ბეტა ვერსია

MVP-ს ჯილდო ამიერიდან ჯორდანის სახელობის იქნება

NBA-ის რეგულარული სეზონის MVP-ის ჯილდო ამიერიდან მაიკლ ჯორდანის სახელობის იქნება. ახალ დიზაინზე ვიქტორ სოლომონმა იმუშავა, ჯორდანი საბოლოო ნამუშევრით კმაყოფილი დარჩა. მაიკლ ჯორდანი ხუთჯერ გახდა რეგულარული სეზონის ყველაზე ღირებული მოთამაშე, და ძალიან გაბრაზდა, როცა ამის გაკეთება ერთხელ ვერ შეძლო, მოგეხსენებათ, ჯორდანი ექვსჯერ არის ფინალების MVP, რეგულარული სეზონის მიხედვით კი ერთხელ კარლ მელოუნს ხვდა ეს პატივი წილად.

ახალი ჯილდო 23,6 ინჩის სიმაღლისაა და 23,6 ფუნტს იწონის, – წარმოდგენილია ჯორდანის 23 ნომრიანი მაისურისა და მოგებული ბეჭდების ინიციალები.

ჩვენი ახალი კოლექცია საშუალებას გვაძლევს ერთი მხრივ დავაჯილდოვოთ ახალი მოთამაშეები, მეორე მხრივ კი პატივი მივაგოთ ლეგენდებს, რომელთაც ყველაზე დიდი გავლენა ჰქონდათ თამაშზე“, – თქვა NBA-ის კომისარმა, ადამ სილვერმა.

გარდა ამისა, ლეგენდების სახელები მიენიჭა და გაიცემა სხვა ჯილდოებიც, მაგალითად:

The NBA Clutch Player of the Year – ჯერი ვესტის სახელობის იქნება.

სეზონის საუკეთესო მცველის ჯილდო – ჰაკიმ ოლაჯუვონის სახელობის იქნება.

საუკეთესო დებიუტანტის ჯილდო – ვილტ ჩემბერლენის სახელობის იქნება.

The NBA Sixth Man of the Year – ჯონ ჰავლიჩეკის სახელს ატარებს.

ყველაზე განვითარებადი მოთამაშე – ჯორჯ მიკანის სახელს ატარებს.

დაკავშირებული სტატიები

ავტორის შესახებ

არმაზ ახვლედიანი

არმაზ ახვლედიანი

მე ვარ Setanta Sports-ის ჟურნალისტი არმაზ ახვლედიანი. ამჟამად ვწერ ანალიტიკურ სტატიებს ფეხბურთზე, სოციო-ეკონომიკური და პოლიტიკური გავლენების შესახებ. გარდა ამისა, ვწერ ბლოგებსა და მიმოხილვებს. აქამდე პოლიტიკის, ლიტერატურისა და მოგზაურობის შესახებ ვწერდი ჟურნალ ლიბერალში, რადიო თავისუფლებაზე და National Geographic-ზე. ვარ ლიტერატურული ჟურნალის, "დარაჯის" ერთ-ერთი დამფუძნებელი და მთავარი რედაქტორი. ვარ ფსიქოლოგიისა და ტურიზმის ბაკალავრი და შედარებითი ლიტერატურათმცოდნეობის მაგისტრი. ხშირად ვიყენებ ლიტერატურულ თეორიებს ბლოგების სტრუქტურის ასაგებად, ასევე, გამომიყენებია შედარებითი ანალიზი, ფეხბურთელებსა და ლიტერატურულ პერსონაჟებს შორის.

Access our streaming platform

მიიღე წვდომა ჩვენს პლატფორმაზე