საქართველო vs უკრაინა – ერთა ლიგის მე-5 ტურის მატჩი ბათუმში გაიმართება. შეხვედრა 16 ნოემბერს, 21:00 საათიდან დაიწყება.
ვილი სანიოლი და ნიკა კვეკვესკირი – პრესკონფერენცია
მატჩამდე საქართველოს ნაკრების მთავარმა მწვრთნელმა ნიკა კვეკვესკირთან ერთად მედიის შეკითხვებს უპასუხა.
საინტერესოა, რომ ნიკა ტრავმისა და გამოტოვებული წინა შეკრების შემდეგ ეროვნულ ნაკრებში დაბრუნდა.
შეკრებამდე გამართულ პრესკონფერენციაზე კვეკვეს გამოცდილებას შეუფასებელი უწოდა. ფრანგი სპეციალისტის თქმით, შესაძლოა კვეკვესკირის წვლილი შესამჩნევი არაა, თუმცა მას უდიდესი როლი აქვს გუნდში.
საქართველო vs უკრაინა – მსაჯი
მატჩის მსაჯი ინგლისელი კრის კავანა იქნება. პირველი არბიტრი, რომელიც პრემიერ ლიგაში მანჩესტერის რეგიონს წარმოადგენს.
კავანა უმაღლეს დონეზე 2017 წლიდან მსაჯობს და გამოცდილიცაა. თუმცა ბოლო დროს დევიდ ქუთის ინციდენტის გამო, რომელიც ვიდეოს გავრცელებას გულისხომობს, სადაც ქუთი კლოპსა და ლივერპულს აკრიტიკებს, ჯობდა ინგლისელი არბიტრი არ შეგვხვედროდა.
მიზეზი მარტივია – ის ფსიქოლოგიური წნეხი, რომელიც ამ ქვეყნის არბიტრებზეა გავრცელებული ვიდეოს შემდეგ.
ქუთის შემთხვევაში, საქმე იქამდეც კი მივიდა, რომ გულშემატკივრებმა ლივერპულის საზიანოდ მისი გადაწყვეტილებების ძიება დაიწყეს.
ერთ-ერთ ასეთ შემთხვევად კი 2022 წლის თებერვალში, ევერტონისა და მან სიტის მატჩი მონათლეს. ქომაგები ამბობდნენ, რომ იმ მატჩში VAR-ზე სწორედ ქუთი მუშაობდა და როდრისგან ხელით თამაშისას პენალტის დანიშვნა მთავარ მსაჯს სწორედ VAR-მა გადააფიქრებინა.
მალევე კი გაირკვა რომ ბრალდება უსაფუძვლო იყო, რადგან იმ მატჩში VAR-ის ოთახში არა დევიდ ქუთი, არამედ ჩვენი მომავალი მატჩის არბიტრი კრის კავანა იჯდა.
ბოლოს მისი მონაწილეობით ყველაზე გახმაურებული ეპიზოდი დეკლან რაისის გაძევება იყო. მიზეზი ბურთის გადაგდება გახდა. ამ დროს რაისს ყვითელი ჰქონდა.
მატჩის შემდგომ პრემიერ ლიგიდან VAR-სა და მთავარ მსაჯს შორის საუბარი გამოითხოვეს. მისი მიხედვით კი კავანას რაისის მიმართ წითლის ჩვენება არ სურდა, თუმცა წესებით ზედმიწევნით ზუსტად იხელმძღვანელა.
საქართველო vs უკრაინა – პირდაპირი რეპორტაჟი
საქართველო vs უკრაინა მატჩის პირდაპირ რეპორტაჟს ტრადიციულად საქართველოს საზოგადოებრივი მაუწყებელი ექკსკლუზიურად შემოგთავაზებთ.
Setanta Sports-ის გუნდი ბათუმის სტადიონსა და მის შემოგარენში იმუშავებს და ყველა სიახლის ხილვას სოციალურ ქსლებში ჩვენს გვერდებზე შეძლებთ.
