სარჩევი
UFC 316 - დვალიშვილი VS ო'მალი 2 | Setanta Sports

მერაბ დვალიშვილი VS შონ ო’მალი 2 – ბრძოლა 2025 წლის 8 ივნისს ჩაინიშნა.

დვალიშვილი VS ო’მალი 2რემატჩი

UFC-ის გენერალურმა დირექტორმა, დანა უაითმა ინსტაგრამ ლაივში გამოაცხადა, რომ UFC 316-ის ფარგლებში, რომელიც თბილისის დროით, 8 ივნისს 06:00 საათზე ნევარკში, ნიუ-ჯერსიში გაიმართება, მერაბ დვალიშვილისა და შონ ო’მალის რემატჩი შედგება.

გარდა მთავარი ბრძოლისა, რომელშიც სუპერმსუბუქი წონის ქართველი ჩემპიონი მერაბ დვალიშვილი და შონ ო’მალი ერთმანეთს დაუპირისპირდებიან. სუპერმსუბუქი წონის ქამარი ჯულიანა პენიასა და კაილა ჰარისონს შორისაც გათამაშდება.

დვალიშვილი VS ო’მალიპრეისტორია

შუგაშოუსა და მერაბს შორის პირველი ბრძოლა UFC 306-ზე, 14 სექტემბერს შედგა. ქართველმა მანქანამ ხუთრაუნდიან დაპირისპირებაში მეტოქეს აბსოლუტური დომინაცია შესთავაზა და ნანატრ ქამარს მსაჯების გადაწყვეტილების შემდეგ დაეუფლა.

მერაბმა ქამარი ერთხელ უკვე წარმატებით დაიცვა, როდესაც უმარ ნურმაგომედოვი ხუთრაუნდიან ბრძოლაში დაჯაბნა, მიუხედავად იმისა, რომ პირველი ორი რაუნდი ქართველმა მანქანამ წააგო. ჩემპიონმა თავისი შეუპოვრობა და უშრეტი ენერგია გამოავლინა, ბოლო 15 წუთში კი მსაჯების შეხედულება რადიკალურად შეცვალა.

34 წლის ქართველ მებრძოლს უკვე 12 გამარჯვება აქვს UFC-ში და საკუთარი რეკორდის კიდევ უფრო გაუმჯობესებას ო’მალისთან რემატჩში გამარჯვებით ეცდება.

შონ ო’მალი სექტემბერში მარცხის შემდეგ ჯერ კიდევ არ დაბრუნებულა ოქტაგონზე, მაგრამ ამერიკელ მებრძოლს თუ დავუჯერებთ, იგი მზადაა, დაბრუნდეს და გახდეს პირველი მებრძოლი შვიდი წლის განმავლობაში, რომელიც შეძლებს მერაბ დვალიშვილის ბარიერის გადალახვას.

UFC 316

UFC 316-ის პროგრამაში ჯერჯერობით მხოლოდ დვალიშვილი VS ო’მალი 2 და ჯულიანა პენია VS კაილა ჰარისონი გვაქვს წარმოდგენილი.

დვალიშვილი VS ო’მალი 2 – რეკორდი

მერაბ დვალიშვილი UFC 316-ს 19-4 რეკორდით ხვდება. ამასთან ერთად, აღსანიშნავია ისიც, რომ უკანასკნელი 12 ბრძოლის განმავლობაში მერაბი დაუმარცხებელია.

რაც შეეხება მის მეტოქეს, შუგაშოუს ამ მომენტისათვის 18-2 აქვს დაფიქსირებული. ო’მალის ორი მარცხი კი მერაბ დვალიშვილსა და მარლონ ვერას უკავშირდებათ.

UFC 316 – პირდაპირი ეთერი

UFC-ის ყველა ივენთის მსგავსად, მაყურებელს დვალიშვილისა და ო’მალის ბრძოლის ხილვაც setantasports.com-ზე შეეძლება.