პსჟ vs რეიმსი – ლიგა 1-ის მე-19 ტურში პარიზელები შინ ითამაშებენ. პარკ დე პრენსზე ხვიჩა კვარაცხელიას დებიუტის მოლოდინში არიან.
შეხვედრის პირდაპირი რეპორტაჟი 25 იანვარს, 23:55 წუთიდან დაიწყება.
ჩვენს პლატფორმაზე ფასდაკლების მისაღებად შეგიძლიათ, პრომო კოდები NEWS25 ან YEAR25 გამოიყენოთ.
NEWS25 – ერთთვიან გამოწერაზე – 30%
YEAR25 – ერთწლიან გამოწერაზე – 30%
პროცესი ამ ორი ბანერიდან სასურველზე ხელის დაჭერითაც შეგიძლიათ დაიწყოთ.
ამასთან, ძველი პრომო კოდები – NEWS24 და YEAR24 კვლავ აქტიურია.
მატჩის პირდაპირი რეპორტაჟის ხილვა Setanta Sports-სა და Setanta Sports Georgia-ს YouTube არხზეც იქნება შესაძლებელი.
პსჟ vs რეიმსი – პრევიუ
პარი სენ ჟერმენი მოახლოებულ მატჩს ლიგა 1-ის ლიდერის რანგში ხვდება. რეიმსი, კი რომელშიც ჯაბა კანკავას უთამაშია, 21 ქულით მე-13 ადგილზეა.
კვარას ახალ გუნდს უახლოეს მდევარ მარსელთან 9-ქულიანი ჰანდიკაპი აქვს. მესამეადგილოსან ლილს კი საერთოდ 14 ქულას უგებს.
მატჩს ლუის ენრიკეს გუნდი საუცხოო განწყობით ხვდება. პსჟ-მა ჩემპიონთა ლიგაზე მანჩესტერ სიტისთან დააქამბექა და 1/8-ფინალის წინასწარი რაუნდის ზონაში შევიდა.
ამიტომ პარიზელებს ლიგის ბოლო ტურში შტუტგარტთან, გასვლაზე, MHPA არენაზე, ქულაც თავისუფლად შეიძლება ეყოთ.
რაც შეეხება რეიმსს – ლუკა ელსნერის გუნდს ლიგა 1-ში 7 მატჩია არ მოუგია. ბოლოს ეს გუნდმა ნოემბერში მოახერხა.
ერთადერთი პოზიტივი რეიმსის მხარეს ახლახანს თასზე მონაკოს დამარცხებაა.
საინტერესოა, რომ პარიზელებმა რეიმსს ბოლო 5 მატჩში მხოლოდ 1 მოუგეს, 4-ჯერ კი შეხვედრა ფრედ დასრულდა.
ლუის ენრიკე ხვიჩა კვარაცხელიას შესახებ
პრესკონფერენციის მოცულობითი ნაწილი კი საქართველოს ნაკრების შემტევის შესახებ საუბარს დაეთმო.
კითხვა ეკიპისგან იყო და კვარას მოსალოდნელ დებიუტს შეეხებოდა. ლუის ენრიკემ არ თქვა პირდაპირ, ათამაშებს თუ არა ხვიჩას რეიმსთან თუმცა გუნდში მისი ინტეგრაციის პოზიტიურ დინამიკას გაუსვა ხაზი.
“ყოველთვის, როდესაც ფეხბურთელს ვიმატებთ, ეს იმიტომ ხდება, რომ გვწამს – ის გუნდს გააძლიერებს.
როდის ითამაშებს კვარა? ამას ვნახავთ, ეს ვარჯიშზეა დამოკიდებული. თუმცა ეს არ არის მნიშვნელოვანი. რაც მთავარია ის ჩვენთან ერთადაა და ხედავს, თუ რას ვთხოვთ ფეხბურთელებს.
გაანალიზებული გვაქვს მისი მახასიათებლები და თვისებები, რომელიც სრულად თავსებადია ჩვენი გუნდის თამაშის მანერასთან.
ამის შემდეგ ვნახავთ, თუ როგორ შეერწყმება და შექმნის სხვა ფეხბურთელებთან სინერგიას. ეს ახლა უკვე ჩვენი სამუშაო. ვფიქრობ, ის გუნდს ბევრ რამეს შემატებს.
