ხვიჩა კვარაცხელია პსჟ-ში ითამაშებს. ნაპოლისა და პარიზ სენ ჟერმენს შორის შეთანხმება მიღწეულია. 70 მილიონ ევროზე მეტი ღირებულების ტრანსფერი მალე გაოფიციალურდება.
თანადროულად პსჟ ქართველის ტრანსფერისთვის საჭირო გარიგებას მისი რიგებიდანაც ელის. საუბარია რანდალ კოლო მუანის გასხვისებასა და ფინანსური ფეარ პლეის წესების დაცვაზე.
მსოფლიოს ვიცე ჩემპიონი კოლო მუანი ყველაზე ახლოს ტოტენჰემთანაა.
ხვიჩა კვარაცხელია – ტრანსფერი
პსჟ-ის კვარასა და ოსიმენის დამატება ზაფხულშიც სურდა, თუმცა მაშინ მოლაპარაკება წარმატებულად არ დასრულდა.
არადა პარიზელები სოლიდურ თანხას, 210 მილიონ ევროს იხდიდნენ. უარის მიზეზი ალბათ შეუმზადებელი სიტუაცია იყო. ასეთ შემთხვევაში ქომაგები დე ლაურენტისს მიუბრუნდებოდნენ და სოლიდური თანხის მიუხედავად რისხვა არა ფეხბურთელების, არამედ კლუბის მიმართ წავიდოდა.
ახლა კი ზაფხულიდან ოსიმენი გალათასარაიშია იჯარით გაშვებული და მისი გაყიდვა მტკივნეული უკვე აღარ იქნება, კვარაზე კი დე ლაურენტისის და კონტეს რეპლიკების გამო ისრებს ქართველი ფეხბურთელის მიმართ მომართავენ, აქაოდა, კლუბს მისი დატოვება სურს და მხოლოდ კვარაცხელიას უნდა წასვლაო.
🔴🔵🇬🇪 Paris Saint-Germain have reached verbal agreement in principle with Napoli for Khvicha Kvaratskhelia.
— Fabrizio Romano (@FabrizioRomano) January 13, 2025
Deal in place for €70m plus add-ons after story revealed here last week.
Five year deal ready for Kvara. 🤝
Final approval from the owners and then… here we go. pic.twitter.com/Vas4549QPd
ხვიჩა კვარაცხელია – ხელფასი
კვარას წლიური ანაზღაურება 8 მილიონი ევრო იქნება. ეს კი ხვიჩას კალიბრის ფეხბურთელისთვის, სულაც არ არის მაღალი ანაზღაურება, ცხადია, საზომად საფეხბურთო შრეებს თუ ავიღებთ.
რაც შეეხება ნეაპოლში მის ანაზღაურება ის წლიურად 1.8 მილიონ ევროს შეადგენდა.
შეთანხმებაში იქნება ბონუსებიც გათვალისწინებული. ასევე, საინტერესოა როგორი იქნება პსჟ-თან კონტრაქტის მთელი რიგი საკითხები. მაგალითად, სრული სარეკლამო უფლებები ნეაპოლური კლუბის იყო, მათ შორის საქართველოშიც.
ხვიჩა კვარაცხელია – პსჟ
ლიგა 1-ის მიმდინარე სეზონში ზუკა დავითაშვილი და გიორგი მიქაუტაძე თამაშობენ. ორივე მათგანმა სენტ ეტიენითა და ლიონით პსჟ-ს წინააღმდეგ გოლების გატანა შეძლო.
ლიგა 1-ში სხვადასხვა დროს 6 ქართველს უთამაშია. პლუს ორს განაცხადში ყოფნის მიუხედავად თამაში არ მოუწია.
შესაბამისად, კვარა გახდება მე-7 ქართველი, ვინც ლიგა 1-ში ითამაშებს.
| სახელი | პოზიცია | კლუბი | დებიუტის თარიღი | თამაშების რაოდენობა |
|---|---|---|---|---|
| გია გურული | თავდამსხმელი | ლე ავრი | 1992 წლის 8 აგვისტო | 48 |
| ჟორჟ მიქაუტაძე | თავდამსხმელი | მეცი/ლიონი | 2019 წლის 7 დეკემბერი | 39 |
| ჯაბა კანკავა | ნახევარმცველი | რეიმსი | 2015 წლის 22 აგვისტო | 27 |
| ზურიკო დავითაშვილი | გარემარბი | სტ ეტიენი | 2024 წლის 17 აგვისტო | 16 |
| გიორგი მაკარიძე | მეკარე | ლე მანი | 2009 წლის 29 ნოემბერი | 2 |
| ოთარ დონდუა | ნახევარმცველი | რედ სტარი | 1946 წლის 25 აგვისტო | 2 |
| ამირან სანაია | მცველი | ლე მანი | – | 0 |
| ლუკა კიკაბიძე | გარემარბი | ბასტია | – | 0 |
პსჟ ლიგა 1-ს ლიდერობს. ლუის ენრიკეს გუნდს შიდა ჩემპიონატში მარცხი ამ სეზონში არ განუცდია და მარსელს 7 ქულას უგებს.
რაც შეეხება ჩემპიონთა ლიგას – გუნდი 25-ე ადგილზეა 7 ქულით. დარჩენილ ორ ტურში კი პსჟ მანჩესტერ სიტისა და შტუტგარტს ეთამაშება.
პლეი ოფის წინასწარ რაუნდში გადასასვლელად ფრანგებს ლიგის ფაზაში 9-24 ადგილებს შორის გასვლა სჭირდებათ.
ჩემპიონთა ლიგის ფეხბურთელის რეგისტრაციის წესის მიხედვით პსჟ კვარას დარეგისტრირებას მხოლოდ ლიგის ფაზის შემდეგ, პლეი ოფში მოახერხებს, ოღონდ ჯერ ამ პლეი ოფში უნდა გავიდეს გუნდი.
რაც შეეხება მომდევნო მატჩს მას პსჟ ლანსის წინააღმდეგ 18 იანვარს გამართავს.
ხვიჩა კვარაცხელია და პსჟ – სავარაუდო დებიუტი ახალ გუნდში 26 იანვარს შინ, რეიმსის წინააღმდეგ უნდა შედგეს. მატჩის პირდაპირ რეპორტაჟს setantasports.com-ზე იხილავთ.
setantasports.com-ზე ფასდაკლების მისაღებად შეგიძლიათ პრომო კოდები გამოიყენოთ.
NEWS24 – ერთთვიან გამოწერაზე – 30%
YEAR24 – ერთწლიან გამოწერაზე – 30%
