ჩემპიონთა ლიგა ბრუნდება. 2023-24 წლების სეზონი მილანსა და ბერნში იწყება. უკლებლივ ყველა მატჩის ხილვა setantasports.com-ზე იქნება შესაძლებელი.
პირველი სათამაშო დღეს E-H ჯგუფის მატჩებს ვნახავთ. მათგან გამორჩეული, სიკვდილის, F ჯგუფის შეხვედრებია.
ჩემპიონთა ლიგა 2023-24 I ტური – დღე 1
ჩემპიონთა ლიგა 2023-24 – შახტარი vs პორტუ
ფეხბურთის ქართველი გულშემატკივრებისთვის განსაკუთრებით საინტერესო შახტარისა და პორტუს შეხვედრა უნდა იყოს.
გიორგი გოჩოლეიშვილსა და ირაკლი აზაროვს ძირითად შემადგენლობაში ვარაუდობენ. შესაბამისად, საქართველოს ნაკრების ფლანგის მცველები 27-ე და 28-ე ქართველი ფეხბურთელები გახდებიან, რომელთაც ჩემპიონთა ლიგის ძირითად ეტაპზე ოდესმე უთამაშიათ.
შახტარი პორტუს გერმანიაში, ჰამბურგში, ფოლკსპარკშტადიონზე უმასპინძლებს.
ქართველები ჩემპიონთა ლიგაზე
აქამდე ჩემპიონთა ლიგაზე 23 ქართველ ფეხბურთელს უთამაშია, თუმცა სხვადასხვა გუნდის განაცხადში 26 ყოფილა. ცხადია, მხედველობაში 1992-93 წლების შემდგომი სტატისტიკა გვაქვს.
- მიშა ჯიშკარიანი
- თემურ ქეცბაია
- შოთა არველაძე
- გიორგი ქინქლაძე
- გოგა გახოკიძე
- კახა კალაძე
- გიორგი დემეტრაძე
- ზაზა ჯანაშია
- ვალერი აბრამიძე
- კახა მჟავანაძე
- მალხაზ ასათიანი
- მიხეილ აშვეთია
- ზურა ხიზანიშვილი
- ლევან კობიაშვილი
- ლაშა სალუქვაძე
- კლიმენტი წიტაიშვილი
- ლადო დვალიშვილი
- ჯანო ანანიძე
- ვაკო ყაზაიშვილი
- დათი ხოჭოლავა
- საბა კვერკველია
- ლაშა დვალი
- ხვიჩა კვარაცხელია
ერთ სეზონში, ყველაზე მეტი ფეხბურთელი საქართველოდან 2003-04 წლებში იყო.
სად ვუყურო ჩემპიონთა ლიგას
საღამოს სესიაზე, 20:45-ზე მილანი ნიუკასლს, ხოლო იანგ ბოიზი ლაიფციგს უმასპინძლებს.
დღის დარჩენილი 6 შეხვედრა 23:00 საათიდან დაიწყება.
