ბეტა ვერსია

ალ ხელაიფიმ რაშფორდსა და მესიზე ისაუბრა

ნასერ ალ ხელაიფმა ლიონელ მესისა და მარკუს რაშფორდზე ისაუბრა. ერთს პარიზელებთან ეწურება კონტრაქტი და ვრცელდება ხმები, რომ MLS-ისკენ აიღებს გეზს, ასევე, აქტიურობს ბარსელონა იმისათვის, რომ მესი ერთი სეზონით მაინც დააბრუნოს. რაშფორდს კი მანჩესტერთან ეწურება კონტრაქტი ზაფხულში, მისი კარიერა ვერ წარიმართა ისე, როგორც ბევრი ვარაუდობდა, მარკუსს ნდობა ტენ ჰაგის ხელშიც აკლია.

„მესისთან კონტრაქტზე იანვარში დავილაპარაკებთ, ეჭვი არ მეპარება, რომ შეთანხმებას მივაღწევთ და ჩვენთან კიდევ მინიმუმ ერთი სეზონით დარჩება. ის თავს კარგად გრძნობს და კარგ სეზონს ატარებს. ჩვენ შევთანხმდით, რომ მსოფლიო ჩემპიონატის შემდეგ ვისაუბრებდით“, – თქვა ალ ხელაიფმა.

„რაშფორდის უფასოდ გადაყვანას ბევრი გუნდი ეცდება, ბრწყინვალე ფეხბურთელია, მასთან ტრანსფერზეც აქამდეც გვისაუბრია, თუმცა, ამჯერად ამისთვის კარგი დრო არ იყო, შესაძლოა, ზაფხულში მივუბრუნდეთ, რატომაც არა“.

ხელაიფმა კომენტარი კრიშტიანუ რონალდუზეც გააკეთა, – „მე მისი დიდი თაყვანისმცმელი ვარ, ის ლეგენდაა, ძალიან დიდი პროფესიონალი, თუმცა, მისი ტრანსფერი გამორიცხულია. ამჟამად გუნდი კარგად არის შეტევაში დაკომპლექტებული“.

ნასერმა ასევე ისაუბრა კილიან მბაპეზე და აღნიშნა, რომ მის დარჩენაში ეჭვი არ ეპარება.  

დაკავშირებული სტატიები

ავტორის შესახებ

არმაზ ახვლედიანი

არმაზ ახვლედიანი

მე ვარ Setanta Sports-ის ჟურნალისტი არმაზ ახვლედიანი. ამჟამად ვწერ ანალიტიკურ სტატიებს ფეხბურთზე, სოციო-ეკონომიკური და პოლიტიკური გავლენების შესახებ. გარდა ამისა, ვწერ ბლოგებსა და მიმოხილვებს. აქამდე პოლიტიკის, ლიტერატურისა და მოგზაურობის შესახებ ვწერდი ჟურნალ ლიბერალში, რადიო თავისუფლებაზე და National Geographic-ზე. ვარ ლიტერატურული ჟურნალის, "დარაჯის" ერთ-ერთი დამფუძნებელი და მთავარი რედაქტორი. ვარ ფსიქოლოგიისა და ტურიზმის ბაკალავრი და შედარებითი ლიტერატურათმცოდნეობის მაგისტრი. ხშირად ვიყენებ ლიტერატურულ თეორიებს ბლოგების სტრუქტურის ასაგებად, ასევე, გამომიყენებია შედარებითი ანალიზი, ფეხბურთელებსა და ლიტერატურულ პერსონაჟებს შორის.

Access our streaming platform

მიიღე წვდომა ჩვენს პლატფორმაზე