U21 საქართველო vs ჩრდ. მაკედონია – Must Win Game ქუთაისში. 3 ქულა რამაზ სვანაძის გუნდს ჯგუფში მე-2 ადგილს და პლეი ოფის საგუზრს მოუტანს.
U21 საქართველო vs ჩრდ. მაკედონია
ალბანეთთან საქართველოს ნაკრების მარცხის პარალელურად ნიდერლანდების 21-წლამდელთა ნაკრებმა შვედეთი დააკომბოსტირა 3-0.
შესაბამისად, საქართველო U21-მა შანსი დაიბრუნა გავიდეს ევროპის ჩემპიონატის პლეი ოფში. ამისთვის კი დღეს, ჩრდ. მაკედონიის დამარცხებაა საჭირო. რამაზ სვანაძის გუნდს ხელს ნებისმიერი ანგარიშით მოგება აძლევს.
საქართველო U21 სატურნირო ცხრილი
შვედეთი საქართველოს 1 ქულით უსწრებს. თუმცა ქულა რამაზ სვანაძის გუნდს ხელს არ აძლევს. მიზეზი ჩვენს ურთიერთშეხვედრებში შვედეთის უპირატესობაა.
| # | გუნდი | თ | მ | ფ | წ | გატ | გაშ | ქ |
|---|---|---|---|---|---|---|---|---|
| 1 | ნიდერლანდები U21 | 10 | 10 | 0 | 0 | 32 | 3 | 30 |
| 2 | შვედეთი U21 | 10 | 5 | 2 | 3 | 25 | 10 | 17 |
| 3 | საქართველო U21 | 9 | 5 | 1 | 3 | 12 | 9 | 16 |
| 4 | ჩრდილოეთ მაკედონია U21 | 9 | 4 | 0 | 5 | 7 | 13 | 12 |
| 5 | მოლდოვა U21 | 10 | 2 | 1 | 7 | 7 | 20 | 7 |
| 6 | გიბრალტარი U21 | 10 | 1 | 0 | 9 | 3 | 31 | 3 |
სლოვაკეთში 2025 წელს გასამართ U21 ევროპის ჩემპიონატზე 9 ჯგუფის გამარჯვებული პირდაპირ გადის. მათ სამი საუკეთესო მეორე ადგილოსანი ემატება.
სამწუხაროდ საქართველოს U21 ნაკრებს ხსენებულ სამ საუკეთესოში მოხვედრის შანსი აღარ აქვს, მიზანი პლეი ოფია.
დარჩენილი 6 მეორე ადგილოსანი კი ერთმანეთს პლეი ოფში დარჩენილი 3 ადგილისთვის დაუპირისპირდება.
პლეი ოფის წილისყრა 17 ოქტომბერს გაიმართება. პლეი ოფში კი გუნდები 11 და 19 ნოემბერს 2-2 მატჩს, შინ და სტუმრად ჩაატარებენ.
U21 საქართველო vs ჩრდ. მაკედონია – პირდაპირი რეპორტაჟი
მატჩი ქუთაისში, რამაზ შენგელიას სახელობის სტადიონზე გაიმართება. შეხვედრა 20:00 საათიდან დაიწყება.
მატჩის პირდაპირი რეპორტაჟის ხილვას საქართველოს საზოგადოებრივ მაუწყებელზე შეძლებთ.
მატჩამდე და მატჩის შემდეგ კომენტარებსა და სხვა საინტერესო მასალას Setanta Sports-ის გვერდებზე სოციალურ ქსელებში ნახავთ.
