მერაბ დვალიშვილი – კალენდარულ წელში ოთხი სატიტულო ორთაბრძოლის ჩატარების შემდეგ ESPN-ის ვერსიით 2025 წლის საუკეთესო მებრძოლად დასახელდა.
ქართველმა მანქანამ გამოკითხულთა ხმების 40% მიიღო და ჯილდო ერთპიროვნულად მოიგო. მერაბის მთავარი კონკურენტები გამოკითხვაში ალექს პერეირა, ისლამ მახაჩევი და ილია თოფურია იყვნენ.
MMA-ის გულშემატკივრები ბევრს ლაპარაკობენ იმაზე, რომ მერაბმა 1 კალენდარული წლისთვის ბევრი ორთაბრძოლა ჩაატარა და ბოლოს გამოიფიტა, თუმცა ისტორია ისტორიაა. ქართველს მართლაც დაუჯერებელი წელი ჰქონდა, რომელიც უმარ ნუმრაგომედოვის წინააღმდეგ დომინაციით დაიწყო.
უმარის დამარცხების შემდეგ, მერაბმა UFC 316-ზე შონ ომალის წინააღმდეგ ჩაატარა ფენომენალური ბრძოლა და ამერიკელი საბმიშენით დაამარცხა.
UFC 320-ზე, ოქტომბერში მერაბმა თავის სივიში სუპერმსუბუქი წონის მორიგი გამორჩეული მებრძოლი – კორი სენდჰეგენი შეიყვანა – დვალიშვილმა მეტოქე ასევე დომინაციით დაამარცხა და ახლოს იყო ნოკაუტით ფინიშთანაც.
სენდჰეგენთან ბრძოლის შემდეგ ზუსტად თვენახევარში, ქართველმა მანქანამ კიდევ ერთი სატიტულო ბრძოლა ჩაატარა ამჯერად პიოტრ იანის წინააღმდეგ UFC 323-ზე, სადაც მერაბს წლის განმავლობაში აქტიურობა აშკარად დაეტყო და ქართველმა ბრძოლა მსაჯთა ერთსულოვანი გადაწყვეტილებით დათმო.
მერაბ დვალიშვილის ეს სვლა MMA-ის ფანებს, რა თქმა უნდა, შეუმჩნეველი არ დარჩენიათ და სწორედ ამიტომაც, ქართველი წლის საუკეთესო მებრძოლად დასახელდა UFC-ში.
ასევე იხილეთ:
ილია თოფურია – მიუღებელი და სასტიკი ზეწოლის მსხვერპლი გავხდი
ალექსანდრე თოფურიას ბრწყინვალე მოგება – რა ვნახეთ UFC კატარზე?
ალექსანდრე თოფურიას ბრწყინვალე მოგება – რა ვნახეთ UFC კატარზე?
უყურე UFC-ის ყველა ივენთს setantasports.com-ზე
ჩვენს პლატფორმაზე ფასდაკლების მისაღებად შეგიძლიათ, პრომო კოდები NEWS25 ან YEAR25 გამოიყენოთ.
NEWS25 – ერთთვიან გამოწერაზე – 30%.
YEAR25 – ერთწლიან გამოწერაზე – 30%.
პროცესი ამ ორი ბანერიდან სასურველზე ხელის დაჭერითაც შეგიძლიათ დაიწყოთ.
ამასთან, ძველი პრომო კოდები – NEWS24 და YEAR24 კვლავ აქტიურია.
