ბეტა ვერსია

დენვერმა ბოლო წამზე მოიგო

NBA-ში სამი შეხვედრა გაიმართა, მაიამიმ 115:110 დაამარცხა ლოს ანჯელეს კლიპერსი, საუკეთესო იყო ბემ ადებაიო, 36 წუთში 31 ქულა, 10 მოხსნა და 4 პასი გააკეთა. ჯიმი ბატლერმა 26 ქულას, 5 მოხსნასა და 8 პასს მოუყარა თავი. კლიპერსიდან საუკეთესო იყო პოლ ჯორჯი, – 29 ქულა, 8 მოხსნა, 7 პასი.

სან ანტონიომ 118:109 დაამარცხა ჰიუსტონ როკეტსი. კარგი მატჩი ჰქონდა თრი ჯოუნსს, – 26 ქულა, 3 მოხსნა, 5 პასი. გუნდებს იდენტური ბალანსი აქვთ, – 7-18.

სანახაობრივი გამოდგა დღის ცენტრალურ შეხვედრა, პორტლენდი დენვერის წინააღმდეგ, ლილარდი იოკიჩის წინააღმდეგ.

პორტლენდი სულ რაღაც ერთი ქულით დამარცხდა, – 120:121. დემიან ლილარდმა 38 წუთი დაჰყო პარკეტზე, მოაგროვა 40 ქულა, 4 მოხსნა, 12 პასი. ნიკოლა იოკიჩის ანგარიშზე 33 ქულა, 10 მოხსნა და 9 პასია.

შეხვედრის გმირი ჯამალ მარი გახდა, ერთი წამით ადრე ჩააგდო უკანასკნელი სამქულიანი.

პორტლენდის ბალანსი 13-12 ია, დენვერის 15-10.

ავტორის შესახებ

არმაზ ახვლედიანი

არმაზ ახვლედიანი

მე ვარ Setanta Sports-ის ჟურნალისტი არმაზ ახვლედიანი. ამჟამად ვწერ ანალიტიკურ სტატიებს ფეხბურთზე, სოციო-ეკონომიკური და პოლიტიკური გავლენების შესახებ. გარდა ამისა, ვწერ ბლოგებსა და მიმოხილვებს. აქამდე პოლიტიკის, ლიტერატურისა და მოგზაურობის შესახებ ვწერდი ჟურნალ ლიბერალში, რადიო თავისუფლებაზე და National Geographic-ზე. ვარ ლიტერატურული ჟურნალის, "დარაჯის" ერთ-ერთი დამფუძნებელი და მთავარი რედაქტორი. ვარ ფსიქოლოგიისა და ტურიზმის ბაკალავრი და შედარებითი ლიტერატურათმცოდნეობის მაგისტრი. ხშირად ვიყენებ ლიტერატურულ თეორიებს ბლოგების სტრუქტურის ასაგებად, ასევე, გამომიყენებია შედარებითი ანალიზი, ფეხბურთელებსა და ლიტერატურულ პერსონაჟებს შორის.

Access our streaming platform

მიიღე წვდომა ჩვენს პლატფორმაზე