გიორგი მიქაუტაძე ინტერვიუ – Setanta Sports-ი გიორგი მიქაუტაძეს გაესაუბრა. ლიონის შემტევთან ინტერვიუ ალექსანდრე გაბრიჩიძემ ჩვენს იუთუბ გადაცემაში, “ორი სიტყვით” ჩაწერა.
საუბარი არაერთ აქტუალურ თემას შეეხო. ინტერვიუ მონპელიესთან ლიონის 2025 წლის პირველ შეხვედრამდეა ჩაწერილი, რომელიც ლიონმა 1-0 მოიგო.
“ახალი წლის დღეები ოჯახთან ერთად გავატარე. ტრადიციული სუფრა და მერე ეგრევე ვარჯიში.
სამი დღეა ვარჯიში დავიწყეთ და კარგ კონდიციებში ვარ, ველით, თამაშს[ინტერვიუ ჩაწერილია 1-0 მონპელიესთან მატჩამდე].”
გიორგი მიქაუტაძე
მეცის დატოვების შემდეგ გიორგი მიქაუტაძის მიმართ ინტერესს არაერთი კლუბი იჩენდა. თუმცა ჟორჟმა მშობლიური ლიონი აირჩია. რთული რამდენიმე თვის შემდეგ საქართველოს ნაკრების ფორვარდმა გოლების გატანაც დაიწყო.
“პატარა ადაპტაცია მჭირდებოდა მეც და მთლიანად გუნდს – შეთამაშება. ახლა გოლები გამაქვს და ერთადერთი ეგ შეიცვალა, მეტი არაფერი.
რაც შეეხება ლიონში დაბრუნებას – საფრანგეთში მსურდა დარჩენა. ზაფხულში სხვა კლუბების ვარიანტებიც იყო, თუმცა ლიონის შემოთავაზებას ველოდით. ვუთხარი ჩემს აგენტებს, რომ მხოლოდ ლიონში მსურდა გადასვლა.”
გიორგი მიქაუტაძე
ინტერვიუს სრულ ვერსიაში გაიგებთ, ჟორჟისთვის ფავორიტ მეტოქეს, ბავშვობის საყვარელ ფეხბურთელს, 2024 წლის შეფასებას და ა.შ.
ლიგა 1-ის სატურნირო ცხრილი
2024-2025 წლის ლიგა 1-ის გათამაშების სატურნირო ცხრილი ასე გამოიყურება. ლიონი 28 ქულით მე-5 ადგილზეა, ხოლო ზუკა დავითაშვილის სენტ ეტიენი 16 ქულით მე-15 ადგილს იკავებს.
| პოზიცია | გუნდი | თამაში | მოგება | ფრე | წაგება | გოლები | გოლის სხვავება | ქულები |
|---|---|---|---|---|---|---|---|---|
| 1 | პარი სენ-ჯერმენი | 16 | 12 | 4 | 0 | 44:14 | +30 | 40 |
| 2 | მარსელი | 16 | 10 | 3 | 3 | 37:19 | +18 | 33 |
| 3 | მონაკო | 16 | 9 | 3 | 4 | 26:16 | +10 | 30 |
| 4 | ლილი | 16 | 7 | 7 | 2 | 26:16 | +10 | 28 |
| 5 | ლიონი | 16 | 8 | 4 | 4 | 28:20 | +8 | 28 |
| 6 | ნიცა | 16 | 7 | 6 | 3 | 31:21 | +10 | 27 |
| 7 | ლანსი | 16 | 6 | 6 | 4 | 19:15 | +4 | 24 |
| 8 | ტულუზა | 16 | 7 | 3 | 6 | 18:17 | +1 | 24 |
| 9 | ოსერი | 16 | 6 | 3 | 7 | 24:26 | -2 | 21 |
| 10 | სტრასბური | 16 | 5 | 5 | 6 | 28:28 | 0 | 20 |
| 11 | რეიმსი | 16 | 5 | 5 | 6 | 21:21 | 0 | 20 |
| 12 | ბრესტი | 16 | 6 | 1 | 9 | 24:29 | -5 | 19 |
| 13 | რენი | 16 | 5 | 2 | 9 | 22:23 | -1 | 17 |
| 14 | ანჟე | 16 | 4 | 4 | 8 | 16:26 | -10 | 16 |
| 15 | სენტ-ეტიენი | 16 | 5 | 1 | 10 | 15:35 | -20 | 16 |
| 16 | ნანტი | 16 | 3 | 6 | 7 | 18:25 | -7 | 15 |
| 17 | ლე ავრი | 16 | 4 | 0 | 12 | 12:34 | -22 | 12 |
| 18 | მონპელიე | 16 | 2 | 3 | 11 | 15:39 | -24 | 9 |
გიორგი მიქაუტაძე ინტერვიუ
მომდევნო შეხვედრას ლიონი 11 იანვარს, სტუმრად, ბრესტის წინააღმდეგ გამართავს. მატჩის პირდაპირი რეპორტაჟის ნახვა setantasports.com-ზე შეგეძლებათ.
გიორგი მიქაუტაძე ინტერვიუ – ამ სტატიაში მხოლოდ მისი მომცრო ნაწილია. მთლიან ჩანაწერს Setanta Sports-ის სოციალური ქსელების პლატფორმებზე 7 იანვარს ნახავთ.
რაც შეეხება ჟორჟის მიმართ არსებულ მიმდინარე ინტერესს, გალათასარაი მეორე შეთავაზებას ამზადებს.
თურქული საბაჰის ინფორმაციით, სტამბოლური კლუბი ლიონს 20-მილიონ-ევროიანი წინადადებით მიმართავს, რაც 3 მილიონი ევროთი აღემატება პირველ ოფერს. ეს კი გალას ისტორიაში ყველაზე ძვირადღირებული ტრანსფერი შეიძლება იყოს.
ოქან ბურუქის დიდი სურვილის მიუხედავად – შეიძინოს გიორგი მიქაუტაძე, ტრანსფერის ალბათობა საკმაოდ დაბალია. ფინანსური პრობლემების მიუხედავად, არც ლიონს სურს ჟორჟის გაშვება და არც გიორგის – კლუბის დატოვება.
რამდენიმე წყაროს ცნობით, ამიტომაც ფრანგების შემხვედრი წინადადება 30 მილიონ ევროს შეადგენს.
