25-30 სექტემბერს GYM BREEZE-ის პადელის კორტებზე, პადელის ეროვნულ ფედერაციასთან თანამშრომლობით სამოყვარულო ტურნირი ჩატარდება.
ბოლო პერიოდში, პადელი სულ უფრო და უფრო პოპულარული ხდება. მის პოპულარიზაციაში კი GYM BREEZE-ის სივრცეს საკუთარი წვლილი შეაქვს.
ტურნირს რომელსაც 80-მდე მონაწილე ეყოლება, ფედერაციის არბიტრები გაუძღვებიან. კორტების გარშემო, მაყურებლისთვის ხემსების, სხვა სახის საკვების და მსუბუქი ალკოჰოლის სტენდები დაიდგმება.
ადგილზე მისულ გულშემატკივრებს შეუძლიათ სხვადასხვა აქტივობით დაკავდნენ, რის საშუალებასაც, GYM BREEZE-ის მულტიფუნქციური სივრცე იძლევა.
რა არის GYM BREEZE
GYM BREEZE – ახალი რეკრეაციული პროექტია. მისი მიზანია, მომხმარებელს შესთავაზოს გარემო აქტიური დასვენებისთვის. ხელი შეუწყოს, საერთო ინტერესების ირგვლივ სოციალიზაციას და გართობის ჯანსაღ აქტივობებს.
GYM BREEZE – ნინოშვილის #64-ში მდებარეობს, ახლა ტერიტორიაზე პადელის კორტებია განთავსებული. ბრიზი მომავალში გაფართოვდება და აქტიური დასვენების სივრცე იქნება.
პადელის სამოყვარულო ტურნირის მედია პარტნიორი Setanta Sports-ია. გამარჯვებული 30 სექტემბერს გამოვლინდება.
