ბუდუ ზივზივაძე ტურის სიმბოლურში! Kicker-ის ტურის გამორჩეულ გუნდში საქართველოს ეროვნული ნაკრების ცენტრ ფორვარდი სეზონში მესამედ მოხვდა.
ტრადიციულად, ბუნდესლიგა 2-ის ტურის გამორჩეულ ფეხბურთელებს ავტორიტეტული გამოცემა კიკერი ასახელებს.
ბუდუ ზივზივაძე vs გროიტერ ფიურტი
ბუდუს ამჯერად გროიტერ ფიურტთან საუცხოო თამაში დაუფასდა. ეროვნული ნაკრების ფორვარდმა ბუნდესლიგა 2-ის სეზონში მე-9 გოლი გაიტანა.
ამას გარდა, საგოლე პასი გაუკეთა ბამბასე კონტეს. სამწუხაროდ ოფიციალურ ჩათვლაში ბუდუს ეს საგოლე პასი არ ჩაეთვლება, რადგან გზად ბურთს ფიურტის მცველიც შეეხო.
კრისტიან აიხნერმა ბუდუ 90+2-ე წუთზე შეცვალა. ქართველს გოლის გატანის 2 კარგი შანსიც ჰქონდა. თუმცა 1 ეპიზოდში მცველმა დაუბლოკა, მეოერეში კი ბურთი ჯერ მეკარემ აიღო და მერე ხარიხას მოხვდა.
კარლსრუეს ბუნდესლიგა 2-ში ძელსა ან ხარიხაზე ბურთი 11-ჯერ აქვს მორტყმული. ეს ლიგაში ყველაზე მაღალი მაჩვენებელია. დასკვნით ფაზაში გუნდი და განსაკუთრებით, მარვინ ვანიცეკი მიზანს ოდნავ თუ შეისწორებენ, კარლსრუეს პირველობას ბევრი აღარაფერი უნდა დაემუქროს.
ახლა ბუდუს გუნდი მე-2 ადგილზეა და ლიდერ პადერბორნს მხოლოდ 1 ქულით ჩამორჩება. სატურნირო ცხრილის ზედა ნაწილში დიდი სიმჭიდროვეა. 1-ელ და მე-12 ადგილებს შორის 6 ქულაა.
ბუდუ ზივზივაძის სტატისტიკა – 2024-25
ბუდუსთვის ეს გოლი უშუალოდ ბუნდესლიგა 2-ში 22-ე იყო. სეზონში კი – მე-11. ჩემპიონატში გატანილ 9 ბურთთან ერთად ბუდუს DFB პოკალზე 2 გოლი აქვს.
ეროვნული ნაკრების ფორვარდის ანგარიშზე 3 საგოლე გადაცემაცაა. აქედან 2 ლიგაში, 1 კი – თასზე.
ბუდუ 28-ე ქართველია ვინც ბუნდესლიგა 2-ში თამაშობს. გატანილი გოლების რაოდენობით ზივზივაძე მხოლოდ ალექსანდრე იაშვილს ჩამორჩება.
იაშკას ანგარიშზე 241 მეორე ბუნდესლიგურ მატჩში 47 გოლი და 51 საგოლე გადაცემაა. მან ეს 4 სხვადასხვა კლუბის, ლიუბეკის, ფრაიბურგის, კარლსრუესა და ბოხუმის მაისურით მოახერხა.
მომდევნო ტურის მატჩში კარლსრუე ვილდპარკ შტადიონზე ჰამბურგს უმასპინძლებს. ბუნდესლიგა 2-ის მე-14 ტურში ლიდერების მონაწილეობით სამი 6-ქულიანი მატჩია და მათგან ერთ-ერთი სწორედ ბუდუს მონაწილეობით იქნება.
კარლსრუე vs ჰამბურგი
კარლსრუე vs ჰამბურგის პირდაპირი რეპორტაჟის ნახვა setantasports.com-ზე 1-ელ დეკემბერს 16:30 წუთზე იქნება შესაძლებელი.
setantasports.com-ზე გამოწერაზე ფასდაკლების მისაღებად შეგიძლიათ პრომო კოდები NEWS24 და YEAR24 გამოიყენოთ.
NEWS24 თვის გამოწერაზე, ხოლო YEAR24 წლის გამოწერაზე 30 %-იანი ფასდაკლების მიღების საშუალებას მოგცემთ.
