ჰაიდენჰაიმი vs უნიონი – ათვლა სწორედ ამ მატჩიდან იწყება. სათვალავი იმედია ძალიან ბევრი იქნება იმ გზაზე, რომელსაც ბუდუ ბუნდესლიგაში ჰქვია.
ბუდუ ზივზივაძის პირველი ბუნდესლიგური მატჩის ხილვა, პირდაპირ ეთერში setantasports.com-სა და Setanta Sports-ზე 18:30 წუთიდან შეგიძლიათ.
მატჩის კომენტატორები ვახო გოგალაძე და მე ვიქნებით.
setantasports.com-ზე ფასდაკლების მისაღებად შეგიძლიათ პრომო კოდები გამოიყენოთ.
NEWS24 – ერთთვიან გამოწერაზე – 30%
YEAR24 – ერთწლიან გამოწერაზე – 30%
ბუდუ ბუნდესლიგაში
ბუდუ ზივზივაძე იქნება მე-14 ქართველი ფეხბურთელი ვინც ბუნდესლიგის გუნდში იქნება, ხოლო მე-11 ვინც ითამაშებს.
ზივზივაძე გახდება საქართველოს ნაკრების პირველი ფეხბურთელი, ვინც 2014 წლის შემდეგ ბუნდესლიგაში პირველად ითამაშებს, ხოლო 2021 წლის მერე – პირველი ქართველი.
2014 წელს გერმანული ფეხბურთის ელიტაში ლევან კობიაშვილმა ჰერტათი ითამაშა, ხოლო 2021 წელს – აკაკი გოგიამ უნიონ ბერლინით.
ჰაიდენჰაიმი vs უნიონ ბერლინი
უნიონ ბერლინი ჰაიდენჰაიმისთისვის ყველაზე სასურველი მეტოქეა. ბუდუს ახალი გუნდი კიოპენიკელებთან 7 მატჩიდან მხოლოდ 1-ელ დამარცხდა, 6 კი მოუგო. ასევე ყველა ტურნირზე, ჰაიდენჰაიმს უნიონთან 8 მატჩია არ წაუგია.
თუმცა მიმდინარე სეზონის განახლებას ჰაიდენჰაიმი 10-მატჩიანი მოუგებელი სერიით ხვდება, აქედან კი ბოლო 7 ზედიზედ წაგებულია.
საქმე კარგად არც კიოპენიკელებს აქვთ – უნიონს 8 მატჩია არ მოუგია. ორივე ეს სერია ბუნდესლიგაში ამჟამად ყველაზე უარესია.
თუკი ფრანკ შმიდტმა ადგილი შეინარჩუნა, რომელიც კლუბს 2007 წლიდან წვრთნის, უნიონი ბო სვენსონს დაემშვიდობა.
შესაბამისად, ჰაიდენჰაიმთან კიოლნიდან კარგად ნაცნობი, შტეფან ბაუმგარტის დებიუტი შედგება. სხვათა შორის, ბუდუს მისი გუნდების წინააღმდეგ 3 მატჩი აქვს ჩატარებული. ორჯერ კიოლნთან უნგრული ფეჰერვარით და ერთხელ ჰამბურგთან კარლსრუეთი.
ეს მატჩი ჰაიდენჰაიმისთვის ისტორიაში 50-ე ბუნდესლიგური თამაში იქნება. სამხრეთელები გერმანული ფეხბურთის ელიტაში პირველად წინა სეზონის წინ ამოვიდნენ.
ეს წყვილი უნიკალურია, რადგან არც თუ დიდი ხნის წინ მათ ერთმანეთის პირისპირ მე-4 ლიგაში თამაშის გამოცდილებაც კი აქვთ.
დანაკლისი ორივე გუნდის მხარესაა. გერმანული მედია და ბუნდესლიგის ოფიციალური ვებ გვერდი ბუდუს სასტარტო შემადგენლობაში ელის.
მატჩი კი შეგახსენებთ, რომ 18:30 წუთიდან setantasports.com-ის პირდაპირ ეთერში დაიწყება.
