მადრიდის რეალმა ჩემპიონთა ლიგა მე-15-ედ მოიგო. სამეფო კლუბი მოგებული თასებით ისედაც რეკორდსმენი იყო, ახლა კი მდევრებთან უპირატესობა კიდევ უფრო გაზარდა. ამ სტატიაში რეალის რეკოდები განვიხილოთ.
დორტმუნდი 0-2 რეალი მიმოხილვა
ლონდონში, უემბლიზე გამართული ფინალი რეალმა 2-0 მოიგო. გოლები 74-ე და 83-ე წუთებზე დანი კარვახალმა, ტონი კროოსის პასით, და ვინისიუსმა, ჯუდ ბელინგემის პასით გაიტანა.
საინტერესოა, რომ ფინალში გატანილი გოლით ვინისიუსმა ბელინგემს სეზონური გოლებით გაასწრო. ვინისიუსი 24, ბელინგემი – 23, ხოსელუ 18.
ახლა კი უკვე ზეიმის დროა, სამეფო კლუბის ავტობუსი ჩემპიონთა ლიგის თასით, მადრიდის მერიას, სიბელესის მოედანსა და ბერნაბეუს სტადიონს მოივლის.
ჩემპიონთა ლიგის გამარჯვებულები
მადრიდის რეალი  | 15 |
მილანი  | 7 |
ლივერპული  | 6 |
ბაიერნი  | 6 |
ბარსელონა  | 5 |
აიაქსი  | 4 |
მანჩესტერ იუნაიტედი  | 3 |
ინტერი  | 3 |
ჩელსი  | 2 |
ნოტინგემ ფორესტი  | 2 |
ბენფიკა  | 2 |
იუვენტუსი  | 2 |
პორტუ  | 2 |
მანჩესტერ სიტი  | 1 |
დორტმუნდი  | 1 |
ფეიენოორდი  | 1 |
მარსელი  | 1 |
ასტონ ვილა  | 1 |
ჰამბურგი  | 1 |
ცრვენა ზვეზდა  | 1 |
სტიაუა  | 1 |
პსვ  | 1 |
სელტიკი  | 1 |
რეალის რეკორდები
რეალმა ლონდონში პირველი ფინალი მოიგო. Madrid Xtra-მ კი რეალის ყველა მოგებული ლიგის ქალაქი და იმ სეზონის ფონტი გააერთიანა.
კარლო ანჩელოტი – 5
კარლო ანჩელოტი გახდა პირველი მწვრთნელი, ვინც ჩემპიონთა ლიგა მეხუთედ მოიგო. იტალიელმა ევროპული საკლუბო ტრიუმფი ორჯერ მილანთან, ხოლო სამჯერ რეალთან ერთად იზეიმა.
ანჩელოტის მდევართა სიას ასე გამოიყურება: ბობ პეისლი – 3. პეპ გვარდიოლა – 3. ზინედინ ზიდანი – 3. 2-2-ჯერ ჩემპიონთა ლიგა 14 მწვრთნელს აქვს მოგებული.
კარვახალი & მოდრიჩი – 6
ლუკა მოდრიჩმა, და დანი კარვახალმა ჩემპიონთა ლიგა მე-6-ედ მოიგეს. ამ მაჩვენებლით ისინი ასევე რეალის ლეგენდარულ ფეხბურთელს, ფრანსისკო ხენტოს გაუთანაბრდნენ. პაკო ხენტო ამ სიას აქამდე ერთპიროვნულად ლიდერობდნენ.
ტონი კროოსმა ლიგა მე-5-ედ მოიგო და ამით ქარიმ ბენზემასა და კრიშტიანუ რონალდუს გაუთანაბრდა.
