კვარა საფრანგეთის ჩემპიონია. ლიგა 1-ის დასრულებამდე 6 ტურით ადრე პარი სენ-ჟერმენი მდევრებისთვის მიუწვდომელი გახდა.
ანჟეს წინააღმდეგ 28-ე ტურში მოპოვებულმა გამარჯვებამ პსჟ-ს მორიგი ჩემპიონობა მოუტანა. ამ მატჩში გამარჯვებაში კვარამ ლომის წვლილი დაიდო.
მინდორზე ყველაზე აქტიურმა და გამორჩეულმა ქართველმა ფეხბურთელმა 55-ე წუთზე დეზირე დუეს საგოლე გადაცემით გაატანინა.
საბოლოოდ, ეს შეხვედრაში ერთადერთი გატანილი გოლი აღმოჩნდა.
პსჟ – ლიგა 1-ის ჩემპიონი
ეს ლიგა 1-ში პარი სენ-ჟერმენის მე-13 საჩემპიონო ტიტულია. ლუის ენრიკეს გუნდმა საფრანგეთის ჩემპიონობა ზედიზედ მე-4-ედ იზეიმა.
საგულისხმოა, რომ პარიზელებმა 2012 წლიდან მოყოლებული მე-11 ჩემპიონობა იზეიმეს. წყვეტას მხოლოდ ორი სეზონი, 2016-17 და 2020-21 განაპირობებს. სხვა დანარჩენ შემთხვევაში ჩემპიონი პსჟ ხდებოდა.
ასევე ეს რიგით 52-ე დიდი ტიტულია, რომელიც პსჟ-მა იზეიმა.
ახლა კი ლუის ენრიკეს გუნდი უკვე სრული სვლით ასტონ ვილასთან, ჩემპიონთა ლიგაზე გასამართ შეხვედრაზე გადაერთვება.
ხვიჩა კვარაცხელია – ქართული რეკორდი
რაც შეეხება კვარას ის გახდა პირველი ქართველი ფეხბურთელი, რომელმაც TOP 5 ჩემპიონატში ჩემპიონობა ორ ქვეყანაში იზეიმა.
ნაპოლით იტალიის სერია A-ს შემდეგ ახლა მან პსჟ-ით ლიგა 1-ის ჩემპიონობა იზეიმა. ხვიჩა გახდა ასევე პირველი ქართველი ფეხბურთელი, ვინც საფრანგეთის ჩემპიონატი მოიგო.
აღსანიშნავია, რომ კვარამ ეს ორივე შემთხვევაში სადებიუტო სეზონში მოახერხა.
რაც შეეხება მიმდინარე სეზონში კვარას სტატისტიკას პსჟ-ის მაისურით, ლიგა 1-ში მას 10 მატჩში 2 გოლი და 3 საგოლე გადაცემა აქვს.
ამას ქართველმა შემტევმა, საფრანგეთის დედაქალაქელების მაისურით, ჩემპიონთა ლიგაზე 1 გოლი და 1 ასისტიც მიუმატა.
ჩვენს პლატფორმაზე ფასდაკლების მისაღებად შეგიძლიათ, პრომო კოდები NEWS25 ან YEAR25 გამოიყენოთ.
NEWS25 – ერთთვიან გამოწერაზე – 30%
YEAR25 – ერთწლიან გამოწერაზე – 30%
პროცესი ამ ორი ბანერიდან სასურველზე ხელის დაჭერითაც შეგიძლიათ დაიწყოთ.
ამასთან, ძველი პრომო კოდები – NEWS24 და YEAR24 კვლავ აქტიურია.
პროცესი სასურველ ბანერზე ხელის დაჭერითაც შეგიძლიათ დაიწყოთ.
