Бугун Германияда терма жамоалар ўртасидаги энг муҳим мусобақалардан бири Европа чемпионати старт олади. Очилиш ўйинида мезбон Германия Шотландия терма жамоасига қарши Мюнхенда майдонга тушади.
Мазкур турнир Тони Крооснинг фаолиятидаги сўнгги мусобақа ва немислар ўз юртида ўтадиган ЕВРОда ғолиб чиқиш учун бор кучларини ишга солишлари табиий. АПЛда юқори даражада ўйнаётган футболчиларга эга Шотландияни кўпчилик мутахассислар чемпионат кашфиётларидан бирига айланиши мумкинлигини таъкидлашмоқда. «Альянц Арена»даги беллашув орзиқиб кутилган турнирнинг ҳаяжонли лаҳзаларини бошлаб беришига шубҳа йўқ.
Франция, Англия, Испания, Италия, Португалия, Хорватия ва Голландия каби терма жамоаларнинг ғолиблик сари юришлари футбол ишқибозларининг эътиборида туради.
Germaniya – Shotlandiya uchrashuvini qayerda tomosha qilish mumkin
setantasports.com обуначилари Ўзбекистонда 51 беллашувнинг барчасини жонли эфирда бепул томоша қилиш имкониятига эга бўлишади. Ўйинларни фақат Setanta Sports ОТТ платформаси ва иловасида томоша қилиш мумкин.
