საქართველოს ნაკრები 2025 – ამ სტატიაში ჯვაროსნების მომდევნო წლის გეგმებს გადავხედოთ.
ერთა ლიგა B ლიგა – საქართველო vs სომხეთი
რამდენიმე მიზნიდან ქრონოლოგიურად პირველი ერთა ლიგა იქნება. მიზანი პლეი ოფის გზით B ლიგაში ადგილის შენარჩუნება იქნება.
მეტოქე სომხეთის ნაკრებია. წილისყრისას, პოტენციური მეტოქეებიდან ყველაზე სასურველი ამოვიდა, თუმცა იოლადგასავლელი არც ჩვენი მეზობელი იქნება.
მიუხედავად მთელ რიგ მატჩებში ჩავარდნისა, რაც უმეტესად ფარერის კუნძულების ნაკრებთან გამოჩნდა, სომხეთმა მოახერხა და პლეი ოფის საგზური მაინც მოიპოვა.
ურთიერთშეხვედრებში უპირატესობა საქართველოს მხარესაა. 7 მატჩიდან 3 ჯვაროსნებმა მოიგეს, 2 ფრედ დასრულდა, 2 მატჩშიც გამარჯვება სომხეთს დარჩა.
ბურთების ბალანსი 14-8-ზეა. ასეთ უპირატეს ბალანსს ცხადია, 1997 წელს, 7-0 მოგებული მატჩი განაპირობებს.
საქართველო vs სომხეთი – თარიღი
ერთა ლიგის B ლიგის პლეი აუტის მატჩები 20 და 23 მარტს გაიმართება. პირველ შეხვედრას ერევანი უმასპიძნლებს, საპასუხოს კი – თბილისი.
