ბეტა ვერსია

რეკორდები, რომელიც მესიმ ფინალში დაამყარა

ლიონელ მესიმ საფინალო მატჩში რამდენიმე რეკორდი დაამყარა. მესი გახდა ფეხბურთელი, რომელსაც ყველაზე მეტი მატჩი აქვს მუნდიალზე ჩატარებული, კერძოდ 26. უკან მოტოვებულთა სია ასე გამოიყურება:

ლოთარ მათეუსი – 25 მატჩი;

მიროსლავ კლოზე – 24 მატჩი;

პაოლო მალდინი – 23 მატჩი;

კრიშტიანუ რონალდუ – 22 მატჩი;

ლიონელ მესი გახდა ფეხბურთელი, რომელმაც ერთ ჩემპიონატზე ყველა ეტაპზე შეძლო გოლის გატანა:

ჯგუფურ ეტაპზე – საუდის არაბეთთან და მექსიკასთან;

მერვედფინალში – ავსტრალიასთან;

მეოთხედფინალში – ნიდერლანდებთან;

ნახევარფინალში – ხორვატიასთან;

ფინალში – საფრანგეთთან;

ლიონელ მესი გახდა ფეხბურთელი, რომელსაც ყველაზე მეტი წუთი აქვს ნათამაშები მსოფლიო ჩემპიონატებზე. აქამდე რეკორდი პაოლო მალდინის ეკუთვნოდა, – 2,216.

ლიონელ მესი გახდა ერთადერთი ფეხბურთელი, რომელმაც ორჯერ მოიგო მსოფლიო ჩემპიონატის საუკეთესო ფეხბურთელის ჯილდო. (2014, 2022).

ლიონელ მესი მსოფლიო ჩემპიონატებზე გოლს+პასის მაჩვენებლებით რეკორდსმენია:

მესი – 21 (13 გოლი, 8 პასი)

პელე – 20 (12 გოლი, 8 პასი)

კლოზე 19 (16 გოლი, 3 პასი)

რონალდო (15 გოლი, 4 პასი)

გერდ მიულერი (14 გოლი, 5 პასი)

ასევე, ლიონელ მესი 2022 წლის მუნდიალზე არგენტინის საუკეთესო ბომბარდირი გახდა მსოფლიო ჩემპიონატებზე. აქამდე ეს რეკორდი ბატისტუტას ეკუთვნოდა – 10 გოლი.

დაკავშირებული სტატიები

ავტორის შესახებ

არმაზ ახვლედიანი

არმაზ ახვლედიანი

მე ვარ Setanta Sports-ის ჟურნალისტი არმაზ ახვლედიანი. ამჟამად ვწერ ანალიტიკურ სტატიებს ფეხბურთზე, სოციო-ეკონომიკური და პოლიტიკური გავლენების შესახებ. გარდა ამისა, ვწერ ბლოგებსა და მიმოხილვებს. აქამდე პოლიტიკის, ლიტერატურისა და მოგზაურობის შესახებ ვწერდი ჟურნალ ლიბერალში, რადიო თავისუფლებაზე და National Geographic-ზე. ვარ ლიტერატურული ჟურნალის, "დარაჯის" ერთ-ერთი დამფუძნებელი და მთავარი რედაქტორი. ვარ ფსიქოლოგიისა და ტურიზმის ბაკალავრი და შედარებითი ლიტერატურათმცოდნეობის მაგისტრი. ხშირად ვიყენებ ლიტერატურულ თეორიებს ბლოგების სტრუქტურის ასაგებად, ასევე, გამომიყენებია შედარებითი ანალიზი, ფეხბურთელებსა და ლიტერატურულ პერსონაჟებს შორის.

Access our streaming platform

მიიღე წვდომა ჩვენს პლატფორმაზე