ჩემპიონები სახლში დაბრუნდნენ

არგენტინის ნაკრები სახლში დაბრუნდა. ფეხბურთელებს ბუენოს აირესის, ეზეიზას აეროპორტში საზეიმო დახვედრა მოუწყვეს. თვითმფრინავიდან პირველი ლიონელ მესი გამოვიდა მსოფლიო ჩემპიონატის თასით ხელში. ბუენოს აირესის ქუჩებში ზეიმი მას შემდეგ არ შეწყვეტილა, რაც არგენტინამ 36 წლის შემდეგ პირველად შეძლო მსოფლიო ჩემპიონატის მოგება.

ფეხბურთელებს ოქროს მედლები ამშვენებდათ, ავტობუსში ასულებს ასობით ადამიანი უღებდა ფოტოს. განრიგის მიხედვით, რამდენიმე საათით დაისვენებენ, შემდეგ კი ობელისკის მონუმენტისკენ გაემართებიან, სადაც ათასობით ადამიანია შეკრებილი.

67 მეტრიანი ობელისკი 1936 წელს დაიდგა ქალაქის ცენტრში, ბუენოს აირესის 400 წლის იუბილეს აღსანიშნავად. ქვეყნისათვის ყველაზე მნიშვნელოვანი მოვლენა ობელისკის მონუმენტთან აღინიშნება.

ავტორის შესახებ
არმაზ ახვლედიანი
არმაზ ახვლედიანი
მე ვარ Setanta Sports-ის ჟურნალისტი არმაზ ახვლედიანი. ამჟამად ვწერ ანალიტიკურ სტატიებს ფეხბურთზე, სოციო-ეკონომიკური და პოლიტიკური გავლენების შესახებ. გარდა ამისა, ვწერ ბლოგებსა და მიმოხილვებს. აქამდე პოლიტიკის, ლიტერატურისა და მოგზაურობის შესახებ ვწერდი ჟურნალ ლიბერალში, რადიო თავისუფლებაზე და National Geographic-ზე. ვარ ლიტერატურული ჟურნალის, "დარაჯის" ერთ-ერთი დამფუძნებელი და მთავარი რედაქტორი. ვარ ფსიქოლოგიისა და ტურიზმის ბაკალავრი და შედარებითი ლიტერატურათმცოდნეობის მაგისტრი. ხშირად ვიყენებ ლიტერატურულ თეორიებს ბლოგების სტრუქტურის ასაგებად, ასევე, გამომიყენებია შედარებითი ანალიზი, ფეხბურთელებსა და ლიტერატურულ პერსონაჟებს შორის.

მიიღე წვდომა ჩვენს პლატფორმაზე