროპის ჩემპიონატზე 9 ჯგუფის გამარჯვებული პირდაპირ გავიდა, რომელთაც სამი საუკეთესო მეორეადგილოსანი დაემატათ. რაკი U21 საქართველო სამ საუკეთესო მეორეადგილოსანს შორის ვერ მოხვდა, ევროპის ჩემპიონატზე მოსახვედრად ორმატჩიანი დაპირისპირება უნდა გადალახოს.
17 ოქტომბერს გამართულმა წილისყრამ პლეიოფში მეტოქედ ივიცა ოლიჩის გაწვრთნილი ხორვატიის ახალგაზრდული ნაკრები გვარგუნა. ხორვატიამ საკვალიფიკაციო ეტაპზე 22 ქულა დააგროვა და ბურთების შედარებით ცუდი სხვაობის გამო აღმოჩნდა საპლეიოფო ზონაში, მიუხედავად იმისა, რომ ძალიან ახლოს იყო პირდაპირ კვალიფიცირებასთან.
U21 საქართველო vs ხორვატია – შემადგენლობა
საქართველო
მეკარეები: ლუკა ხარატიშვილი (დინამო ბათუმი), მიხეილ მაქაცარია (დინამო თბილისი), ლევან თანდილაშვილი (თელავი).
მცველები: ირაკლი აზაროვი (დონეცკის შახტარი), საბა ხვადაგიანი (დინამო თბილისი), ნიკოლოზ უგრეხელიძე (დინამო თბილისი), საბა მამაცაშვილი (სირიუსი), გიორგი მაისურაძე (ჟიტომირი), ლადო ოდიშვილი (თელავი), ლუკა ლაცაბიძე (ოდესის ჩერნომორეცი), ირაკლი იაკობიძე (გაგრა), თორნიკე მორჩილაძე (თელავი).
ნახევარმცველები: ოთარ მამაგეიშვილი (იბერია 1999), გიზი მამაგეიშვილი (იბერია 1999), ლევან ოსიყმაშვილი (დინამო თბილისი), ირაკლი ეგოიანი (ვიტესი,), ლუკა გაგნიძე (დინამო მოსკოვი), ნოდარ ლომინაძე (დილა გორი), დაჩი ლორთქიფანიძე (კრემონეზე), გაბრიელ სიგუა (ბაზელი).
თავდამსხმელები: ვასილიოს გორდეზიანი (დინამო თბილისი), გიორგი კვერნაძე (ფროზინონე), გიორგი აბუაშვილი (კოლხეთი ფოთი 1913), ლაშა ოდიშარია (რფს რიგა).
ხორვატია
მეკარეები: ნიკოლა ჩალვინა (ოსიეკი), ფრანკო კოლიჩი (მურა), ივან მანდიჩი (ვუკოვარი).
მცველები: მორის ვალინჩიჩი (ისტრა), ლუკვა ვეშკოვიჩი (ვესტერლო), შიმონ ჰრგოვიჩი (ჰაიდუკი), ივან ცვიანოვიჩი (ოსიეკი), მატია ბარზიჩი (ელჩე), იურაი ბადელი (კრაიოვა), ნოვაკ დეპშიჩი (ვარეჟდინი).
ნახევარმცველები: ველდინ ჰოჯა (რუბინი), ლოვრო ზვონარეკი (შტურმი), ლუკა შოტიჩეკი (ბაზელი), მარკო სოლდო (ოსიეკი), ლეონ ბელჩარი (ვარეჟდინი), ლუკა სტოიკოვიჩი (დინამო ზაგრები), ლუკა ვრბანიჩიჩი (ლოკომოტივი).
თავდამსხმელები: გაბრიელ ვიდოვიჩი (მაინცი), სტიპე ბიუკი (ჰაიდუკი), მარინ ლიუბიჩიჩი (ლასკი), დიონ ბელიო (რაპიდი), ანტე ცრნაცი (ნორვიჩი), ფრანიო ივანოვიჩი (უნიონ სენ-ჟილუაზი).
საქართველოსთან გასამართ მატჩზე ხორვატიის ახალგაზრდული ნაკრების მთავარმა მწვრთნელმაც ისაუბრა და განაცხადა, რომ ბოლო შეკრებასთან შედარებით ხუთი ახალი ფეხბურთელი ჰყავს. მიუხედავად იმისა, რომ ტრავმების გამო ჟივკოვიჩი და პრპიჩის სახით დანაკლისს განიცდის გუნდი, ივიცა ოლიჩი მაინც ოპტიმისტურად არის განწყობილი.
„წინ დიდი გამოწვევა გველოდება, მაგრამ არ ვმალავთ ევროპის ჩემპიონატზე ზედიზედ მეოთხედ გასვლის ამბიციას.“
ივიცა ოლიჩი
U21 საქართველო vs ხორვატია – ბილეთები
ბილეთების შეძენა TKT.GE-ის ამ ლინკზე შეგიძლიათ. მატჩისთვის ბილეთები ფაქტობრივად არ არის გაყიდული, არადა მნიშვნელობით U21 საქართველო vs ხორვატია ახალგაზრდული ნაკრებების დონეზე ერთ-ერთი ყველაზე მნიშვნელოვანი მატჩია ისტორიაში.
U21 საქართველო vs ხორვატია – პირდაპირი რეპორტაჟი
სანამ ჩვენი ახალგაზრდული ნაკრები რიეკას ესტუმრება, პირველ შეხვედრას, შინ, მიხეილ მესხის სახელობის სტადიონზე ჩაატარებს.
მატჩი 15 ნოემბერს 19:00 საათზე დაიწყება, პირდაპირ რეპორტაჟის ხილვას საზოგადოებრივი მაუწყებელზე შეძლებთ. მაგრამ აუცილებელია, სტადიონი გავავსოთ და მხარი დავუჭიროთ ჩვენს 21-წლამდე ნაკრებს უშუალოდ ტრიბუნებიდან.
იმ შემთხვევაში თუ ხორვატიის ბარიერს გადალახავენ ქართველი 21-წლამდელები, ეს იქნება პირველი შემთხვევა, როდესაც U21 საქართველო ევროპის ჩემპიონატზე საკვალიფიკაციო ეტაპის გავლით მოხვდება.
მატჩამდე და მატჩის შემდეგ კომენტარებსა თუ სხვა საინტერესო მასალას Setanta Sports-ის გვერდებზე სოციალურ ქსელებში ნახავთ.
