ქართული კლუბები ევროტურნირებზე – თბილისის იბერია, ქუთაისის ტორპედო, გორის დილა და თბილისის სპაერი, საქართველოს ღირსებას 2025-26 წლების სეზონში ეს კლუბები დაიცავენ.
მეტოქეები კი შესაბამისად, შვედური მალმიო, ყაზახური ორდაბასი, ლუქსემბურგული რასინგი და ავსტრიული აუსტრია იქნებიან.
იბერია ჩემპიონთა ლიგის კვალიფიკაციიდან დაიწყებს, დანარჩენები კი – კონფერენს ლიგის შესარჩევიდან. UEFA-ს მიერ განხორციელებული ცვლილების შემდეგ, დაბალი კოეფიციენტის გამო, საქართველოს ევროპა ლიგის კვალიფიკაციაში წარმომადგენელი ავტომატურად არ ჰყავს. იქ გადასვლა თეორიულად, მხოლოდ იბერიას შეუძლია.
ქართული კლუბები ევროტურნირებზე
საქართველოს ჩემპიონატს UEFA-ს კოეფიციენტების მიხედვით, 55 ქვეყანას შორის 50-ე ადგილი უჭირავს.
მცირე უკუსვლაც კი საკმარისია, რომ საქართველომ საკვალიფიკაციო ეტაპებზე 4-ის ნაცვლად, 3 გუნდი წარადგინოს. იმედია, ქართული გუნდები ამ სეზონში 51-55 ადგილებზე მყოფ, ჩრდ. მაკედონიის, ბელარუსის, ანდორის, გიბრალტარისა და სან მარინოს გუნდებზე უკეთესად გამოვლენ.
გთავაზობთ ცხრილს განახლებული შუა სვეტით, სადაც გამოყენებულია “vs” წყვილებისთვის:
| ქართული კლუბი | vs | მეტოქე კლუბი |
|---|---|---|
| თბილისის იბერია | vs | მალმიო შვედეთი |
| ქუთაისის ტორპედო | vs | ორდაბასი ყაზახეთი |
| გორის დილა | vs | რასინგი ლუქსემბურგი |
| თბილისის სპაერი | vs | აუსტრია ავსტრია |
წილისყრის მიხედვით, ყველაზე მეტად იბერიასა და სპაერს არ გაუმართლათ. ტორპედოსა და დილას კი კარგი შანსი აქვთ მინიმუმ ერთი ეტაპი გაიარონ.
ცხადია, უშანსოდ არც თბილისური გუნდები არიან, მით უმეტეს, იბერია სხვებისგან განსხვავებით კვალიფიკაციას ჩემპიონთა ლიგაზე იწყებს. აქ პოტენციური მარცხი კი ევროპა ლიგაზე გადანაცვლებას ნიშნავს.
თანაც, წყვილში ფავორიტი მალმიოა, თუმცა შვედებს ოლსვენსკანში პრობლემები აქვთ. მე-5 ადგილზე ყოფნის პარალელურად, ცვლილება იყო სამწვრთნელო შტაბშიც. შესაბამისად, იბერია წყვილში აუთსაიდერის სტატუსით, თუმცა არა უშანსოდ, შედის.
ქართული კლუბები ევროტურნირებზე – განრიგი
პირველი წრისგან სპაერი თავისუფალია. დავით ყიფიანის სახელობის თასის გამარჯვებული კონფერენს ლიგის კვალიფიკაციაში მე-2 წრიდან ჩაერთვება. მატჩებს კი 24 და 31 ივლისს ჩაატარებს.
| ქართული კლუბი | vs | მეტოქე კლუბი | თარიღი | დრო | სტადიონი |
|---|---|---|---|---|---|
| თბილისის იბერია | vs | მალმიო | 8 ივლისი | 20:00 | მიხეილ მესხი |
| ქუთაისის ტორპედო | vs | ორდაბასი | 10 ივლისი | 20:00 | რამაზ შენგელია |
| ლუქსემბურგის რასინგი | vs | გორის დილა | 10 ივლისი | 20:30 | სტად აშილ ამარელი |
| აუსტრია | vs | თბილისის სპაერი | 24 ივლისი | 22:30 | ფრანც ჰორ შტადიონი |
იბერია vs მალმიოს პირდაპირ რეპორტაჟს საქართველოს საზოგადოებრივი მაუწყებელი შემოგთავაზებთ.
ჩვენს პლატფორმაზე ფასდაკლების მისაღებად შეგიძლიათ, პრომო კოდები NEWS25 ან YEAR25 გამოიყენოთ.
NEWS25 – ერთთვიან გამოწერაზე – 30%.
YEAR25 – ერთწლიან გამოწერაზე – 30%.
პროცესი ამ ორი ბანერიდან სასურველზე ხელის დაჭერითაც შეგიძლიათ დაიწყოთ.
ამასთან, ძველი პრომო კოდები – NEWS24 და YEAR24 კვლავ აქტიურია.
