ბეტა ვერსია

NBA – ბოსტონმა ლეიკერსი დაამარცხა

დიდ ინტერესს იწვევდა ლოს ანჯელეს ლეიკერსისა და ბოსტონ სელტიკსის შეხვედრა, მოლოდინი გამართლდა, თამაში დაძაბულად, სანახაობრივად წარიმართა და ოვერტაიმში გადავიდა, ძირითადი დრო 110:110 დასრულდა. ოვერტაიმში კი უპირატესობა ბოსტონმა მოიპოვა, საბოლოო ანგარიში – 118:122 ბოსტონის სასარგებლოდ.

ლებრონ ჯეიმსმა 43 წუთი დაჰყო პარკეტზე, ამ დროს განმავლობაში 33 ქულა, 9 მოხსნა და 9 შედეგიანი გადაცემა მიითვალა. ენტონი დევისმა 46 წუთი ითამაშა, დააგროვა 37 ქულა, 12 მოხსნა და 3 პასი. კარგი თამაში ჰქონდა რასელ ვესტბრუკს, – 20 ქულა, 14 მოხსნა, 5 პასი.

მატჩის საუკეთესო მოთამაშე ჯეისონ ტეიტუმი გახდა, 44 წუთში 44 ქულა დააგროვა, პლუს 9 მოხსნა და 6 შედეგიანი გადაცემა. ჯეილენ ბრაუნს 25 ქულა, 15 მოხსნა და 5 შედეგიანი გადაცემა ჰქონდა.

მილუოკიმ 128:111 დაამარცხა გოლდენ სტეიტ ვორიორზი, იაის ატენტოკუმპოს ანგარიშზე 30 წუთში 30 ქულა, 12 მოხსნა და 5 შედეგიანი გადაცემაა. გოლდენიდან საუკეთესო სტეფ კარი იყო, – 20 ქულა, 6 მოხსნა და ერთი შედეგიანი გადაცემა. ეს არ იყო არც სტეფის და არც გოლდენ სტეიტის საუკეთესო შეხვედრა.

სხვა შეხვედრებში იუტამ პელიკენსი 121:100 დაამარცხა. ზაიონ უილიამსონის ანგარიშზე 26 წუთში 26 ქულა, 9 მოხსნა და 5 პასია.

ჰიუსტონმა ფინიქსი დაამარცხა 111:97. ფილადელფიამ საკრამენტო 123:103, – ემბიდს 31 ქულა ჰქონდა, ჰარდენს 21.

დასავლეთ კონფერენციას პელიკენსი ლიდერობს, აღმოსავლეთს ბოსტონი.

დაკავშირებული სტატიები

ავტორის შესახებ

არმაზ ახვლედიანი

არმაზ ახვლედიანი

მე ვარ Setanta Sports-ის ჟურნალისტი არმაზ ახვლედიანი. ამჟამად ვწერ ანალიტიკურ სტატიებს ფეხბურთზე, სოციო-ეკონომიკური და პოლიტიკური გავლენების შესახებ. გარდა ამისა, ვწერ ბლოგებსა და მიმოხილვებს. აქამდე პოლიტიკის, ლიტერატურისა და მოგზაურობის შესახებ ვწერდი ჟურნალ ლიბერალში, რადიო თავისუფლებაზე და National Geographic-ზე. ვარ ლიტერატურული ჟურნალის, "დარაჯის" ერთ-ერთი დამფუძნებელი და მთავარი რედაქტორი. ვარ ფსიქოლოგიისა და ტურიზმის ბაკალავრი და შედარებითი ლიტერატურათმცოდნეობის მაგისტრი. ხშირად ვიყენებ ლიტერატურულ თეორიებს ბლოგების სტრუქტურის ასაგებად, ასევე, გამომიყენებია შედარებითი ანალიზი, ფეხბურთელებსა და ლიტერატურულ პერსონაჟებს შორის.

Access our streaming platform

მიიღე წვდომა ჩვენს პლატფორმაზე