ფიზიკურად საკმაოდ კარგია და ეს ვარჯიშებზეც ვნახეთ. კარგად ადაპტირდება და ვფიქრობ, მზად არის.
შეტევაში 6-7 ფეხბურთელი გვყავს და ვფიქრობ, მათთან ერთად არაერთი კომბინაციის და ვარიაციის შექმნა შემიძლია.
თუკი შორიდან გატანა გსურს, კარგი დარტყმა უნდა გქონდეს. ასეთი ფეხბურთელები კი უხვად გვყავს – კვარაცხელია, ვიტინია, ასენსიო.
მათ ამ უნარებს მივესალმებით.
ხვიჩა კვარაცხელიას კარგად ვიცნობთ. მისი პსჟ-ში მოყვანა გასულ წელსაც გვსურდა და ვცადეთ, თუმცა ვერ შევძელით.
შევაფასეთ მისი უნარები, ასევე ის, თუ როგორ ჩაჯდებოდა ის ჩვენს ფეხბურთსა და სტილში. გვაქვს იდეები, იქიდან გამომდინარე თუ როგორი ფეხბურთელები გვყავს.
მასთან ერთად ჩვენ უკეთესები გავხდებით. ასევე კვარას და სხვებსაც აქვთ უნარები, რომელთა კიდევ უფრო განვითარებასაც ვეცდებით.
კვარასგან რასაც ველი არის ის, რომ კარის იმ სიტუაციებში სადაც დარტყმა და გატანა შეუძლია, თავი კომფორტულად და თავდაჯერებულად იგრძნოს.
ცხადია, კონკრეტულ ფეხბურთელებთან შეთამაშებასა და სინერგიის შექმნას დრო დასჭირდება. ეს არის საქმის ნაწილი, რითიც სწორედ ახლა ვართ დაკავებულნი.”
ლუის ენრიკე
ქართველები ლიგა 1-ში
პსჟ vs რეიმსი მატჩის დაწყებამდე საფრანგეთის საფეხბურთო ელიტაში ქართველებს გადავხედოთ.
კვარა პსჟ-ში 7 ნომრიანი მაისურით ითამაშებს. ეს ციფრი კი კლუბიდან კილიან მბაპეს წასვლის შემდეგ თავისუფალია.
სხვადასხვა დროს ის მბაპეს, ჟიულის, მოურას, მენეზს, ლეონარდოს, კომბუარეს და სხვებს მოურგიათ.
ხვიჩა ლიგა 1-ში მე-9 ქართველი ფეხბურთელი იქნება. აქამდე საფრანგეთის ჩემპიონატის უმაღლეს დივიზიონში შემდეგ ფეხბურთელებს უთამაშიათ.
| სახელი | პოზიცია | კლუბი | დებიუტის თარიღი | თამაშების რაოდენობა |
|---|---|---|---|---|
| გია გურული | თავდამსხმელი | ლე ავრი | 1992 წლის 8 აგვისტო | 48 |
| ჟორჟ მიქაუტაძე | თავდამსხმელი | მეცი/ლიონი | 2019 წლის 7 დეკემბერი | 40 |
| ჯაბა კანკავა | ნახევარმცველი | რეიმსი | 2015 წლის 22 აგვისტო | 27 |
| ზურიკო დავითაშვილი | გარემარბი | სტ ეტიენი | 2024 წლის 17 აგვისტო | 18 |
| გიორგი მაკარიძე | მეკარე | ლე მანი | 2009 წლის 29 ნოემბერი | 2 |
| ოთარ დონდუა | ნახევარმცველი | რედ სტარი | 1946 წლის 25 აგვისტო | 2 |
| ამირან სანაია | მცველი | ლე მანი | – | 0 |
| ლუკა კიკაბიძე | გარემარბი | ბასტია | – | 0 |
ხვიჩა კვარაცხელია პსჟ-ში – 1-ლი კვირა
ამ ჩანახატში კი ხვიჩა კვარაცხელიას პირველი კვირის მთავარი მომენტებია ასახული პარი სენ ჟერმენში.
პსჟ vs რეიმსი მატჩამდე შეგიძლიათ სოციალურ ქსელებში Setanta Sports-ის გვერდებზე განთავსებულ კონტენტს გადახედოთ.
